|
|
|
30th October 2015
|
#1 | |
|
مدير ومالك المنتديان
|
طلاق أمي سبب مشكلتي
عزباء 29
واختي اصغر مني بسنه انا واختي نعاني من مشكله نفسيه او مدري ايش قبل مااحكي لكم المشكله جدتي قبل ماتموت شافت حلم ونادتني قالت " شفت ملك من الملائكه يقول انتي وحفيداتك الثنتين لكم جناح في الجنه " أمي تزوجت اربعه من الرجال وتنتهي حياتها الزوجية بالفشل كل مره طبعا مو المشكله بالطلاق قد ماهو التضحيات اللي تقدمها امي وتنويع الطرق بالتودد للزوج وطاعته ووصلت بآخر واحد ان لغت شخصيتها عشان مايفشل زواجها وفوق هذا هجرها وتركها معلقه مثل البقيه الا ان راح اخو امي وطلب الورقه وكانت اسباب الطلاق " يقول ماحبيتها "وكل هذا ان شاء الله ماراح يضيع عند ربي ." انا جتني أشبه بالعقدة النفسية او ممكن قلق يؤدي للأرق حاسه عمري يجري والمشكله تكبر وتكبر لأني كنت اشوف قدامي امي كيف تهتم فيهم وتدللهم وماتعصي اوامرهم بدايتها كنت احب ابوي ومتعلقه فيه بقوه وانا صغيره وبعد ماانفصل عن امي هجرنا وصرنا مانشوفه الا بالسنه ومرات سنتين واذا جاء يادوب يجلس ربع ساعه بالكثير معنا كنا نشتاق له وندق عليه اكثر مما يدق ومرات يطلعنا المكان وكأنه شايل همنا كأنه بالاصح يسوي واجب ويبي يخلص منه :/ كان كل همي وانا صغيره ابكي وادعي ربي انه يزورنا ونشوفه ممكن تقولون تتوهمين او انتي كئيبه تفكرين كذا مره من المرات جاء وزارنا وقال انا ماشي بسافر لأخواتك طبعا لان زوجته بمنطقه ثانيه لكن بعد كم يوم تعرفوا ؟ شافه خالي بأحد المحلات !! فوصل فينا الحال انا واختي نخاف نفقد أي حاجه نمتلكها ايام الدراسه كان عندي صديقه كنت اغبطها كانت لها حياه مستقله بنفسها بعكسي احس اني بموت لو افقدها واذ غابت ايام متتاليه يألمني بطني اخاف انها بتنقل او كذا وأتعب نفسيا فعشان كذا اذ هذي حاله الصديقه فكيف لو تزوجت بخنق زوجي ؟ باختصار انا واختي للحين ماتزوجنا وانطوينا ولاحتى نفكر فيه مثل طموحات البنات او ندعي علشان نتزوج بسبب معاناة امي وبكائها المستمر وكأنها مرات تقول مابيدي حيله والله امي صرت اشوف كيف ضعفها وانكسارها وربي الطلاق يكسر المرأه فكيف لو هي بذلت وسعت وانخذلت ؟! لدرجه امي تجيها حالات انهيار عصبيه ومرات تضربنا بقوه وبعد كذا تعتذر منا وتبكي لما اشوف وحده تزوجت واذ جت تزور اهلها بعد شهر العسل ولما تجلس اكثر من كم يوم عند امها اقول بداخلي ربي لايحطني بهالموقف واحس انها خلاص بيتركها ويهجرها اخاف اتزوج اخاف من اللحظه اللي يجيبني ازور اهلي وانتظره مثل امي ولايرجع بعد ماتخرجت جامعه ادمنت برامج الشات وتعلقت وحبيت واحد واختفى فجأه وصرت افرفر وادور عليه فرجع ورد وكتب لي " اسف مابي اجرحك بس احس فيك مرض نفسي حشرتيني وخنقتني من كثر ماتقولين مابي افقدك وترا كل ماقابلتي شخص بحياتك وكررتي عليه هالكلمات هو صدق بيبعد عنك وماعاد يرغب فيك " هالكلام ببالي رغم اني تركت البرامج هذي بس لازلت ماانساها بل تفاقمت الحاله اكثر عندي اختي امس باليل قبل ماننام قالت لي : ليه احنا مانموت بس ؟ امي تعبانه ومشغوله بنفسها وحالتها من اسوأ لأسوأ واب مايرغب فينا ولا اخ ولامال ولاذريه ولا احنا بعز وببيت ملك لنا من نامت سحبت نفسي ورحت اصلي وأبكي وأبكي وأدعي ربي هل لمشكلتنا النفسيه حل ؟ المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين 'ghr Hld sff la;gjd المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض العادي
