تعقيب للمره الاولى مشكلتي خنت زوجي

مشكلتي خنت زوجي

http://forum.z4ar.com/f116/t454839.html


السلام عليكم .. شكراً لكلامكم الذي دعمني و اخرجني من حالة الانهيار اللي كنت فيها .. في عدة اشياء حابة اوضحها ، انا انسانة غلطت و الغلط راكبني ركوب لكن انا قلت ان صارت مشاكل بيني و بين زوجي مشاكل دامت اكثر من سنة و كانت بسبب اصدقاء زوجي تعرف عليهم و غيروا كل طباعه صار يسهر لوقت متأخر و تعلم كيف يصارخ فيني و يسبني و كل اسلوبه معي تغير و صار كل شي اسمعه منه انه يبي يربيني و قام بتهديدي اكثر من مرة انه بيخوني مع اني ما قصرت معاه بشي ابد، انا كنت ادري انه كل هذا من وساوس اصدقاءه لذلك تحملته و داريته و عاملته بكل حب رغم قسوته لاني اعرفه زين و اعرف انها فترة و بتعدي و فيوم حيفيق على نفسه لكن للاسف افكاره صارت تصير اسوأ و انا تدريجياً زوجي نزل من عيني لين جا اليوم و مد يده علي و ضربني وقتها تركت البيت و كنت في حالة نفسية صعبة و ما قلت لاحد انه ضربني خجلت ، زوجي من اروع الناس اللي عرفتها فحياتي و دايم رافعة قدره بين الناس و ما حبيت صورته تنهز قدام اي احد حتى اهلي ، عشت فترة صعبة من الكتمان و القهر كيف الشخص اللي حبيته بكل اخلاص عاملني معاملة سيئة بالشكل هذا و عن ظلم ، و لما الشخص الثاني تقربلي ما دري كيف سمحت له بس عن ضعف ، و عن عدم تفكير ما دري كنت اريد انتقم لنفسي ولا كنت ابي اي احد افضفض له و هو طلعلي ما دري ، الشخص هذا اعرفه من زمان و يحبني فحسيت انه بيساعدني ما دري يا ربي شلون صار اللي صار ، ما ابرر لنفسي ابداً انا غلطانة غلط كبير و يمكن لا يغتفر لكن اريد اوضح اني انا مو انسانة مو متربية و اني سويت اللي سويته لان ابي اتسلى ، انا احب زوجي والله يعلم ، انا الحين عايشة مع زوجي احلى حياة مثل زمان و افضل ، بعد عن اصدقاءه و عرف اخطاءه و طلب مني السماح و قاللي انه بيعوضني و انه كان مغيب ما يدري شلون عاملني بالطريقة هذه و بس يبي يعوضني و ما يحرم نفسه مني اكثر من كدا ، و انا عايشة بين افكاري ، مرات تلاقيني نسيت كل شي و عاملت زوجي بكل حب و اكون فرحانة و كل شي ، لكن من اختلي بنفسي يبدأ الوسواس اولاً الشعور بالذنب بيخنقني لدرجة انه ييجي فبالي افتح الباب و اهرب و ما حد يدري عني شي انا ما اقدر أءذي احد بالشكل هذا كيف لو كان اكثر انسان بالدنيا احبه؟!! حاسة اني ما استحقه و اني عايشة حياة ما تستاهلها وحدة مثلي، ثانياً الخوووف بيقتلني خايفة الشخص يقول لزوجي خايفة خوف مو طبيعي نفسي الشخص يموت و افتك ادري انه مو ذنبه و اللي صار خطئي انا سمحت له لكن مو عارفة شسوي كل ما يخرج زوجي من البيت اقعد على اعصابي لين يرجع و اذا حسيته انه زعلان اخااف يكون درى و اصير اكل بنفسي تعبتت من التفكيررر .. ثالثاً يمكن مالي حق اقولها لكن انا ما اعرف اذا انا فعلاً سامحت زوجي ولا شعوري بالذنب خلاني احس اني مالي حق ابقى زعلانة ، زوجي جرحني وايد و جرح كرامتي و اقول لنفسي ان اهو جرحني لدرجة اني كلمت شخص ثاني و ما همني اذاً معقول انا لهدرجة فقدت حبي له وقتها ؟ شلون صار كذا ؟! و يا ترى انا الحين مسامحته و اسويله كل شي لاني احبه ولا بس لاني احس اني بكفر عن ذنبي فقط بدون اي مشاعر ثانية؟! ما دري ليش هل الافكار صارت تيجيني اكون مستانسة و و رميت كل شي ورا ظهري و اعشق زوجي فجأة كل شي ينقلب و حس اني بنفجر من التفكير و الخوف ، شنو تنصحوني الحين ؟ اكتب لكم و انا ابكي بقهر ، زوجي مسافر و مادري مخنوقة وايد زاد تفكيري و انا لوحدي و مشتاقة له و احس روحي بتطلع من مكانها يا ربي ما اتخيل اني اشوفه مجروح او متعذب ما استحمل شوكة تخزه شلون لو يدرى اني جرحته بايدي يا ربي شلون ارحم نفسي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

la;gjd okj .,[d

المصدر...