|
|
|
11th August 2016
|
#1 | |
|
مدير ومالك المنتديان
|
قصة طريفة
قصة طريفة تقول وحده رايحين أنا وخواتي لمكه تقول ورحنا لأسواق بالطايف وأدخل على محل أكسسورات " بنظرتها هي " و تقول وأقلّب هالطقوم ويجوزلي هاك الطقيم الناعم تقول قلت له بكم قال ب50 تقول وانبسط طقم يتبالص وب 50،،، قلت ابي خمس منه تقول بهدي خواتي نصير طقم انا وياهن تقول قالوا ماعندنا خمس مير إذا جازمه نطلب لك من محلنا الثاني تقول قلت كم يقعد وقت الطلب قالوا ساعه تقول قلت ميخالف اقعد تقول هم بدوا يقولون لي ياسيده واخترشوا بي خرشه جابو لي كرسي وحطوا لي ظيافه وحشموون وياسيدة وياسيدة تقول يوم وصلن الطلبات تقول قالوا وش تبين نحطهن لك بوه تقول قلت اي شي تقول قالو نغلفهن نسوي بهن شي تقول قلت اذا مجانا ضبطوهن لي تقول قالوا : ايه مجانا تقول قلت اجل زبروقهن احسن زبرقه تقول يوم جابوا لي هاك الكرت وقالو يالله وقعي استلام وقالو كيف تبين تحاسبين عن طريق الصراف ؟ تقول واثقه قلت لهم : لا معي كاش ! تقول يوم وقعت وكتبت اسمي تقول نغزن قلبي وش هالمبالغه على 250 ريال تقول ماتسوى انهم يخترشون تقول وكل اللي بالمحل مختبين معي ومخترشين تقول يوم قالو يالله الحساب واجدع عليهم ال500 تقول قلت يبقى لي 250 تقول يوم كلهم تجمدوو ا وطلعت عيونهم المساكين وتبوهروا وعجزوا ينطقون كلمه وحده تقول يوم شفت وضعهم وأنا تقل مصفوقه مع وجهي اثره الطقم بخمسين الف 😂 تقول وانا اسحب 500 واطلع تقول وانحر سيارت ولد اختي اللي جايبن تقول وقلت بسرعه هج بي من الروعه تقول مادري وين انا به تقول يوم ابعدنا شوي تقول ويجين هاك الضحك اللي فتق عقلي كيف تقول صدقت روحي يوم قالو خمسين جت ببالي خمسين ريال أثره داخلتن محل ألماس وهي تحسبه اكسسوار😂😂😂😂 المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: منتدى القصص والروايات - قصص قصيرة - قصص واقعية rwm 'vdtm المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض العادي
