تعقيب للمره الاولى مصدومه من زوجي ومجروحه من امي..!

مصدومه من زوجي ومجروحه من امي..!

تعقيب على مشكلتي اللي حطيتها قبل شكرا لكل من نصحني وحاول يخفف عني اشكركم والله من القلب ❤️
http://forum.z4ar.com/f116/t440060.html


انا ما كتبت كل عيوب زوجي اللي مضايقتني فيه واللي خلتني اتمنى موته ! يمكن الوقت كان ضيق وكان ودي احد يواسيني او يخفف عني..
انا مو زعلانه لاجل انه اتزوج او كلم خاطبات او حتى يفكر يتزوج بالرغم والله مافي وحده تصبر على عصبيته واخلاقه الصعبه غيري ..لا انا زعلانه لأني وثقت فيه اكتشفت بعد سجنه انه ماخذ حقوق ناس كثير ولا ادري وين صرف هالفلوس !
وزعلانه لأني اكتشفت انه يكلم حريم ويفضفض مع كذا وحده مالهم اي صله قرابه يعني اغلبهم متزوجات ! غير انه منشغل بالدردشه والصور وانا ولا عمري فكرت افتش جواله
زعلانه لانه حاول يكلم وحده من صديقاتي ويتقرب لها
واكتشفت انه نسونجي ويدعي المثاليه قدامي
وزعلانه لانى دايما اخاف عليه ولا ودي امورنا تتعقد او يصير بينا شي وارجع لاهلي ..
زعلانه لانه كذب علي في امور كثير ولمن اسأله ليش يا ابو فلان كذا يقولي مالك دخل او لاتدخلين في اي شي مايخصك !
زعلانه لان وعد امه وحلف لها بموضوع خاص يخلصه وخذلها وصارت بينهم قطيعه..تعرفون امه هذا انا اعتبرها امي بالضبط حرمني منها وحرم عياله الله لايسامحه ..
زعلانه لانه متكبر مغرور متعجرف كل ما احاول انصحه واتقرب منه واوقف جنبه يعطيني ظهره او يحاول يجرحني بالكلام !
زعلانه لانه خذل اخوانه وماراعى الأخوه اللي بينهم ..!
زعلانه لاني كنت احاول واجاهد المع صورته قدام الكل وأولهم اهلي وانا اللي كنت في غفله والكل يقولي بكره تصحين من اللي انتي فيه ..
زعلانه لاني تحديت الكل وتزوجته وقفت جنبه لين ماصار يحتاج احد ..!
زعلانه لانه دخل مشروع من غير ما ادري وترك الفلوس سايبه وانشغل بالسمرات والاستراحات لين جاتنا الضربه وانا انسانه متعلمه لو ناقشني كان ممكن اقوله لاتدخل المشروع لانك شخص غير كفو وغير مسؤول!
زعلانه على ولدي وبنتي اللي ليل نهار يسألون عنه ولا فكر يكلم احد فيهم خلال هالسنه بس يتصل شلونكم ويسكر !
واخيرا زعلانه لأني ماعرفت كل هالأمور الا لمن دخل السجن من خلال جواله هذا اللي صدمني وخلاني ادعي عليه..
التمسوو لي العذر ..


اما من ناحيه امي فوالله ما عمري جرحتها بكلمه او كدرتها بشى بس للأسف هي ماتحب تشوفني مرتاحه حتى لو اضحك والغصه بالقلب تحاول تنكد علي فيها لكن هي امي ومضطره اتحملها والله يعطينى ع قد نيتي ..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lw],li lk .,[d ,l[v,pi hld>>!

المصدر...