|
|
|
28th June 2015
|
#1 | |
|
مدير ومالك المنتديان
|
زوجي ودراستي :(
السلام عليكم ورحمة الله وبركاته
كل عام وانتم بخير وشهر مبارك على الجميع في البداية مو عارفة من وين ابدأ مشكلتي كل شي تغير من يوم ما رجعت أنا وزوجي للسعودية في اجازة الصيف هالسنة لنا الان شهر ما أبالغ اذا قلت كل يوم تطلع لنا مشكلة اكبر من اللي قبلها أنا انسانة مجتهدة في دراستي ودائما في أولى قائمة المتفوقين درست سنتين في تخصص طبي وبعدها ملكت وزوجي عرفت منه انو راح يطلع ابتعاث المهم انو ضحيت بكل اللي درسته وبتخصصي اللي دخلته عن رغبة وحب بس عشانه وعشان ما اقصر في حقه واروح معاه وين مايروح وخرجت من الجامعة ورحت معاه ابتعاث وبديت لغة سنة كاملة بس بفيزا مرافق ودوام جزئي يعني ما أخد كل المواد اللي ياخدوها غيري من الطلاب ومع ذلك اثبتت نفسي وكنت متفوقة ولله الحمد بس العائق اللي كان عندي انو مو مستفيدة من كل المواد اللي اقدر أستفيد منها زي غيري والسبب لأنو فيزتي دوام جزئي يعني مقيدة بعدد ساعات بسيط ايام الملكة زوجي سألني اذا حابة فيزتي تكون دوام كامل او جزئي وانا اخترت جزئي عشان عارفة انو الزواج حياة جديدة وكمان دولة تانية وكل هالامور قلت أحسن الدوام الجزئي عشان أخفف الضغط على نفسي وما اقصر في حق زوجي ووعدني انو الترم التاني أغير الفيزا وجا الترم التاني ولا غيرها وانا ما اعترضت قلت عادي نرجع السعودية ووقتها نغيرها مرة وحدة واحنا هناك لكن اللي صار انو دحين كل ما افتح الموضوع معاه معارض مرره للفكرة ويقول انتي ماتفكري فيا ومدري ايش وما كأني أنا ضحيت بكل اللي فات بس عشانه ومو راضي يغيرها اخر شي قال اذا حابة تغييرها غيريها بنفسك وانا مو راضي وانا ما ابا دا الشي لأنو بمعارضته راح يخلي هالشي صعب عليا و اذا حصل اي تقصير لاسمح الله راح يلوم لكن لو كان مؤيد ما راح يلومني ويصعب الوضع عليا الان انا مقهورة لآني أشوف غيري اللي بعمري اتخرجت او على وجه تخرج وانا في مكاني جالسة وغيري في أمريكا معاهم اولاد وحالتهم معقدة اكثر مني ويدرسون وما عليهم خلاف وانا لسا ربي ما اكرمنا بأطفال وفي بداية حياتنا ومهارتي في الحياة وإدارة البيت زادت مو زي اول يعني اقدر أوفق بين الدراسة والبيت ف باختصار المقصد من كلامي انو اقدر ادبر أموري زيي زي غيري وغيرها أمور كثيرة اتغيرت مع العلم اول كان حاط تغيير الفيزا من قائمة الأشياء اللي ناوي يسويها لما نرجع ودحين اتغير رأيه أعطوني رأيكم لأنو أهلي لو قلت لهم حيوقفوا معايا ومع دراستي لأنهم في الأساس كانوا ضد أني اسحب من الجامعة وضد الدوام الجزئي وانا اخترت هالشي عشانه وهما احترموا رأيي والآن زوجي مو محترم قراري وشايف أني ما اقدر 😔 المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين .,[d ,]vhsjd :( المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض العادي
