ماقدرت انسجم مع اهل زوجي

ماقدرت انسجم مع اهل زوجي

السلام عليكم ورحمة الله وبركاته
في البدايه انا شخصيتي شوي هادئه وغير اجتماعيه كثيرا
تزوجة من ابن عمي بصراحه في حياتي مااختلط معهم من يوم خلقنا حتى كبرنا
وانا متزوجه من قرابة ال 6 سنوات وعندي طفلين بنت وولد وهم طيبين وماقد اذوني بس
ماقدرت انسجم معهم من سوالف واخذ وعطى ودي نتعامل مع بعض كاننا خوات بس احس انو في حاجز
وانا ساكنه بمنطقه اخرى ومالتقي فيهم الا نادرا ممكن هذا الشي الا خلانا ماناخذ على بعض يعني هم احسم منسجمين مع بنات خالهم وخالاتهم كثير حتى لما ازورهم احس كأني ضيفه ويتعاملو معي على اني ضيفه ووالله هذا مضايقني كثير يعني انا شوي استحي منهم وهم ماساعدوني على انو ناخذ على بعض
وام زوجي امكن من قرابة سنتين بدية شوي انسجم معها ووالله لما تصير جمعه احسني كأني غريبه كل وحده تسولف مع الثانيه وانا مستمعه وودي ارجع البيت
طبعا ايش الا خلاني ابغى انسجم معهم لاني اشوف بنات خوالي وخالاتي لما يتزوجو ينسجمو مع اهل ازواجهم ويزورهم من غير ميعاد ويصيرو كانهم بناتهم اما اهل زوجي لازم مواعيد ومدري ايش يعني ودي احس اني بنتهم بصراحه لما اروح لهم احس بشد عضلي مااقدر اتحرك في البيت زي ماابي وكذا احس استحي احس ماكاني من طينتهم ابد والله. اروح مثل الضيفه وارجع شي ينرفز يعني حتى لما تصير عندهم جمعات عشا وكذا ودي اروح اساعدهم وكذا احس استحي لاني مو واخذه عليهم والله اني استحي من حالي اشوف حريم عيالهم الثانين يساعدوهم وكذا ومنسجمين معهم وانا لا والله اتضايق من حالي ودي اكسر الحاحز الا بيننا بس مش عارفه كيف اتمنى تساعدوني لا تقولو خليك رسميه واحسلك والله هم ناس طيبين ومعروفين ماعمرهم تمشكلو مع احد حالهم في بالهم واحيانا انا اقول امكن هدوئي هو السبب الناس تحب وتنجذب للي دمهم خفيف ودايم يضحكون ويسولفون انا بس اوزع بسمات والي يسولف معي اسولف معه واحيانا اكون انا الباديه بس بصراحه مانطول كلها كم كلمه وخلص يروحون يسولفون مع قرايبهم الثانين
ادري طولت بس شي مضايقني وودي القاله حل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lhr]vj hks[l lu hig .,[d

المصدر...