تعقيب للمره الثانية زوجي يقول لأبوي بنتك مو متربية :(

زوجي يقول لأبوي بنتك مو متربية :(

السلام عليكم ورحمة الله وبركاته

http://forum.z4ar.com/f116/t446263.html





اشكركم كثيييييييييييييييييييييييييييييييييييييير على نصحكم لي وتوجيهاتكم ومشيت عليها وسمعت كلام ابوي وطلع كلامكم هوو الصح
مليااااار بالمية :love:
زوجي جاب عمي واخوانه ورجال معه للصلح وجابوا معاهم عشاهم عشان تتصافى القلوب وجابو لي هدية
وابوي تفاهم معاه ووعده يحترمني وانه اما امساك بمعروف او تسريح بإحسان ولو تكرر الموضوع ماراح يرجعني ابد
وابوي عطاني كلام والله ذهب الله يحفظه
قال لاشفتي الرجال زعلان اوقفي معاه ولاتنكدي عليه بطلبات وكوني عون له في هالدنيا وتحمليه وامتصي غضبه
عشان لاصار منك شيء يتحملك كلكم مكملين لبعض ولاتغلطي عليه مهما يغلط حنا نجيب لك الحق
ولاتدققي ببعض الامور امه قالت ولا اخته سوت كلهم لاتهتمي للي يقولونه هذولا اهله وين يوديهم ؟؟
اهله ملزوم فيهم ولو سوو لك شيء اسمعي من اذن وطيري من الثانية
امه امه امه لو تعتبريها مثل امك مابتزعلي منها
واخته لو تعتبريها مثل اختك بتتحملي هفواتها وخليك بعيدة وقللي الكلام عشان لاتتصادمي معاهم
ولاتتشكي منهم عملوا فعلوا خليك صاحية ابغى الكل يقول والنعم فيك وفي من رباك
والله يوفقك يابنتي
ورجعت اليوم الثاني جا واخذني واعتذر مني وقال خلينا نبدأ صفحة جديدة والحمد لله للحين حياتنا مستقرة وهادية وسالفة الخلفة ماجبت لابوي السيرة بس امي تدري لانها كل شوي تقول لايكون ماتخلفي ومخبية علي وخبرتها قال الله يرزقكم الذرية الطيبة
وحاليا قاعد يراجع المستشفى ويقولو في امل بالخلفة
مشكورين ماقصرتم جعل امنياتكم تتحقق قريب يااااااارب ويفرحكم مثل مافرحتوني

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d dr,g gHf,d fkj; l, ljvfdm :(

المصدر...