للكسلانييــن فقـــــــــط :) عارفة إن كلكم هتدخلوا ^ــــــــ^

للكسلانييــن فقـــــــــط عارفة إن كلكم هتدخلوا ^ــــــــ^ -
كسلانة تغسلى مواعينك ؟؟؟؟ كسلانة تنضفى بيتك ؟؟؟؟ كسلانة تحمى عيالك وتخلى ملابسهم نضيفة ؟؟؟؟ كسلانة تكنسى بيتك وتلمعى فرشك ؟؟؟؟ وكسلانة تشيلى الدهون المتكومة على البوتجاز من سنين ؟؟؟؟ كسلانة كمان تخلى تلاجتك نضيفة وريحتها حلوة ؟؟؟؟؟

طب تعالى اقولك
من صفات المرأة الصالحة كما أخبر النبى عليه افضل الصلاة والسلام ( تسره اذا نظر ) فهل حال بيتك يسر زوجك إذا نظر .

يللى مكسلة تغسلى مواعينك انتى ناسية إنك بتنضفى بيتك مش بيت حد تانى وغيرك بتنضف بيوت الاخرين وتعتبره عمل شريف .

يللى مكسلة تنضفى بيتك وتكنسيه محمدتيش ربنا إنك قاعدة فى بيت طويل عريض غيرك من آلاف الشباب مش لاقيين بيت يتجوزوا فيه ونسيتى اخوانك اللى فى الصومال حالهم ازاى ؟؟؟ مفتكرتيش حال البدو فى الصحرا ...

أين هو شكر النعمة ؟؟؟؟؟؟

يللى كسلانة تحمى عيالك وتخليهم نضاف ناسية إن في غيرك كتير يتمنوا ضفر عيل ويتمنوا لو عندهم ولد صغير ولا بنوتة جميلة علشان يخلوهم قمر 14 .

ويللى كسلانة تهتمى ببيتك مفتكرتيش فلانة العاجزة المريضة اللى تتمنى تقف على رجليها وترجع تبقى ست البيت زى الأول وانتى واقفة بصحتك وعلى رجليكِ وسايبة الدنيا تضرب تقلب
هى بتدفع الكتير علشان تقف على رجليها وانتى محمدتيش ربنا على نعمة العافية والصحة .

يللى سايبة بوتجازك مليان دهون مفتكرتيش إن السيدة عائشة تروي أنه كان لا يوقد في بيت النبي نار الهلال تلو الهلال تلو الهلال ، وأنهم كانوا يعيشون على التمر والماء .
وليه مفكرتيش نفسك وانتى اغنى الاغنياء وانتى بتولعى بوتجازك ساعة تلو الساعة تلو الساعه .

مفكرتيش إن بناتك هيتعودوا على منظر البيت ويكبروا على كده وبكرة يفضحوكى قدام اجوازهم .

معلش انا عارفة كلامى تقيل بس خطر الموضوع ده عظيم نفسيًا وصحيًا عليكى وعلى جوزك واولادك .

راجعى نفسك ، حتى تكونى من أهل الجنة من خلال مطبخك ، عليّ أن تحتسبى عملك فيه لله سبحانه وأنك تخدمى زوجك الحبيب ، تساعديه على القيام برسالته ، وأبنائك الأعزاء قومى بخدمتهم ليكونوا مسلمين دعاة إلى الله .

عليّكِ ألا تضيِّعى وقت عملك في مطبخي هدرًا ؛ فقومى بذكر الله والصلاة على النبي - عليه الصلاة والسلام - وأسمعى شريطًا إسلاميًّا .

ليأتي اليوم اللى متغسليش فيه ولاطبق وانتى بصحة وعافية وراحة بال ومسرورة .

﴿ يَطُوفُ عَلَيْهِمْ وِلْدَانٌ مُخَلَّدُونَ (17) بِأَكْوَابٍ وَأَبَارِيقَ وَكَأْسٍ مِنْ مَعِينٍ (18) ﴾


&& منقول &&

السلام عليكم ورحمة الله وبركاته
نقل رائع حبيبتى لكن للكسلانين بس
بوركتى على هذا النقل وجزاكى الله خير

اعتقد ان شاء الله بعد الكلام ده
مش هنلاقي حد كسلان بعد اليوم
لالالالالالالاللكسل بعد اليوم

بسم الله ماشاء الله كلام من الاخر
موش لازم الكسلانه تكون بتعمل كل الحاجات دي مع بعضها ساعات بتبقي حاجه واحده وبتبقي كفايه قوي انها تبوظ نظام اليوم كله وبتضيع مجهود كبير بسبب الكسل
جزاكِ الله خيرا

جزاك الله خيرا
أختي التائبه الى الله
بوركتي وجعله الله في ميزان حسناتك
انا الحمد لله مش كسلانه بس بصراحه العنوان شدني جدااا
وكلامه بصراحه منطقي وموجود في بعض النساااء مش كلهم
ولكن يارب كل من تقرأ هذا الموضوع بعدها لا يتواجد عندها الكسل
بارك الله فيك

موضوعك رااائع بحق
فعلا الله المستعان هناك من الامهات من تتكاسل حتى عن اقل المهام واسهلها
بوركتى اختى الطيبة وبارك الله فى طرحك القيم

جزاكم الله خيرا اخواتى الحبيبات
نورتم الموضوع بطلتكم
ان شاء الله ربنا يبعد عنا الكسل
وبعدين رمضان على الابواب ان شاء الله ميبقاش فيه كسل