تعقيب للمره الاولى ندمانه فرطت في بيتي وابو عيالي ملكته بعد شهر

ندمانه فرطت في بيتي وابو عيالي ملكته بعد شهر

السلام عليكم
هذا رابط مشكلتي http://forum.z4ar.com/f116/t395593.html

شكرا لكم على تعليقاتكم التعليق اللي راعا نفسيتي اشكره والتعليق اللي يلومني اشكره ايضا لاني استاهل

اتصلت امس على طليقي مارد اتصلت 6 او 7 مرات مارد ارسلت له رسالة نصية لانه حاظرني بالواتس اب برضو مارد
اليوم شال الحظر عني اشوفه متصل واشوف صورة العرض طول وهو يكتب ويمسح بالكلام وانا فاتحة على اسمه اراقبه
قلت ببادر واكلمه ارسلت له يابو فلان مبروك الخطبة وانت تستاهل كل خير وبتبقى ابو عيالي واول حب بحياتي واول رجال دخل حياتي
انا اسفه اذا كنت اذيتك ماعرفت قيمتك طبعا على دفعات مو دفعة وحدة اكتب وارسل كل شوي قلت له تمنيت انك كلمت ابوي وقلت بردها
هنا قاطعني وقال لو انا غلطان كان واقف على باب اهلك اطلب السماح وانك ترجعين لكن انا ماغلط فمن الذوق انتوا تجون تعتذرون عن اللي حصل
وابوك بدال مايسأل عن سبب طلاقك يقول نبي صك الطلاق واضح انكم ماتبون صلح
قلت له لا انا كذبت على اهلي وقلت لهم سبب الطلاق انك شكاك وامي قالت لابوي لاتكلمه خله هو يجي واذا ماجا معناها بايع
وانا شددت على كلامها وقلت لاتتدخل خله هو من نفسه يجي وانا اسفه ماعطيتك قدرك ولا قيمتك انت تستحق افضل قال والحمدلله ربي رزقني والله يرزقك
والله ماغير ابكي احس فقدت جزء من جسمي
ادري انه يلمح انه مايبيني بس قلت له اني احبه وابي ارجع قال ان ابو البنت سأله هل لك نية ترجع ام عيالك ولو بعد فترة قاله لو لي رغبة ارجع ام عيالي مادقيت ابواب الناس ادور على بنت الحلال وكشفت المستورات عاد هنا فهمتها خلاص قلت له الله يوفقك ويكتب لك الخير وابيك تسامحني وتحللني قال انتي ام عيالي واحترامك واجب وانا لو ماسامحتك ماقدرت افتح صفحة جديدة وابدأ حياتي من جديد كان انا للحين متعلق بالماضي ودعى لي بزوج صالح يعوضني وطلب امسح رقمه واي تواصل عن طريق ابوي وطلب مااتتبع اخباره ابداً والعيال يقول اي وقت تبينهم اجيبهم لك ابوك يكلمني او كلمي امي وانا تحت امركم واهم شي العيال لاتتعبون نفسياتهم ولاتحرشينهم علينا
نفذت رغبته حذفت رقمه قبل شوي وكان كاتب كلام مااذكره بس يقول فيه
من المؤسف ان ياتيك ما تتمنى وقد فات الأوان وتغيرت أمانينا
وانا اقول من المؤسف ان نعرف قيمة شخص بعد ما فقدناه واصبح لغيرنا
الحمدلله على كل حال وحسبي الله ونعم الوكيل الله يتوب علي دامه سامحني ان شاء الله ربي بيسامحني
حزينة على نفسي احس مااقدر افتح صفحة جديدة مثله خايفه من بكره مع اني كنت اوهم نفسي اني عايشة معاه وماحسيت بالامان طلع هو كل الامان
ربنا ظلمنا انفسنا فإن لم تغفر لنا وترحمنا لنكون من الخاسرين الله يغفر لي ويغفر لكم قولوا امين
ندمانه الله يربط على قلبي كلامي ملخبط بس علشان الكلام بيننا كثير وتعبانه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

k]lhki tv'j td fdjd ,hf, udhgd lg;ji fu] aiv

المصدر...