السلام عليكم ورحمة الله وبركاته
انا متزوجه وعندي ولدين .. شخصيتي هادية ومسالمة .. شخصية زوجي على عكسي تماما .. احنا و الحمدلله مثلنا مثل اي بيت لازم تصير مشاكل وزي مانقول ملح الحياه ومانجلس يوم او يومين بالكثير الا واحنا متصالحين ..واغلب مشاكلنا تكون بسبب عصبيته وانه مايتحمل اي ضغط على طول ينفجر واول شي ينفجر فيه هو انا .. كل مرة اتحمل واكتم بقلبي واقول ماعليه بيجي يوم ويهدى واحااااول قد مااقدر اتفادى عصبيته ..المهم انه لاحظت عليه فترة متغير كثيير عصبيته ماتجي الا علي ومايطيق مني كلمة ولازم بالصبح يهاوش وبالليل يهاوش وعلى اشياء جدااا تافه ..وكل هالمدة وانا ماغير اسكت لين جا اليوم اللي ماعملت حسابه .. صار موقف خلاني انهبل ..جا المغرب قال باخذ الاولاد في مشوار وراجع على اساس بيشتري اغراض للبيت بعد ساعه ونص تقريبا رجع من غيرهم سالته وينهم قال ابد قابلنا جيرانا بالحديقه اللي قرب بيتنا ولقيت بنتهم الكبيرة تلعب اختها وفهمتها اني بخلي الاولاد معاهم يلعبون للعلم هالبنت كبيرة وبالجامعه .. قلتله كيف تكلمها وكيف اساسا تخلي عيالي مع ناس غرب وبأي حق تسولف مع البنت كذا بمكان عاموانفجرت بشكل مو طبيعي طلعت كل اللي بقلبي فهمته انه متغير علي وانه كذا وكذا وكذا المهم انه هو انصدم وماعرف يرد علي صار بس يطالعني مصدوم وحتى كلامه وهو يبرر ماله اي عذر .. بالعادة لا تهاوشنا انا اسكت وهو يصير شرااار وشوي ويطلع من البيت هالمرة غير هالمرة حتى ما طلع جلس وحط راسه بين يدينه واتوترر .. فهم من كلامي انه اذا انت مو طايقني بريحك مني حس اني بروح لاهلي .. هاليوم ماخرج ابدد اليوم الثاني صحيت مروقه ولا كان في شي صليت ودعيت وفكرت مع نفسي قبت خلاص اللي بقلبي وطلعته ماعد له داعي اتخلى عن بيتي وزوجي ماهان علي ادخل احد بمشاكلنا .. صرت اقوم بكل واجباته كالعادة بس بدون كلام بدون اي احتكاك كل شي جاهز له بس بقلبي زعلانه عليه وهو زعل ومن وقتها لنا اسبووع لا يكلمني ولا اكلمه .. واول مرة تصير هالفجوة بيننا وانا صراحه متوترة من هالجوو ابيه يحس بزعلي وبنفس الوقت ابي ارجع علاقتنا طبيعي وهو من النوع اللي مايتنازل يعتذر ابد .. محتارة شسوي .. هل انا فعلا مكبرة الموضوع ومايستاهل او ردة فعلي بمحلها ؟؟
ig hkh hglo'zm hl v]m tugd whzfi
المصدر...
24th April 2016
هل انا المخطئة ام ردة فعلي صائبه
تقرأ وترحل شارك معنا برد أو بموضوع
العرض المتطور
