زوجي واسلوبه

زوجي واسلوبه

السلام عليكم ورحمة الله وبركاته
مشكلتي مع زوجي انه في صفات كثير ودي يغيرها من طبعه واسلوبه وتعامله
عمري 22 وعمر زوجي 31 والسنه هذي دخلنا الثالثه من زواجنا ومأجلين موضوع الانجاب
.. زوجي مهمل بنظافته الشخصيه ومايفرش اسنانه ولا يسبح الا بعد مرور اربع ايام ويطول بالسبوح لدرجة مايطلع من الحمام الا بعد ساعتين
ببداية زواجنا كانت احاول فيه انه يقلل من ساعات سبوحه واقوله شدعوه كل هذا سبوح ومع الايام صار يسبح ساعه ونص والحين رجع يسبح ساعتين مافي فايدة
مايهتم بالامكان الحساسه ولا نظافتها الا بعد ماعصب عليه واتهاوش معه حتى لحيته دايم مهملها مايحلق الا بعد فترة ..احسه مايحب النظافة لدرجة انه يوسخ المكان اكثر من الاطفال يأكل ويخلي الوسخ مكانه ما يشيله و الزباله تكرمون لو مااشيلها واحطها عند الباب كان مايفتكر عادي عنده واذا تناقشت معه وقلته ليش تسوي فوضى وماترمي الوسخ اللي بعدك يرد علي ببرود انا تعبان والدوام اهلكني واتفاهم معه واقوله لو الكل يقول مثل كلامك كان كل الناس يرمون الوسخ في بيوتهم مثلك .. ما يحب الطلعات ولا شي كل جالس بالبيت وعلى البلايستيشن وانا بالنسبه لي عادي يقعد بالبيت مايطلع بس اذا اشتهيت اطلع معه مايرضى دايم يقولي هالمكان بعيد ومشوار وانا تعبان ابي ارتاح لدرجة اظل بالشهور مااطلع من البيت والله اني اطفش وازهق ونفسيتي تصير زفت ما اشوف احد ولا احد يشوفني ..واحس انه بخيل ساكنين بشقة تعبانه ولما جا الشتاء العام مارضى يحط سخان وانا فيني فقر دم واسبح بالماي البارد ولا عندي حتى دفايه لانه مايبي يشتري .. حتى تكرمون ليت الحمام خربان مو راضي يصلحه واذا قلته يقول بعدين بجيب العامل والحمام اخذ 3 شهور من اخترب ليته .. وحتى هدايا مامره ذكرني بهديه حاولت المح له باني اكثر من الهدايا اللي اشتريها له لكن للاسف كل مرة يقولي نفس الكلام اني احرجه بالهدايا اللي اعطيها اياه وانه مامره جاب لي هديه رغم انه حالتنا الماديه جيدة .. زوجي كسول بالحيل مايحب غير النوم والاكل والبلايستيشن والجنس اما انه يقرا ويتثقف ويتعلم مايحب حتى لما اتناقش بالمواضيع معه يسمع رايي ويعاندني حتى لو كان رايي عدل حاولت اغير من طبعه بانه يكون افضل واحسن بس احس تعبت معاه
عطوني حلول اقدر اغير فيها من طبعه وتعامله واعذروني على لخبطتي بكتابه مشكلتي
واللي يعافيكم نزلوا موضوعي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,hsg,fi

المصدر...