انصدمة من شخصية زوجي بعد الزواج

انصدمة من شخصية زوجي بعد الزواج

شي يقهر اذا كنتي حاطه فكرة عن زوجك قبل الزواج وبعد الزواج يطلع العكس💔

تزوجت تقليدي بدون نظرة شرعيه لقريب لي
كنت قبل الزواج اسمع عنه كلام رجوله وشهامة ووالخ
وكنت ماخذه عنه فكرة غيييير لانه مهندس ومثقف معاه لغات وفاهم وواعي واكبر مني بسنه عمره 29

بس بعد الزواج اكتشفت العكس وراح اذكرها لكم بنقاط
اول نقطه يجلس مع امه وخواته كثير ودايم يآيد كلامهم
ويعرف سوالف عن حريم الفلان والعلان
شخصيته نوعا ما مهزوزه قدام امه وهي طيوبه بس احيانا ترفع صوتها عليه قدامي اذا عصبت
غير كذا مو مكبر عقله مثلا نكون جالسين بمكان عام وفيه بنات يحاول يثير غيرتي ويناظر لهم بيشوف ردت فعلي
احسها حركات مراهقين واذا تعكر مزاجي ينبسط
وفيه دفاشه اول ماتزوجني قال عمرك 28 يالعجوز يقولها بمزح هو خاق معاي وكل شي بس اسلوبه ودفاشته تكرهني فيه ويقولي ليش م تحملين من صغرك تراك كبيره ودايم اسلوبه فيه هبال يعني ماشفت الكلام اللي سمعته من الناس
اذا رحت للسوبر ماركت اخذت اي حاجه ابيها يرجعها لانه ماعليها تخفيض انه فيه غيرها وارخص
حييل اقتصادي لان ماديته شوى ضعيفه بس فيه رجال ماديتهم أضعف بس م يبخلون على حريمهم وهو بشركه
مايهتم بتفاصيل البيت لو يخرب المكيف عادي ينام في المجلس
مستحيل اطلع اي مكان بدون م يكون معاي وانا بمدينة بعيده عن اهلي وهو يداوم ويتركني يعني يروح نص اليوم وانا بلحالي اقوله بروح للمول احيانا احتاج اجلس لحالي لان مو دايم سواليفه تعجبني مانسجم معاه ولا انبسط بس يرفض لازم يروح معاي

انا الحمدلله حلوه ونعومه ومهتمه بنفسي قبل الزواج وبعده
ومع كذا لو تطلع فيني حبة بوجهي يعلق عليها ويحسسني مشوهه وانا اجمل منه بمراحل وغير كذا اذا شافني واثقه من نفسي يحاول يحطمني واذا حس اني تحطمت يرفع فيني واذا كان بدوامه يرسلي تحبيني؟؟
ويقول انا احبك واعشقك وووووالخ بس اذا كنا مع بعض يطلع دفاشته ويكرهني بالجلسه دايم اذا سافرت لاهلي يقولون لي ليش اذا رجعتي نحسك تعبانه ومهمومه بس اجلس يومين عند اهلي ارتاااااح

واكثر حاجه تضايقني يتابع حسابات بالانسقرام اباحيه توقعت حذفها بس اشوف حسابه العدد يزيد
فكرت اني مقصره بحقه بس اكتشفت هالحساب عنده قبل الزواج تفكيره كله جنس مايغير شي بحياتنا ودايم يوعدني ولا يوفي بوعده مدري وش اقول وش اخلي للاسف طفشني ونفسي انفصل عنه بس اذا فكرت انه قريب صعبه بحكم القرابه اهله واهلي راح ينصدمون حتى اجلت فكرت الحمل لان الوضع الحالي مايسمح لي احمل لانه مقصر باشياء كثير واللي مصبرني ع كل هذي الاشياء انه يحبني فقط بس مقصر معاي💔
يعني حب بس كلام مافيه افعال

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hkw]lm lk aowdm .,[d fu] hg.,h[

المصدر...