هل الزواج التقليدي ممكن يكون ناجح

هل الزواج التقليدي ممكن يكون ناجح

السلام عليكم

موضوعي باختصار انا فتاه عمري 30 سنه صارلي 6 شهور متزوجه
زواج تقليدي ....

زوجي جامد ولا يعرف يتعامل معي ابدا .... عمره ما اهداني شي حتى في الاعياد (كنا مملكين قبل الزواج)
ما يقول لي كلام حلو ... عمره ما تغزل بي ... فقط لما اقول له احبك يرد علي انا كمان
ناددددر ما نخرج معبعض ... انا موظفه و من العصر ياخذني بيت اهلي ويروح الاستراحه مع اصدقاءه
ويرجع وقت متاخر ... وفي نهايه الاسبوع يقول لي ما ينفع نخرج الدنيا زحمه ويروح بيت اهله واروح بيت اهلي

مميزاته طيب ولا يحرمني اخرج مع اخواتي (بالعكس احس يفرح وده اخرج اكثر وقت ممكن) طول الوقت رامي جواله ولا اتوقع عنده اشياء مو كويسه ابدا فقط تعلقه الشددديددد باصدقاءه

والله ودي كان اتزوج شحص واشعر بالحب معه واشعر كاننااصدقاء نحب نقضي وقت مبعض
يفضفض لي وافضفض له ... حاليا احس انا ما اشوف زوجي كثير فقط وقات الغداء واخر الليل

كنت اطلب منه نروح اماكن يقول لي وش تبغين منها اقوله ولا شي بس نتمشى يقول عنده التزمات مع اهله او صديقه يستناه


نيجي للمقارنات ... اقسم بالله قبل ما اتزوج ماكنت كذا ... بس صرت اغار لما اشوف اي متزوجه خارجه او مسافره مع زوجها ... حتى لو ما اعرفهم فقط اتابعهم في وسائل التواصل الاحتماعي

صديقتي المقربه دايييما مطاعم واماكن غريبه مع زوجها حتى بعد ولادتها بفتره قصيره جدا دايما تصور خرحاتهم
انا اعرف المطاعم والخرجات مو كل شي لكن صرت انسانه اغار واقارن
ابنه عمتي مخطوبه ودايما عالجوال تضحك مع خطيبها وتتاخر تقول لنا كانت خارجه معه مطعم احس بغيره طول فترهالخطوبه زارني مرتين وماكان يتواصل معي كثير ولا يقول كلام حلو ابدا يكلمني كانه يكلم رجال(اعذره شخصيته خجوله)

لكن كيف اوقف اقارن حياتي بالمتزوجات ... زميلتي صارلها متزوجه 20 سنه دايما تستئذن وتروح تتغدى مع زوحها قبل ما يجون الاولاد من المدارس

انا اقول لنفسي اذا انا من اليوم كذا بعذ 20 سنه كيف راح اكون اكيد يهملني اكثر
منحرجه من اهلي يقولو لي انتي كل يوم جايه ... المشكله شقتنا في منطقه فيها عمال ومباني جديده ما اقدر اكون لحالي في البيت

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig hg.,h[ hgjrgd]d ll;k d;,k kh[p

المصدر...