ارجوكم يا المتزوجين ادخلو احتاج أجوبة خبرتكم

ارجوكم يا المتزوجين ادخلو احتاج أجوبة خبرتكم

السلام عليكم ورحمة الله وبركاته

لن أضع مقدمات وادخل صلب الموضوع

خطبني شاب عن طريق المعرفة الجيران والاهل ... ولإعترف الصراحة اهلي كانو رافضين هذا الخاطب لسبب يبون واحد وظيفته مرموقه ومن عائلة غنيه ... لانهم يبون اعيش احسن عيشه وما احتاج لشيء خاصة مع ارتفاع الأسعار والأوضاع الاقتصاديه أصبح الأمر الثانوي أساسي ومهم ليس كسابق .. بعكسهم انا اقول لهم لا يهمني المنصب ولا المال والله على ما اقول شهيد المهم اني اشتري الرجل وليس وضعه المادي أو الاجتماعي فلا تغريني خاصة طبيعي لا احب اطلب من اهلي فكيف بزوج المستقبل ! يكفيني الراتب اي كان من الوظيفة والعمل لهذا اقول لأهلي اريد حقا من يخاف الله وإن كان مبتدئ في حياته ... المهم بعد جدل ونقاش طويل وعريض تمت الخطبة والله الحمد ... وكانت الملكة جداً ميسرة في المنزل وعائليه بعد فترة من الخطبة بما يقارب شهر على شهران طلب رقمي الخاطب وأصبحنا نتواصل لكن لفترات بسيطه جدا قلت بنفسي شيء طبيعي تكون التواصل بين الطرفان بعد تكون قليله وليس كما يصورنا الإعلام عن العلاقات بين الاثنان وأنها لازم تكون اغلب الأيام مترابطين .... في البداية لم اهتم لكن حينما أصبحت اجلس مع بنات خالاتي وعماتي ولمن نبدأ نتكلم عن الزواج والخطبة البنات المملكات كل وحده منهن متواصلة مع خطيبها او زوجها ويعرفون أدق التفاصيل فيستغربون مني اني لا اعرف عن الخاطب الا شيء يسير وبسيط اقول ممكن هو قليل الكلام ... ثم فكرت بكلام بنات خالاتي وصادقات اصبح عندي نوع من الفضول اريد معرفة شخصيته وتفكيره وا وا وصرت اقول كيف يكون بارد بهذا الشكل لطالما انه لم يحاول حتى معرفة شخصيتي وتفكيري سأبدأ بشوي شوي وفعلا مع الأيام حاولت اتواصل معه وحاولت بأسلوب غير مباشر اسحب ما في خاطرة ثم فوجئت بأشياء لم تكن في الحسبان حقيقة بعض المواضيع اكتشفت انه يكذب فيها فلم ابين له اني عرفت انه كاذب لكي لا أجرح مشاعره ولو اعترف الصراحة لمن اشوف كذباته كأن اول شخص في حياتي يكذب يجيني قهر وودي اصارحه فيها لكن اقول بنفسي يا بنت كبري عقلك لا تدققي على أمور تافهه ثم بعد فترة لاحظت انه متحفظ ويهرب من الاجابات بطريقه دبلوماسية بدأت شك في الأمر وحيرني وضعه !!صرت اسال في نفسي لماذا الهروب ليش ما يحاول يتقرب مني ليش يحاول يبعد عني !؟ بعد فترة صارحته شوي من مشاعري له وصلت له فكرة اني ابي اتعرف عليه وعلى تفكيره وا وا لحتى اكون قريبه منه واتكيف معه بما انو اصبحنا عائلة في البدايه يستهبل بالردود ويبيني اقولها له بالشكل الصريح ما الذي اقصد !؟ فقلت له ابيك تكون قريب مني ما ابي يكون بيننا حواجز وا وا فقالي وش تبين تعرفي !؟؟ بكل برود فضربت أمثلة على بعض الأسئلة و اعطاني اجوبة بشكل سحطي جدا دون ما يستغلها فرصة انه يفتحها كمواضيع السوالف وتبدا حياتنا تنرفزت وكرهت اني احاول اقترب منه وهو يعطيني احساس كاني عدوته بالمعنى حريص مني ومتحفظ مني جداً مع اني أدعي واحب أدعي له كثير وينبسط ويفرح يقولي مثل امي تحب تدعي لي احاول اتودد له وقد ما اقدر اكون معاه طيبه وعفويه وصريحة مع انو الصراحة في طبعي طيبه لكن مو لدرجة اني اتغاظى واطنش وامشي بس قلت علشان عيونه وعلشان الحياة تمشي ما اوقف على امور اشوفها ما تستاهل على ما يقولون حاولت احرص على أن اكون قريبه من الزوجة المثاليه البسيطه واحاول اكسر نفسي عن الطلبات للي كثير البنات تأخذها مراعاة للزوج ووضعه ..... عكس رأي اهلي تماما ً يشوفون اني غلطانه ... وأخررر شيء قبل الصدمة النفسيه منه جات له فترة ينزل سنابات حب واغاني كنت افكر انها لي والكلمات الجميله انبسطت منه وقلت خليني اغير النظرة والتفكير فيه فإحدى السنابات حط اغنيه قلبي دق فيها فقلت وش المقصد منها ...... رد علي بهذه العبارة انا اصلن ما اسمع الاغاني (( وفيس ضحك )) انصدمت صدمة قلت مو معقول لهينا واطنش على الكذبببببه الواضحه ...... من بعدها صورته اهتزت بنفسي صرت اشك فيه انه عنده وحده ثانيه يبوح لها ويعطيها مشاعره .... فصرت أكرهه واكره اني احاول اتواصل معه لدرجة فكرت بالانفصال عنه قلت بنفسي تستاهلي يا بنت لأنك ما سمعتي كلام اهلك وهذا نهاية التضحية للي تحاولي تضحي من أجل مننن !!! من شخص الي اشوفه رجال وأخلاق ونعم فيه بعكس الواقع للي يحسسني غريبه عنه وحريص مني كأني اجري وراه مالي قيمه !؟؟؟ لشخص ما يستاهل اتنازل له ولا حتى يفكر يثبت لي العكس !!!

حقيقة وبكل جديه صرت اوهجس بالتفكير اني انفصل عنه هذا القرار إلى الآن لم أبلغ اهلي عنه وما يعرفو ايش اصلن بيننا ولا طبعي ادخل اهلي بمشاكلي الخاصة لأني ضد و اكره البنت الي تطلع أسرار بيتها لأهلها الصراحة و شكلي غلطااانه بالتفكير وأكثر ما يقهرني لمن البنت فعلا تبي رجل بمعنى الكلمة فتوجد منه معاملة قيمة رخيصة بأعلى يسمى بسبب نية البنت الصادقه... فلم اعد الوم الأهالي بطلبات وتكاليف على الزوج وصرت اقول حلال فيهم التكاليف الباهظة لحتى يعير للزوجة القيمه الغاليه
تكفون افيدوني بخبرتكم لأني بجد ما فكرت الا بحل الانفصال عنه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hv[,;l dh hglj.,[dk h]og, hpjh[ H[,fm ofvj;l

المصدر...