متزوج وأفتقد لاشياء كثيره

متزوج وأفتقد لاشياء كثيره

السلام عليكم ورحمة الله وبركاته

اولا أشكر القائمين على هذا المنتدى الجميل


أريد أن أطرح مشكلتي لعل وعسى اجد حل


انا رجل متزوج عمري 34 سنه متزوج من 5 سنوات لدي طفلين يسون حياتي كلها

تزوجت من ناس محترمين لا بعد درجه ابوها رجال والله العظيم انه بمقام ابوي وامها ماتدخل بحد عائله محترمه وهذا الشي ريحني قبل الزواج ابوها طيب وامها طيبه

قبل الزواج كان هدفي من الزواج حب وحنان واهتمام واولاد وأستقرار وراحه وانسانه تحبني بجنون وكنت اظن ان اغلب النساء حنونات وطيبات وبما اني رجال بشكل عام جيد رجل صالح ولا زكي نفسي قلت اكيد راح اتوفق بالزواج


بعد الزواج لم احقق من هدافي الا نعمة الاطفال فقط وهذي بالنسبه لي أهم نعمه الحمد لله دايم في عز المشاكل اقول اطفالي نعمه اخذتها من هالزواج وتناسى كل شي سيئ



تزوجت أنسانه عكس ماكنت اتمناها حنانها ضعيف لا تهتم فيني حبها ضعيف انسانه اغلب الوقت مزاجها متعكر تزعل كثير عكسي تمام انا انسان مرح الدنيا بعيني ماتسوى

انسانه شكاكه .. دايم تجسس ودور بجوالي تبحث عن اثارة المشاكل .. يعني تخلق مشاكل من اشياء هي تتوقعها والله ماهي صحيحه وتقل ادبها والله ياجماعة الخير ان كل مره تقول كلام زي السم محد يتحمله كلام مايقوله اكبر صايع واتحكم بعصابي بس بالنهايه انا بشر احيانا بالمشاكل اضربها غصبن عني مع اني والله العظيم اشوف اللي يضرب الحرمه مو رجال ولكن تستفزني وتعوذ منها واقول يابنت تعوذي من ابليس وتزيد بالكلام ماتسكت لين هي تجبرني اضربها


أجي اقولها خل نفتح صفحه جديده انا عن نفسي بنسى كل شي وكان ماصار شي تسلك ايام وبعدها ترجع لوضعها عدم اهتمام مزاج متعكر تزعل بسرعه





والله ياجماعة الخير من اول ماتزوجنا كذا دايم انا اللي ابادر بكل شي زين تصورو ليلة زواجنا جبت لها طقم ذهب 5000 ريال وجوال جديد والله العظيم هي ماكلفت عمرها تجيب هديه او اي شي .. حزت بخاطري وقتها ولكن مشيت الوضع قلت يمكن نست يمكن مستحيه


كلمة طلقني سمعتها اكثر من من كلمة احبك .. واذا قلت لها يالله امشي اوديك اهلك قلت لا طلقني اول انسانه معقده

جلست معها قلت لها يابنت الحلال اذا انتي منتي مرتاحه لي وماهو معجبك الوضع صارحيني انا مستعد اقول عند اهلك انا جتني حاله نفسيه ماعاد ابيها وبنتكم ماجاء منها الا كل خير بس خليني ارتاح

انسانه ماتحب تروح عند اهلها كثير ولا تنام عندهم احيانا اقولها روحي عند اهلك خل النفوس تهدا يمكن نشتاق لبعض ونحن لبعض تزعل تقول انت تبي الفكه مني وهذا بيتي ومدري ايش تعبت وتعبتني والله اني احتاج للعاطفه والا هتمام والاستقرار والراحه اكثر من كل شي بالدنيا بنتي عمرها 4 سنين والله اني اضمها احس براحه وقولها وهي تسمع ان شاء الله تكبرين وتعوضيني الحنان اللي فقدته ابيها تسمع يمكن تحس

انا ساكن بالدور الثاني وامي تحت والله ماتسوي لهم شي ولا تجيهم الا بالشهر مره يعني ماتقول هذي امه ارضيها عشان زوجي لا ان قلتها لها روحي رحت مره وغابت شهور


صبرت عشان العيال وعشان اهلها طيبين بس هالفتره احس وصلت حدي ابي استقر ابي حياه حلوه افتقد لاشياء كثيره


اعتقد كتبت كل شي واحس ارتحت لاني كاتم هالشي بصدري من سنين وانا رجال كتوم والله حتى اهلي مايدرون عن مشاكلي يحسبوني مرتاح

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lj.,[ ,Htjr] ghadhx ;edvi

المصدر...