ضربتين في الرأس توجع

ضربتين في الرأس توجع

السلام عليكم
صار بيننا موضوع انا وزوجي واللحين لنا 3 سنوات متزوجين لكن في البدايه اذكر لكم موقف صار حتى تفهمون الباقي

من فتره تمشكلنا انا وإياه على انه طلبني اساعد أمه في ترتيب بيتهم الجديد فوافقت وسألته باستغراب طيب انا الاحظ البنات مايساعدونها
فإنفجر عليه انفجار كبير و شدينا بالكلام حتى وصلت اني قلت له لا تلومني صاير شيء قدامي ماحد يسويه وين بر الام ووين رحمتهم فيها طالعه نازله تكرف على وجهها و كل وحده فيهم بعافيتها تشيل بلد ولا ساعدت أمها وش هالبرود فيهم
ووالله لو اني انا ماارضاها على امي لو اطيح على وجهي و طبعا كلامي ذَا جنن عقله اكثر و اكثر وبدا يغلط اكثر حتى وصل انه قالي نسيتي امي كيف تعاملك يوم اجهضتي
قلت لا مانسيت و من حرقتي عليها سألت عن البنات الواجب يساعدونها فقالي اصلا انتي نيتك خبيثه و الاجهاض اللي جاك عقوبه من الله
فقلت له ترا هالشيء خساره لنا كلنا وش التفكير المريض هذا و دخلنا في اتهامات كلها ظلمني فيها و دعيت عليه
فقالي يلا شيلي عفشك و روحي لأهلك قلت ماني قاعده لك لحظه وحده بعدين راح يدخن و هدأ شوي و دخل علي وانا ارتب شنطتي
فقالي انتي صادقه بتطلعين قلت له تتشمت في إجهاضي و تطردني ليه باقي اقعد فتناقشنا كثير و حلفت له على المصحف انه ظلمني وبعدها حلف لي ع المصحف انه ماكان يقصد من كلامه الا الاستفزاز و العناد فقط
و ان خسارتنا وحده و انه مايرضى اطلع من بيته واعتذر لي و صدقته لما حلف برغم اعرفه كذوب لكن قلت مستحيل يحلف على القران كذب و انتهت السالفه
و مشت الأيام و صارت مشكله على شيء تافه انه عطاني باقي مبلغ أرسلته يشتري لي شغله و لما رجع عطاني باقي الفلوس أخذتها و بعفويه عديتها كم الباقي
و هنا انجن جنونه ليه تعدين ورايه و ايش قصدك و ترا هاذي فلوسي انا معطيك و انتي انانيه
عاد انا انصدمت من كل هالانفعال و رحت عنه و رجعت بعد ما هدأ لكن كنت مره متضايقه و لاني طايقته
و سألني فقلت له انت ليه زعلت كأنني اهنتك و الحركه مره عاديه و عفويه اي إنسان اذا مسك فلوس راح يعدها
قالي اولا تعقبين ما تهينيني و ثانيا انتي كنتي تحاسبيني ما هي حركه عفويه و لا تقلبين السالفه عليه فقلت الله اكبر انت اللحين ماتحاسبني و لا عمرك عديت من ورايه ياما صارت و لا زعلتني
قالي لا انا مااقصد فيها لكن انتي ترا هاذي فلوس و انا معطيك و اذا نفسك بشيء بأعطيك و لا قصرت عليك في شيء
وبدأ يتمنن عليه فزعلت مره و قلت انت دايم تمنن عليه وطفشتني وذليتني و انت اذا حطيت مصروف بحسابي دايم تراقبني عليه و تسألني عليه و لا تكلمت بحرف وحتى انه يعرف الاسواق اللي حاسبت عليها من كشف الحساب يسويه ولا زعلت
وشوف انت كيف زعلت على حاجه بسيطه و انا كنت عايشه عند اهلي معززه مكرمه قالي اصلا عادي اشوف حسابك و انتي عندك مشكله مع الفلوس ملاحظك تحسسين منها
فقلت له لا ماهمتني الفلوس ولا هميتني انت وطز في عيشتك اللي تمنها عليه قالي توكلي على الله وروحي لأهلك
بعدها كلمت امي و طلب يكلمها و اشتكا لها و بدأ يقول انا فعلت و انا عطيت و انا سويت عاد امي قالت بس ماتوصلونها للتفاهه هاذي وتتناقرون على شيء تافه مثل ذَا و لا تطردها من بيتك و لا هي تخرج الا بذنب كبير و اعطته محاضره عليها
قام قال هي بدأت تقول ماابغاك ولا ابغا عيشتك وانا رجل عندي كرامه و تناقشوا كثير وكان كلام امي عقلاني جدا و اقتنع منها و اعتذر وحاول يطلعني قدامها مليانه عيوب لكن امي تناقشت معه بهدوء و سكروا وخلاص
وحلف لي عالمصحف انه مايقصد إهانتي و انه ما يقصد التمنن لكنه يبغا يذكرني انه مو مقصر لكن ماصدقته هالمره أبدا
و اعرفه يحلف كثير كلها كذب و خايفه يكون يحلف على القران كذب و خايفه ربي يغضب علينا بسببه وبعدها راح و يومين مانكلم بعض
وباقي مقهوره و تعبت سخونه وارسلت له ماتدري عني و لا شيء قالي انتظرك تعتذرين و مطنشتني برغم اني حلفت واعتذرت لك قدام أمك
جلسنا كم يوم مانكلم بعض وبعدها تعب فجأه و دخل المستشفى وقرروا له عملية ازالة خراج فخفت عليه و رحت المستشفى و راضيته و انتهت
والان باقي بالمستشفى لكن مره باقي مجروحه و احس اني مارح ارجع بنفسيه حلوه كسر فيني أشياء بسبب ظلمه لي
وصدمني على تفاهه يطردني وانا أدلعه بكل شيء و قهرني بشكاويه عند امي و ترا امي حذرته انها تتكرر و ان ابوي لو عرف مارح يرحمه و لا يرحمني و انه رح يكبر السالفه و انتو بالنهايه الخسرانين و مابتندمون الا اذا طاح الفاس بالراس واعتذر و خلاص

ايش رأيكم فيه ترا انا مره أحسه أهانني و مااعجبني ان امي كلمته بهدوء و هو طاردني اخاف يتمادى بعدين و يتطمن من ردة فعل امي
والله بس ابكي كل ماتذكرت و هاذي المره الثانيه يطردني

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

qvfjdk td hgvHs j,[u

المصدر...