الشك في زوجتي

الشك في زوجتي


السلام عليكم

متزوج من 5 سنوات و عندي ولد الله يحفظه ويصلحه و يرزقني بره

الي أبغا اتكلم فيه تصرفات حركات مدري أيش اسميها

احيان زوجتي ترمي كلام مثل اكلم صديقي و احيان بس جالسه على الجوال ليل نهار حتى الطبخ وربي ما عاد تطبخ الا بالاسبوع 3 مرات .. زيارة اهلي بالقوة و احيان مشاكل عشان تروح معي

صارت مشاكل كثيرة و بالليل ما تنام الا بعد الفجر وبس مسنتره على الجوال .. حتى الحق الشرعي صار مو مثل اول

حتى الصلاة تجمع الفجر و الظهر و العصر .. كلهن تصليهن العصر

بديت اشك بوضعها .. اذا دخلت البيت تجي لمي و تبوسني و حبيبي و مدري ايش

انا استغربت ماني متعود على ها الشي .. قلبي قارصني ماني متطمن

رحنا الخميس الي رايح السوق على اساس اشتري لولدي ملابس شتوية

المهم كان في قسم الاطفال واحد شاب عمره بالعشرينات و كاشخ و المهم لاحظت وضعه مريب جداَ و تصرفات واضحه على انه فيه شي

ما فيه الا حنا و هو حتى هو ما معه احد نهائي .. استغفرت ربي و مشيت تقضينا لولدي و مشينا رايحين صوب المحاسب فجاءة

لقيته قدامي وربي ما تحرك الا بعد ما حاسبت و مشيت وكان واقف على اليسار صوب باب الخروج

و حاسبت و مشيت ورحت صوب اليمين كشكات بنات الي تبيع اكسسورات جوالات و الي تبيع عطورات و الي تبيع مأكولات و الي تبيع اكسسورات نسائية

فجاءة التفت لقيته نفس الشخص و شكيت شكيت بالوضع مدري ايش السالفة احس شي يدور حولي و يسترق النظر علينا و بالنهاية طلع ومامعه احد نهائي

حتى ولدي شبه مهمل اما زيارة اهلها ماشاء الله ركض ركض

يا ناس اعيش بدوامة تفكير هذا غير الاشياء الي حصلت قبل من مشاكل وامور كثيرة

اشك فيها و اشك بجوالها حتى خلتني من تصرفاتها افتش كل شي بجوالها

بس مالقيت شي و استغفر الله صرت افكر تمسح كل شي حتى ما اشوف شي

امانه بالله نزلو موضوعي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hga; td .,[jd

المصدر...