تعقيب للمره الاولى خايـفة من أهلي يعرفون طريقة زواجنا !

خايـفة من أهلي يعرفون طريقة زواجنا !

السلام عليكم
هذا رابط مشكلتي الأساسية التي قمت بطرحها بالقسم
http://forum.z4ar.com/f116/t410143.html#post11360182


حبيت اعقب على الموضوع انا صاحبة المشكله الردود قرأتها و كلها تهاجمني و تركبني انا الغلط اول شي انا انسانه مستحيل اطلع شي من بيتي لاهلي و بالعكس عمري ما جيت اشتكيت منه كنت امدحه دايم بس امي تقول انا عارفته وفاهمته اكثر منك هو فيه و فيه و انا ادافع عنه و المشكله هذي صارت لامي معه مو بيني و بينه عشان اكون انا اللي دخلت اهلي و لما انفجرت وتكلمت عليه عند امي كانت اول مره وكنت مخنووقه وتعبت من كثر مشاكل غير نفسيتي كانت تعبانه اول نفاسي ف ما اتحملت ضغوط اكثر وبالنسبه اني دخلت ابوخ بموضوع خيانته لي انا ما دخلت ابوه من امر هين انا قرأت كلام حتى عيب ينقال لدرجة يسب فيني و يتكلم علي عندها و هو ما شاف مني الا كل خير و غير حتى الامور الخاصه بيننا يتكلم معها فيها وواضح من كلامهم انه قابلها و و ... وكل ذا تغاضيت عنه وحاولت احل الموضوع بس انا شفت الموضوع ما انحل صح جابلي طقم ذهب بس كان لسا متواصل معها وشفت رقمها ع جواله فقلت اكلم ابوه احسن من اني اكلم اخواني اكيد ابوه ستر و غطا عليه لكن اخواني اكيد حيطيح من عينهم بالذات انه احنا عيله محافظه وما نعرف الاشياء دي وبالنسبه للاخت او الاخ اللي رد بانه انتي جسمك مليان وهو اصغر منك و تسوي كذا ما ادري ايش اوك بس بالمقابل انا الحمدلله جميلة وما يعيبني الا جسمي و مو مره كمان لانه يحب جسمي بس بمجتمع الاناث يشوفوني تخينه و كمان انا تعليمي جامعي ولله الحمد وشهادتي حلوه عكسه هو ما معه شهادة و قصدي من هالكلام مو مقارنات والله ولا عمري اهتميت ولا عمري حسسته بالاشياء دي بس هذا رد ع الاخت او الاخ اللي قالي هالكلام يعني مو عشان هالشيئين معناته متفضل علي و على فكره كل اللي بيننا كم شهر و هم كلهم كذا اخوانه حريمهم اكبر منهم و اخته اكبر من زوجها بسنين مو بشهور يعني الوضع عندهم عادي عكس عندنا بس الله يسامح اللي رد بهالرد علي .. المهم نرجع لموضوعنا انا قلتها له و قلتها لاختي من اول ما تزوجت وانا احاول اطلع اهلي من اي مشكله تصيرلي ولا عمري فكرت ادخلهم بمشاكلي فيجي لما تصير مشكله ويدخلوا فيها اهلي اكون مالي ذنب فيها .. وبالنسبه ليه هالمره نفسي اهلي يدخلوا بالموضوع هذا لان تعبت من اسلوبه عمره ما اتصرف بحكمه لما تصير بيننا مشاكل دايم يذلني و يقهرني وقت المشكله وهالشي تعبني كثير واحيان احس لنه مالي قدر عنده عكس لما يكون راضي يسمعني احلى كلام ... وبالنسبه لوضعه المادي واللي تقول قدري يمكن حالته الماديه تعبانه انا جدا مقدره هالشي وطلباتي جداً قليله وحتى بيتي دخلت على عفش مستعمل حتى غرفة النوم مستعمله وكان واعدني يغيرها لي ولحد الان ما غيرها وساكته تقديرا لوضعه المادي ولا عمري ضغط عليه او زنيت عليه وحتى لدرجة بعت من ذهبي كم مره عشان اساعده وطبعا بدون علم اهلي او اهله عشان ما احرجه .. والان للاسف الموضوع طلع من يدي لان امي كلمت اخوي و خلت اخوي يشييل عليه و يعصب وحلف انه عند امي و خط احمر ولازم اكلمه وحاولت اتكلم مع اخوي بس خلاص مو سامع الا كلام امي و بكره ان شاء الله بيجتمعو اخواني عندنا وباشوف ايش يسووا بس اللي اطلبه منكم ذحين دعواتكم ربي ييسر امري و يكتب اللي فيه الخير و يجمعني انا وزوجي وولدي

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ohdJtm lk Higd duvt,k 'vdrm .,h[kh !

المصدر...