فكرة ان الاسلام ظلم ومافيه عدل تجيني بين كل فترة وفترة ، ساعدوني

فكرة ان الاسلام ظلم ومافيه عدل تجيني بين كل فترة وفترة ، ساعدوني

السلام عليكم
بداية لا أحد يسبني أو يقذف لاني ما جيت أتكلم الا وأنا ابغا الحل ، بحاول أجزء لكم الموضوع عشان ما تملوا وتفهموني صح.

أنا مسلمة وأؤمن بالله وبجميع اسمائه وصفاته وأؤمن بأن محمد صلى الله عليه وسلم هو رسول الله ونبيه وأؤمن بالجنة والنار والحساب والبعث....الخ

لكن عندي مشكلة بالعدل أو المساواة (أنا ضد المساواة فمن غير المنطق أساوي طفل ذكي بطفل غبي .. بس مع العدل وأعلم انو من اسماء الله العادل)

أنا وحدة عاقلة ، وكنت ف تحفيظ قران ، وتخصصي من التخصصات الشرعية ودرست المذاهب وكبيرة بما يكفي ، ربي رزقني بأشياء كثير ولو أحمده من الْيَوْمَ لآخر يوم بحياتي ما اوفي ، حباني بالجمال والاخلاق والعلم والذكاء وأهل كويسين ...الخ (لحد يقول تسوق لنفسها فيوسف عليه السلام قال لوالي مصر اجعلني ع خزائن الارض وأخذ يعدد مزاياه)

أولاً/ السفر والابتعاث والزواج من غير الديانة
نبدأ بالابتعاث للدراسة، تخيلوا معايا بنت ذكية ومجتهدة وحلمها تكمل دراستها ف تخصص دقيق ومافي الا دولة اجنبية متمكنه من هذا التخصص ، تنحرم البنّت ونقولها دبري لك محرم وإذا لقت المحرم يرفض أو بأي دقيقة يزعل منها ويرجعها أما الرجل تبغا تسافر ترفه عن نفسك روووح ومحد يردك (السفر لبلاد الكفر حرام مع كذا محد يتكلم عن ذا الموضوع قد ما يتكلموا عن سفر المرأة بلا محرم حرام حتى لو للحج ) يعني المرأة المسلمة معلقة أحلامها ع رجل غصب !!!
ويقولوا العلة في تحريم سفر المرأة بدون محرم ان المرأة ضعيفة وخوف عليها ؟! طيب والرجل المسلم اذا خرج بلاد مسلمه لكن متحلله مو هو بيتأثر ويتفرج ويزني حتى لو بالنظر ووووالخ ؟!!!

أما بالنسبة لزواج السعودي من كتابية يقولوا لان الرجل قادر ع المرأة والمرأة عاطفية ف حتتأثر ؟!!!! والله اللي نشوفه دحين ان الرجل هو اللي يتأثر بالحريم ويحط ما ورآه ودونه عشانهم

ثانياً/ اللعن :
لو ايش ما سوت المرأة ملعونة ، خشمها مو حلو وغيرته ملعونة ، ركبت رموش ملعونة ، خرجت( لحاجة) من بيتها بدون إذن زوجها ملعونة ، طلبها زوجها للفراش ورفضت ملعونة (بالمقابل مافي حديث ان اذا المرأة طلبت زوجها ورفض ملعونة) ...الخ أشياء كثير تحرم ع المرأة أو تلعن فيها والرجل لا ، يعني مافي حديث لعن للرجل اللي يتزوج وما يعدل بين زوجاته ! مافي حديث لعن للرجل اللي يعضل بنته أو اخته ! مافي حديث للرجل اللي يقهر اخته ويذلها ! مافي حديث يلعن الرجل اللي يزوج بنته غصب عنها ...الخ

ثالثاً/ ضرب الزوجة:
يحق للرجل ضرب الزوجة ضرب غير مبرح للتأديب ، لكن لا يحق للزوجة قول كلمة أكرهك للزوجها؟!
يحق للرجل منع المرأة من الخروج الى اي مكان أما هي ما تقدر تمنعه حتى لو مره محتاجته؟!

رابعاً/ كثرة المحرمات:
المحرمات اللي تم ذكرها ف القران 14 ، وقال بعض السلف (يحرم ع الأئمة اللاحقين كثرة استعمال القياس ف التحريم لان ذلك ينافي ما جاء به القران الكريم وهي الآية القرانية "ما أنزلنا عليك القران لتشقى) ، مع كذا تعبت فعلياً من الحياة كل شي فيها محرم محرم محرم ، سرنا نعد الحلال من قلته !
حطوا ببالكم لسا ما كتبت المحرمات حسب العادات والتقاليد زي قيادة المرأة :)

خامساً/ الاحتشام والإجبار عليه.
سؤال دحين مو المفروض احنا كبار ومحد له سلطة ع أحد مالنا الا النصح ؟! طيب ليه ينجبر الشخص ع طاعة الله ف بعض الأمور اللي مو مقتنع فيها أو مختلف فيها ! مو هنا احنا طبقنا آية (أفأنت تكره الناس على أن يكونوا مؤمنين)!!
طيب لو انا اجبرت بنت ع تغطية الوجه(مع انه مختلف فيه) ، هنا حيحاسبها ربي ع انه عملت شي بدون ايمان به ؟!
يجي اخ أو أب يحجر ع اخته ويمنعها من تخصص معين ولا عمل معين ويدك لا تبان وصوتك لا يطلع وانتِ عورة وعار وناقصة وووالخ وبعدها يروح أي دولة عربية نسائها عريانين ويفتخروا بأنهم رخاص ويطلعوا لحمهم مقابل مال ، وعادي يحق له (شفنا دعاة كثير كذا) !

ما أدري أنا أكره الدين ولا شايفته ظالم ولا مؤمنه بمقولة (الدين أفيون الشعوب ) ولا هذا كله بسبب كثرة التحريم المخالف للشرع"أتحرمون ما أحل الله" ولا بسبب الطقطقة ع المرأة العربية الملتزمة والدلع والغنج والتغزل بالمرأة الممتحرره !
متخيلين كمية الطقطقة ع السعوديات من السعوديين مع انه كثير فيهم جميلاااااات لكن لانها مغطية بالعباية السودا ، ف نقول السعودية وحشة ومترهلة وما تعرف تتدلع وووالخ ! طيب ابغا افهم كيف شفتونا؟! كيف حكمتوا ؟! والله نسبه كبيرة فيهم جميلات جداً لكن انت سعودية وسار من خفة الدم الطقطقة عليك لين ترسب ف الذهن انها فاااااشلة (شوفوا اخر دراسة عن الكاريكاتير عن المرأة السعودية) حتى لما تطلع ف الاعلام سعودية جميلة يسسبوها وأنها مو حلوة او عمليات بس لما نجيب جنسية عربية والبنت مسويه عمليات يقوموا يقولوا القالب غالب حتى لو مسويه عملية تجميل!!!


عموماً ، أمنيتي الاخيرة سارت ان ربي ياخذ عمري قبل ما ارتد أو قبل ما اكره الدين زيادة .

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

t;vm hk hghsghl /gl ,lhtdi u]g j[dkd fdk ;g tjvm ,tjvm K shu],kd

المصدر...