زوجتي عند اهلها من ثلاثة اشهر بسبب خلاف بسيط ؟

زوجتي عند اهلها من ثلاثة اشهر بسبب خلاف بسيط ؟

السلام عليكم ورحمة الله وبركاته ....اسعد الله صباحكم ومساكم بكل خير

انا شخص متزوج من اربع سنوات والى الآن لم نرزق بذرية ولله الحمد وهو قادر على كل شي.... مشكلتي يا اخوان زوجتي للاسف مهملة في زوجها وبيتها ونفسها... ما تتكشخ وتتزين الا بالحاح مني واذا طلعت مثلا الى عزيمة او جامعتها ما شاءالله اشوف عروس جديدة قدامي... ونفس الشي في الفراش تتميرض وتتكاسل الين اكره الفراش... في البيت املا الثلاجة من الخيرات وللاسف ما يجي بعد اسبوعين الا والخضار عفنت وترميها وبرضه انا الي الاحظ وهي ما همها... المطبخ يجلس بالشهور بدون تكنيس واذا جت تكنس جمعتها في زاوية وجلست اسبوعين الى شهر بدون ما تشلها ....ونفس الشي في المواعين تشتكي من الفيري وانه يعدم يدها واروح اجيب غسالة مواعين والحمدلله ضبطت الامور ....ملابسي ما تتغسل الا بعد اسبوعين والله اني بعض الاحيان اغسلها بنفسي واكوي بنفسب وفي او قات محرجة وكم من مرة اقول غسلي ثوبي واكويه علشان الدوام اقوم الصباح احصله باقي في الغسالة وباقي ما تنشف واروح انشفه واكويه واتاخر عن الدوام... كل هذا يهون بالنسبة لي ...المشكلة زوجتي عنيده عنيده واذا شافتني زعلان واستفزتني تقوم ترد الكلمة عشرين كلمة وتحط راسها براسي في كل شي ...المهم اساس المشكلة الوالدة الله يحفظها كانت عندي وللاسف لاحظت بعد يومين ان امي زعلانة وتلمح اني مهمل مع زوجتي وبخيل معها استدرجتها الله يحفضها بالكلام الين عرفت ان زوجتي بدت تطلع مشاكلنا عند الوالدة واني بخيل عليها وانا للاسف مريت بضائقة مالية واضطريت اجمع علشان الايجار والفواتير واقساط السيارة ومع ذالك وهي تطلع اسرارنا للوالدة والله العظيم ان في حسابها 500 ريال وطلبتني امي اني ما اطلع اي كلمه لها وكلمها بالموضوع اذا ودك بعد ما امشي من عندكم قلت ابشري ....مرت الايام وطلعت فاتورة جوالها شيكت على الارقام طلع رقم غريب وعليه اتصالات كثيرة انا خفت ان الرقم مسروق... وانا عارف ارقام اخواتها كلهم... حطيت الرقم في برنامج نمبر بوك طلع رقم رجال... رحت كلمتها باسلوب هادي قلت فيه رقم عليه اتصالات كثير ودي تجيبين جوالك وتشوفين من هو رقمه قالت ليه انت شاك فيني قلت والله ماهو شك بس جيبي جوالك وتاكدي قالت والله ما اجيبه انك تشك فيني قلت جيبيه قالت لا والله ما اجيبه رحت جبت الجوال وقلت افتحيه قالت والله ما افتحه ان انت الشكاك واذا انت الي تبحث عن الرقم رح اتصل من جوالك بعد مشادات في الكلام وعناد منها قمت ورميت الجوال وانا الي شاريه ومعطيها هدية وانكسر قالت والله ان اروح لعمتي اقولها وصوتها مرتفع وانا احاول اهديها والله ما هو علشانها علشان الوالدة وهي ضيفه عندي المهم جت الوالدة ودقت باب الغرفة فتحت الباب وقلت للوالدة الوضع طيب ومعليكي شوي الا وهي جايه من وراي وجالسه تصايح وتقول اني اشك في شرفها وبدا صوتها يرتفع على الوالدة هنا انا انعميت لو ماالوالدة فيه كان ضربتها لكن الحمدلله اني ما مديت يدي دفلت في وجهها ورحت الصالة وانا افور وهي تصايح والله ان اروح للاهلي واكلم ابوي واخوي علشان يجون ياخذوني ....مرت الايام وبالتحديد بعد اربع ايام وعلشان الطف الجو جبت لها ايفون 7 بلس ب 3200 ريال وتكلمت معها قلت يابنت الناس احتاج منك الطاعة والاحترام والاهتمام فيني وهذي هدية مني بدل الجوال الي انكسر وهذي حياتي انا وانتي اذا شفتي نفسك ما تبغيني قلي علشان كلن يشوف طريقة انا والله احتاج زوجها تحترمني وتقدرني وتطيعني انا محترم عند الناس كلهم وللاسف في بيتي زوجتي ما تحترمني وهي ستري وغطاي اذا شفتي نفسك ما تحترميني الله يحفظك بيتي ما يرحب بك قالت بزعل الله يرزقك على قد نيتك ووالله انك ما تستاهلني.... جاء بعدها بيومين جتني وقالت ابوي عازمني انا واخواتي الغدا وودي توديني اجلس معهم قلت خلاص اجلسي ونامي عندهم وبعد يومين بنروح جده قالت خلاص.... وانا بطيب نية وديتها ورحت طلعت امي امشيها وخنا نتمشى اتصلت على امي تعتذر منها انها ما بتسافر معنا وانا جنب امي... رجعت اتصل عليها ما ردت دقيت مرة ثانية عطتني مشغول ارسلت رسالة قالت ابوي رافض اني اسافر معكم ... اتصلت على ابوها قلت بنتك تقول انك رفضت انها تسافر معي قال ايه انا رفضت وانت الي جبتها عندي وما تبغاها وانت منت بمطلق ولا انت راعي خوه وجلس يبربر في الاخير قلت تراني مطلق من قبل ما اخذ بنتك ولو بنتك محترمه كان حشمتني وما راحت بمغشه وامي موجوده عندي ضيفه في البيت... لكن عموما بنتك عندك والله يرزقها بالمطلق والله يشفيك ويرفع ما فيك... ابوها مريض وعنده فشل كلوي.... مر شهر وراحو يكلمون اخوي يبغون يدخلونه في المشكله جاني اخوي الكبير وكلمني وعطيته الكلام وللحين لي 3 شهور وما كلمة تعتذر ولا شي ... ارجو من الله ثم منك مساعدتي وهل ما قمت به صح او خطأ شاكر ومقدر لكم جميعا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[jd uk] higih lk eghem haiv fsff oght fsd' ?

المصدر...