كبت الاهل بداية كل خراب

كبت الاهل بداية كل خراب

السلام عليكم ، مشكلتي اعتقد طويلة وفيها تفصيل شويه اول شيء انا تولدت بعد 4 بنات وقتها ابوي كلن يبغا ولد ومره كان كارهني ومهملني خصوصا اني البنت الرابعه المهم انه امي طول فترة طفولتنا كانت مكتئبة من ابوي ومشاكل وهوا دايم برا البيت وكانت تفرغ غضبها فينا ضرب مبرح على اتفه خطا وممنوع نلعب مع الاطفال في عمرنا ولازم مانطلع اصوات واقل خطا كان جزائة الضرب اللي صار دخلت المدرسه ونا كارهه المجتمع وماعرف اتعامل مع احد وكنت مكروهه من البنات وحاولت اطلع كل غضبي فيهم اضربهم وأذييهم وفي نفس الوقت اشفق على نفسي اني وحيده كنت بكل الطرق احاول اكون صداقات واأيأس لدرجة كنت اسرق اغراضهم عشان اسوي نفسي لقيتها ويحبوني بس للاسف كانو يشكو فيا وتزيد الطين بله استمر ذا الوضع لين المتوسط تقريبا بعدها رحت الثانوي ونفس الووضع مع امي وابويا بس الجديد كنت اطلب جوال وكانت رافضه فطلعت لي جوال بالدس وسرت اسرق الابتوب حق اي احد وافتح شات اسلي عمري فيه لاني كنت احس بممل فظيع في البيت لا اخرج ولا فيه تلفزيون ولا صديقات ولا قرايب فكنت ادخل الشات منها عشاني طفشانه ومنها عشان الاقي شي اكلم البنات فيه لمى ارواح المدرسه واحاول ابين اني مثلهم عندي لاب وجوال عشان يكونو صديقاتي المهم تعرفت على واحد وكان متنفسي من اهلي واستمرت علاقتنا لين الان انا خلاص تخرجت من الجامعه وهوا معايا طبعا تخرجت من الثانوي ودخلت الجامعه وقابلت اشكال وانواع الفساد وكان متنفسي الوحيد الجامعه وصاحبت بنات يخرجو منها لاني ماخرج من بيت اهلي وقتها عرفت الدنيا ورحت الاسواق والمطاعم وكل شيء وبديت امشي في طريق صديقاتي نطلع شقق عيال ونعسل ونا وربي مو ذا طبعي ابدااا بس انا مكبوووته في البيت ومالي متنفس غير المعسل وكنت اروح شقق عشان اعسل بدون فلوس وطبعا محد يلمسني من العيال يكونو اصحاب صحباتي المهمم صحباتي بدأو يخربو ويلجاو للخمر وبعضهم وصلو لمخدرات ونا وااعيه ماااطب مكان فيه خمر ولا مخدرات واقطعها مع اللي تدمن عشان سمعتي المهم تخرجت الان واحس بملل فظيييعع مازال الوضع في البيت على ماهو عليه ابوي مايدري عنا ابدا وامي معاها اكتئاب وماحد يخرج من البيت ولا توجد اي وسائل ترفييه في المنزل طلبتها اسجل في معهد او دورات وهيا رافضهه ونا الفراغ يخليني اتكلم مع اولاد ونا قسم بالله مااااودي ابغا ابطل بس مجبرره ماعننندي اي شيء اسويه في البيت ولا عندي اقارب عايشين في غربه احنا وصديقاتي ممنوع اروح لهم او يجوني صديقاتي الي نفس وضعي يتعرفو على اولاد ويخرجو معاهم في اليل من ورا اهلهم ونا وربي مابغاا اكون كذاا ولا ابغا اجرب اطلع من بيتي اخر اليل مع اشخاص غريبين بس مااافي حل ثاني يمكن بعضكم يحسبني وحده غبيه وقليله ادب لاا والله انا دايمم انصح صحباتي انهم يبطلو وداايم انصحهمم بس انا انصح ونا مو مقتنعه لانه فعلا الكبت ذا اللي اهلنا فيه هوا سبب خرابنا ، انا الولد اللي اعرفه كنت ايام الجامعه تاركته لاني مشغوله بدراستي وكنت واعده نفسي اتركه خلاص بس مع الفراغغ اضطر ارجع اكلمه والصلاه ولا اححد في البيت يصلي ونا احااول اصلي يوم يومين وارجع اتكاسل وارجع احااول اصللي بس مجتمعي مححد يصلي لا صديقاتي ولا اهلي ولا شيء . مالي حل غير اني اعرس بس المشكله اني في حياتي ماطبيت اعراس امي تهاوش لو اقلها بروح عرس صديقتي ولا اروح عزايم يعني كيف حيجي نصيبي ونا ماطلع من البيت ولا اجتمع مع البنات ؟ .. الحمدلله على كل حال انا في نعمه مهما يكون غيري فاقدها عندي الصحه والعافيه والبيت والحمدلله بس ادعولي الله يسعدكمم .. واذا احد عنده حل يتفضل بيه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;fj hghig f]hdm ;g ovhf

المصدر...