زواجي قريب واكتشفت انه ...

زواجي قريب واكتشفت انه ...

الموضوع مستعجل ومهم ياليت ينزل باقرب وقت



كنت احب قريب لي من ايام الطفوله بحكم اننا ساكنين جنب بعض خطبني قريبي من 3سنوات وانا متعلقة فيه وكلي امل بالملكة قبل الزواج بكم شهر عشان افهمه ويفهمني وتاخرت بسبب ان الملكة عندنا قبل الزواج بيومين والاهل رفضوا الملكة ( يمكن خيره ) وطول هذه الفتره يجمع رواتبه لزواج فخم وشهر العسل باحلى دولة وماتتصورون فرحتي مشكلتي اخذت البي بي حقه من اخوي بدون لايدري وحطيت نكي اسم ولد ع اساس اراقب صوره وبس ولاحظت يحط صور حب فيها اسمي وحرفي اوقات وكذا ومايخفيكم شعور الفرح بداخلي هذا وهو مايدري اني اضفته واخته ترسل لي هدايا منه زاد حبي له عاد وسوس لي الشيطان وقلت اسولف معه ع اساس اني ولد واخذ علومه وطريقة كلامه عشان افهمه تعمققنا كثير بالسوالف لين جا يوم واعترف لي انه شاذ سالب ��
ماتتخيلون صدمتي وكيف لا وهو مايترك صلاه بعيوني اشوفه كل صلاه حتى الفجر مايتركها بالمسجد وبار بامه وابوه ولا يدخن ولا يشيش ويضرب فيه المثل باخلاقة وعطاني حسابه ع تويتر وقال هذا حسابي وكان فيه اشياء جددآ مقززه انا اللي استنتجته انه فقط يمتع نظره

لاحد يقول يمكن مو هو ..الا هو واسمه بالبي بي و في تويتر الاسم الصحيح حتى ما ستر ع نفسه يغير الاسم ��


من الاخر زواجي اخر هذا الشهر وتم توزيع كروت الفرح وانا بهم وغم لا يعلم به الا الله استخرت واحس ماعاد ابيه لكن ماني قادرة اقرر بسرعة ولا قادرة اواجه اهلي واهله مادري وش اقول من عذر واعرفه جريء يمكن يطلب اهلي يكلمني اذا رفضته عشان يعرف السبب اصارحه بيني وبينه عشان يقتنع ويسكت ولا لا
ومابغى افضحه بين الحموله كل يوم يمر محسوب علي
هل يمكن يتعدل ياشباب انتوا اعلم هل هي فتره يمر فيها اي شاب وتعدي او حب اطلاع شوروا علي بالراي الحكيم
كلامي ملخبط ادري بس من الربكة

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,h[d rvdf ,h;jatj hki >>>

المصدر...