كرهت نفسي واهلي وزوجي

كرهت نفسي واهلي وزوجي

بدخل بموضوعي متزوجه لي 5 سنين من رجال اربعيني متزوج وعنده 8 عيال وانا عشرينيه موظفه مافيني اي عيب جميله لكن نصيبي العاثر من يوم تزوجنا لين اليوم وانا عند اهلي ساكنه هو بمدينه وانا بمدينه تعبت وانا احاول فيه اروح عنده ماهو راضي يتحجج ببنتنا انه الحين وانا اداوم اخليها عند اهلي ىكن اذ رحت هناك وين اخليها المهم حاولت وتعبت مارضي وقلت له طيب خذ لي شقه بنفس مدينتي ابغا اكون زي اي بنت متزوجه يتحجج انها مالها داعي وهو يجيني مرا بالشهر ونادرا اذ كثر مرتين بالشهر وانه اجلس فيها لوحدي صعبه يخاف علي وصحباتي بدوام كل شوي يسالوني بنجيك وين بيتك ليش داسه بيتك وانا الصراحه اتفشل اقول لهم قصتي وكل شوي اكذب كذبه المهم مليت طفشت منه والله العظيم مايعطيني ريال حتى بنتي انا اصرف عليها واحيان اجلس اتشحذه لين يعطيني 500 شهريا وتطلع منه بطلعة الروح عشان اغراض بنته هذي معاناتي مع زوجي اما معناتي مع اهلي اخواتي مايسسسون شي ابد بالبيت اجي تعبانه من الدوام مافي غدا ولا فطور ولاعشا كل شي من برا تعبت وانا اصرف وفوق هذا وسخين ماينظفون البيت الا بعد ماتضارب معاهم واسب واشتم وادعي من القهر يقومون ينظفون البيت بعد مايسير زرباله ويدعون علي بكل مااعطاهم الله من طاقه بالامراض واني عله على قلوبهم ويتمنون الفكه مني والله اني ماسويت شي غير اني اجي وهاوشهم ليش البيت زباله وملابس امي تعبانه محد يغسلها تجلس امي بملابسها الوسخه ماتقدر تغسل ملابسها واجي من الدوام اغسل ملابسي انا وامي وبنتي والله تعبت انا انسانه مرتبه ونظيفه اكره اشوف بيتنا زباله واما اخواني واحد 19 والله صلاه مايعرفها تضاربت معاه لين تعبت وطفشت ماغير جالس ع الجوال 24 ساعه والزباله الله يكرمكم بعد ماينظفون اخواني تطلع من بيتنا من العفن ف اكياس ملينه تجلس ع الدرج لين القطط تقطعها اسبوع اتضارب مع اخوي ينزلها يعاند ويتلفظ على الفاظ وسخه ويدعي علي بالموت ليش يقول ارتليته بحياته ليش اامره يصلي وينزل الزباله خلااااص مليت من خياتي والخافي اعظم والله ابغا اشرد من بيت اهلي وين اشرد وووين اروح مدري تعبت واليوم كسرت شريحتي وحطيت حرتي بزوجي قلتله اذ ماجبت لي شقه زي اي وحده لاعاد تجي ولا اشوفك تعبت وانا ادعي على اخواني وهم يدعون علي و السبب انهم وسخين جدا ووانا ليش دايم اامره بالصح والسبب زوجي لو عندي كان ماتضاربت مع اهلي كل يوم وندعي على بعض باىموت ونكره بعض كان ر9ت شقتي وخليتهم يغرقون بزبالتهم لكن انا ماقدر اعيش ببيت زباله وريحته طالعه الله يووفقكم ساعدوني من غير تجريح ولحد يقول كلمي اخواتك بالنعروف لاني سويت كل شي مافي فايده والله العظيم اكتب لكم وانا ابكي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

;vij ktsd ,higd ,.,[d

المصدر...