سويت وكآله عآمه لزوجي واستغفلني..

سويت وكآله عآمه لزوجي واستغفلني..

السلام عليكم ورحمة الله وبركاته
..مبارك عليكم الشهر الفضيل ..
موضوعي هذا الثاني وهذا رابط مشكلتي اللي نزلتها من فتره http://forum.z4ar.com/f116/t342396.html

مشاكلي مع زوجي ماتخلص مع اني بعدت عنه كثيير
كرهني في حياتي صارت امنيتي اول مااصحى ينتهي اليوم بسلام بدون مااتمشكل معاه مايبغاني اتنفس ولا اعبر عن رايي ويستهزأ فيني مع اني ادرس في تخصص صعب ومتحمله الدراسه وشغل البيت واطفال صغار مشكلتي معاه هالمره ان من سنه تقريبا قالي ابيك تروحين معاي المحكمه وابي احد من اهلك ابوك او اخوك يصيرون شهود على الوكاله الللي بتسوينها لي والوكاله تخص شاحنه حقت بضايع هو شاريها بفلوسه وسجلها باسمي (لان يقول اذا الموضوع باسم حرمه يخلصون الامور بسرعه )وطبعا في وقتها حسسني ان هو اللي متفضل علي وكاتب شاحنه قيمتها160الف بأسمي والوكاله بتكون عشان يقدر يتصرف بشاحنته بس اقتنعت بكلامه ووافقت كنوع من المساعده لزوجي رحت وكلمت ابوي عشان يشهد على الوكاله لكن رفض ورحت لأخوي اخوي اكبر مني بسنه يعني وقتها كان عمره22 سنه وسويت له وكاله عامه عشان يتصرف بالشاحنه زي مايحب لانها حقه وبفلوسه وانا اصلا ماعندي شي اخاف عليه ماعندي غير مكآفأه الجامعه وبعد هالموضوع توي اكتشف من فتره انه جايب عمال على كفالتي وجايب سواق الشاحنه وأهله على كفالتي بعد وطلع عندي مؤسسه وموظفين طبعا كل هذا عرفته بالصدفه ماقالي قمت احقق معاه وقالي اي الهندي على كفالتك ولا تسوين عمرك منصدمه يعني الشاحنه تحتاج سواق مين بيسوقها انت يبتسوقينها!! وتهاوشنا وغلط علي وبعدها جابها باسلوب وقام يقولي كل هذا عشان مستقبلنا وعيالنا وعشان نأمن لهم سكن ..لحد ماالبارح اخت زوجي تقولي تبين سعوده 1500قلت لها اخوك جايب عمال ومسوي مؤسسه باسمي مايصير اخذ سعوده قالت لي اكيد يعوضك ابتسمت وانا داخلي قهر واهو جالس جنبي وصار يصرخ على اخته وقالها يالنجسه ياخرابة البيوت تبين تفرين مخها وتقلب علي قالت اخته حشى ماقصدت قالها الحين ساعه وحده تشوفينها قالبه علي وتبي فلوس
(طبعا مايعطيني شهر يعطيني 200 ريال ويمن فيها ويجلس كم شهر يماطل ولو تكلمت وطلبت ال200 يهزأني ويقول مافي وانا معتمده على مكأفأتي وعلى اهلي باشياء كثير)مع ان راتبه 8الاف وياخذ من سواق الشاحنه 5الاف وياخذ من باقي العمال كفاله وكل هذا ومستكثر علي مصروف
عاتبته البارح على الكلام اللي قطه وقاله لاخته عني رفع صوته علي وقالي انتي خبيثه وتفكيرك مادي وتبين فلوس وانا ماراح اعطيك ريال واحد قلت له طيب انقل الشاحنه باسمك والعمال انقل كفالتهم ومابي منك هلله بس خلني بعيده عن مشاريعك مافي شي بالغصب صرخ علي وفضحني صوته يوصل للشارع الثاني وسبني ولعني وقالي بربيك وبعلمك الادب على اصوله وبنهي كل المواضيع معاك مو بس موضوع الشاحنه وعيالي مساكين يتنافضون خايفين
وكلم السواق قدامي وقاله بس ترجع من جده تسلم المفتاح ببيع السياره ..
والحين ماادري وش اسوي
انا شبعت ذل واهانه وفقر وهالانسان مايستاهل ولا شي مني
وش رايكم بشنو تنصحوني ؟!
تشوفون تصرفي صح؟
شلون اتصرف معاه اذا رفع صوته وهددني بوريك وبعلمك وبطلقك !
شلون اعرف ان بينقل كل شي باسمه وان مو قاعد يقص علي
انا كل شوي اشيك بموقع التأمينات
ابيكم تنصحوني ..
اداره تكفوون نزلوا مشكلتي بسرعه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

s,dj ,;Ngi uNli g.,[d ,hsjytgkd>>

المصدر...