زوجي وقريبه

زوجي وقريبه

انا متزوجه من 7شهور واحب زوجي ومرتااحه معاه وهو كذلك
لكن مشكلتي الان هي قريبه من بداية زواجنا وزوجي يمدح قريبه هذا وانه رجل ونعم الرجل وانه من افضل من عرفه وو و كنت انقهر من كثر مايمدح ودي يمدح نفسه بدلا من هالشخص حتى اوقات يمدح قريبه واقول والله مايسواك وانت افضل منه وابتدي امدحه ويقول ايه اكيد مايحتاج
لكن بين فتره وفتره لما يجيب سالفه عنه يمدحه وانه رجل وحازم وانه قد صار له مع قريبه مشاكل مع ناس وقريبه وقف في وجههم وانه شجاع وان له هيبه وانه كريم وانه كشخه في ملابسه وانه يحب السفر ويمشي اهله وصفاته ذي كل امرأه تتمناها ومتأكده زوجي لما يتكلم بعفويه ومن ضمن سوالف لانه بالاسبوع يتقابلون مرتين لثلاث فيجي يقولي سوالفهم لكن للأسف اعجبت بالشخص ذا وانتبهت على عمري صرت انبسط لما زوجي يجيب طاري سواليفهم واحب اسمع اخباره وكمان ساعد زوجي مره بأمور ماديه وكذلك صار لزوجي مشكله وكلمه وساعد زوجي وحل المشكله ولحظت منها عقله وحزمه واعجبت به اكثر وصار اوقات يشغل تفكيري حاولت انساه ماقدرت ولما يجيب زوجي طاريه يتغير وجهي اخاف زوجي يفهم صرت اطنشه لمايجيب طاريه واغير السالفه تعبت ابي ارجع احب زوجي وافكر فيه بدلا من كل تفكيري مع قريبه حتى قلت لزوجي سالفه ان وحده كانت تمدح صديقتها قدام زوجها فحب زوجها صديقتها وكذا وقلت المفروض ماتمدح صديقتها قدام زوجها لعله يفهم وينتبه
وانا ابي انساه هالادمي وابي زوجي معاد يجيب طاريه ؟؟ حتى صرت ادعي انه يسافر بمكان ثاني ولاعاد يجي بمدينتا ابي انسااه
ابي مساعدتكم رجاء اعتبروني اختكم انصحوني بعيد عن التجريح

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,rvdfi

المصدر...