دلوني لصح ياجماعة الخير ..

دلوني لصح ياجماعة الخير ..

اولا أنا في هم وحزن مايعلم فيه غير رب العباد
تزوجت من 5 سنوات وأراد الله أني ماأحمل رغم أنه كل فحوصاتنا أنا وزوجي سليمه .
والحمدلله كانت حياتنا ماشيه يوم حلو ويوم مر والحياه هي كذا
مرت علينا سنتين وزوجي بدون شغل وصبرت وكنت اساعده باللي أقدر
عليه وأهون الأمر وأذكره أن ربي بيرزقنا وبعدها فعلا لقى وظيفه في مكان كبير وهو اصلا شهادته حلووه
بعدها شوي شوي بدت فجوه بيننا تكبر مااعرف كيف لكن بديت أحسه بعيد وأحس بالوحده كثير حتى وهو جنبي ماادري ليه
امه وابوه كانوا يحسوون بهذا الشي والشهاده لله علاقتي فيهم ممتازه وأعتبرهم أهلي يعني ممكن لو صار خلاف بيني وبين زوجي ألجئ لهم مو لاهلي وخصوصا ان والدي متوفي من زمان
في الفتره الاخيره كانوا اهله ينصحوني أنه لازم أغير ولدهم لازم أخليه يهتم بشغله وحياته ويغير مكان سكنا ويهتم للعباده شوي
وكنت أقولهم أني مستمره أحاول فيه وان شاء الله يتغير ويغير من بعض طباعه ، نصحتني أمه أني اتركه فتره وأشيل أغراضي واروح بيت اهلي
واقوله مااارجع لين تغير من نفسك وابوه خبرني أني انا اسبب لاني مدلعته ومو شاده حيلي عليه عشان كذا مو ماخذ الحياه بجديه !!
وصار اللي قالوا عليه والحين لي شهر في بيت اهلي ولاحد منهم سأل فيني لا الزوج ولا عمي وعمتي .. طبعا صار قبلها مشكله بيني وبين زوجي بسبب انه مو شايل مسؤولية حياتنا فعلا ولا مهتم فيني
يمكن غلطة اني طاوعتهم وتركت بيتي ويمكن ثقتي فيهم ماجت في محلها لكن اقسم بالله انه هذا اللي حصل يمكن تقولون مافيه اهل يحرضون زوجة ولدهم على ابنهم .. لكن الظاهر هم متعمدين واستغلوا
طيبتي وثقتي فيهم وحسبي الله ونعم الوكيل
والله العظيم انه علاقتي بزوجي كانت كويسه وبيننا محبه وتقدير لكن من يوم بديت اسمع لاهله خرب كل شي واقنعوني ان حياتنا ممله وبارده انا وولدهم
للعلم أعمارنا في الثلاثين يعني مو صغار
ماني عارفه كيف اتصرف والله اني في حيره وهم وصدمه كبيره .. وانا اتحمل جزء كبير من اللي صار وهو كذلك

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

]g,kd gwp dh[lhum hgodv >>

المصدر...