طريقة عمل المحشي الكرنب من مطبخي بالصور والخطوات,لكل ست بيت المحشي الكرنب بقي اسهل

طريقة عمل المحشي الكرنب من مطبخي بالصور والخطوات,لكل ست بيت المحشي الكرنب بقي اسهل



ازيكم يااحلي عدولات حبايبي ستات البيوت القمرات نورتو الموضوع بتشرفكم ليا انا عارفه
ان المحشي الكرنب احسن انواع المحاشي بعد ورق العنب واكيد في ستات كتير متعرفش
تعمل المحشي الكرنب ممكن بيتخيلو صعب فعميلو او مش عارفين يلفوه تعالي

ياقمر معايا خطوه خطوه بس معلش كاميرة الموبايل بعافيه شويه :12::12::12:
يالله نبدأ :-
اول حاجه انتي بتجيبي الكرنبه زي ماتحبي كبيرة او وسط المهم وانتي بنتقيها متبقاش مكتومه
وانتي بتخبطي عليها تبقي زي الطبله كده تعرفي انها زي الفل تاني حاجه تبدأي تسلقيها في
ناس بتسلقها زي ماهيا بتنضف الزيادات وتشيل قلبها من فوق كده
وتحطها فحلة السليق زي ماهيا وانا مش من الناس دي وفي ناس بتقطعها ورقه ورقه انا من الناس دي :12::12:

المكونات هي:-
ده شكل الكرنبه اول ماتجبيها اسفه علي التصوير الزفت:11:


خضره وهي عباره عن (شبت , بقدونس , كسبره) تقطعيهم انا عموما بحط بصلايه صغيره وبقطعها
علي وش الخضره زي مانتو شايفين بتدي نكهه جميله للمحشي جربيها وهتدعيلي

ارز طبعا بيبقي علي حسب حجم الكرنبه

بصلتان و ماجي لاضافة النكهه والتوابل
(ريحة محشي _ فلفل اسود_ شوية كمون _ شطه حسب اللمذاق)
دي الاساسيات اللي عايزة تضيف توابل اضافيه مفيش مشكله زي ماتحبي


طماطم لعمل الصلصه ودي الصلصه بعد ماستوت

شربه فراخ او لحمه تكون عندك او لسه هتسلقيها ولو معندكيش اي نوع لحوم خالص نمشي علي
قد الايد نجيب حله ونحط فيها مايه ومرقة دجاج وتوابل مشي حالك وهتبقي زي الفل برده
ابدأي بتقطع ورق الكرنبه

تقطعي الورق بنفس الطريقه كده نفصل العرق عن الورقه كما فالصوره لحد ما يخلص كل الورق


بعد تقطيع كل الورق تقومي برصه في طبق ثم تحضري حله السلق الممتلئه بالماء وقليل
من الملح ضعي ورقتان في الحله مع الضغط عليهم بملعقه كبيره الي ان تدبل ويصبح شكلها كده


بعد السلق ضعي الورق كله في مصفاه حتي يصفي وامسكي ورقه ورقه قطعيها بالشكل ده ..
ده شكلها بعد التقطيع

عند تقطيع الورقه
امسكي الورقه الكبيره ثم ابرميها وقطعيها زي ماشوفتي فالصوره ورصيهم كده عشان تبقي
سهله عليكي وانتي بتحشيها

بعد مارصيتي كده سهلتي العمليه قطعنا البصله وقلينا وبعد ماصفرت حطينا الطماطم لحد ماتسبكت


وبعدين بجيب الصلصه وبعدين بحط الخضره الاول 2 دقيقتان علي النار وبعدين الارز في
ناس تانيه بتحط الارز الاول وبعدين الخضره ده علي حسب المزاج

بس انا بفضل الخضره الاول لانك بتشمي ريحه تحفه تجيب جوزك من اخر الدنيا جري:13:

وبعدين حطي الرز وشوحيه شويه مع الصلصه والخضره لمدة 3:5 دقايق وهيبقي شكله كده
معلش بعد مخلص هرمي التليفون ده فالزباله:12::03a:

نبدأ بقي الحشي هاتي الحله اللي هتحشي فيها وحطلها شوية زيت صغيرين عشان متلزقش الورق اللي هتحطيه فالقعر

حطي ورق كرنب فقعر الحله كده وهترسي عليه باقي المحشي

عشان تعرفي تحشي هاتي الورقه كده وحطي في طرفها شوية رز ولفيها زي الروله

رصيه فالحله علي شكله دواير كده


وهكذا لحد متخلصي الرصه كلها

كده احنا خلصنا حشو الحله كلها انا بحط الاخضر من تحت والابيض من فوق كده

بعد ماتخلصي حطي طبق من فوق عشان المحشي مايفكش وانتي بتحطي المرقه او الشربه

وحطي المرقه انا بحط مقدار الارز مرقه بس تكون مغليه وفيها شوية توابل والماجي
وولعي النار حوالي 15 دقيقه ولما يتشرب هدي النار شويه هو بياخد من نص ساعه الي ساعه الا ربع
لانك مشوحه الارز وطلما شوحتيه يبقي مابيخدش سوا كتيير

وبالهنا والشفا

وحبيت افتح واحد عشان اورلكم اد ايه الرز مفلفل ولا الطعم مش هوصيكي

والطبق ده لكل قمرايه هتيجي تقيملي وترد علي موضوعي:228::227:

متتصوروش انا تعبت اد ايه فأني اصورلكو كل حاجه باظبط فارجو تقيميلي وتقدري مجهودي
وبألف هنا وشفا يأحي عدولة



المصدر: منتدى عدلات

للوصول الينا ومتابعة كل جديداكتبي بمحرك البحث (منتدى عـدلات) او (3dlat)



المصدر...