هل قراري سليم الذي اتخذته ضد زوجي

هل قراري سليم الذي اتخذته ضد زوجي

السلام عليكم


متزوجه من 6 سنوات متأخرين بالحمل جامعيين ..رزقنا الله بتوأم بنت وولد،،،
حيل متعاونه مع زوجي مادياً ومعنوياً وحافظه اسراره وامور بيته ويقدرلي هذا الشيء..
زوجي رجل طيب ولكن توجد في شخصيته امور غير جيده وللاسف تقديراً لطيب شخصه تغاضيت عنها حتى لا ينضغط وانا الان اتجرع تغاضيي لها

زوجي مقسم وقته كالتالي: دوام ثم نصف ساعه غدا عندي ومو دايم احياناً ثم يخرج لتجارته يخلص من التجاره بعد صلاة العشاء ثم يذهب لديوان والده ( لوالده ديوانيه يستقبلون فيها الضيوف) ويتعشى هناك..يرجع البيت وانا نايمه مافيه وقت الاقيه فيه يتحدث الي وانا نائمه احس فيه احياناً اتجاوب معه واحياناً لا..غالباً اكون مرهقه جداً من التوأم ماعندي خادمه ...التوأم عمرهم سنتين

عموماً خلال سنوات حاولت فالتالي:
-انظم وقته
- اترجاه يعطينا من وقته لو ساعه
-سببت مشكله انه 6 ايام له مانشوفه خير شر ..فقط يوم واحد يكون لنا وافق لكن للاسف كل شهر احصل نص يوم واكون مسويه فلم عشان نروح منطقه بعيده شوي عن منطقتنا

( هذي مشكلتي الاولى ..فقبل كنت ارحمه لا شفته متألم وامثل السعاده ودايماً اقنع نفسي انه الحمدلله انه طيب وخلوق وليس سكير ولا مدمن ولا عاق في والدينه وانه فيه رحمه علي)>>> هذي المشكله الاولى

طبعاً فيه مره تعبت نفسيتي جداً من عدم وجوده فقلته انت ماغلطت وهذا الامر غير مجبور فيه انا ما احب اجبر احد على مكان ما يحبه وانت اضطريتني اجبرك وهذا للاسف اتعب نفسيتي انك غيرت من شخصيتي وهزيتها وقلت بروح عند اهلي فتره وترا لا نيب زعلانه ولا احتاج ترضيني..اعتذر وانا اسف ولا تروحين شوي ويموت المشكله انه يموووت فيني اذا رحت لأهلي وبطول عندهم اقسم بالله اتصيبه صخونه عجزت افهم هالنقطه اذا سافرت لمنطقة اهلي وبجلس لاستكمال دراستي يموت يتعب يصيح زي الصغار)>> وصارحته انك انت ماتجلس عندنا فكيف الحين تتأثر بقوه!!!


اما المشكله الثانيه >> انه قبل يتألم اذا عاتبته الحين لا ... لا يبالي وقبل كان اذا طلبت منه يوديني .. الساعه 11 لا رجع يصحيني ونروح >> طبعاً يكون شيء ضروري يا عطار او طبيب او صيدليه طبعاً احياناً نرجع لانهم سكروا....الحين لا غير مبالي ويأجلني اسبوع شهر احساس الالم اختفى منه

والحين اخاف يتغير للاسوأ

يا اخوان زوجي يعشقني جداً لكن ماتغير ولا بيتغير.. كل شيء سويته دون فائده انا مو مقصره معاه عاينته مبلغ وارثته كرأس مال لتجارته وعطيته مبلغ اخر مجمعته من وضيفتي قبل اتزوج


انا الفتره هذي تعبت جداً ونفسيتي صفر التفت لنفسي وجدت اني ملازمه البيت 24 ساعه ولا عاد اكشخ هد حيلي كنت اكشخ ووالله اني كذا من قبل اتزوج بحكم ان اهلي عايله كبيره فدائماً باحلى حله وتزوجته وانا كذا ومرت السنوات وانا كذا ليييييين هد حيلي ماعندي الا الطوف يجيني نايمه مطفيه الانوار صرت فقط اهتم بنظافتي وبخور وعطور اما ميك اب لا والله مايشوفه وتسريحات ابداً ماعاد اسوي لاني اصلاً نايمه....وواجهته بذلك قلت انت ضيعت شبابي 6سنوات راحت من عمري بين الطوف...ماعندي هدف الا تربية التوأم ..صرت عصبيه واطلع حرتي بالصغار



الان انا يأست او بالادق تعودت على ذلك ومن النتائج ان نفسيتي تحت الصفر وما اخفيكم ماعاد اعشقه ماعاد فيه مشاعر اعزه كأب لاطفالي لكن ماعاد احبه على الرغم من عشقه لي لكن ماعاد فيه مشاعر اتغزز اذا ظهرت عليه مشاعر الحب...ولا احب ريحته اذا رجع الساعه 11 وانا نايمه ودي يروح المجلس لانه بنومته مزعج واتقزز منه



فقلت له:
بطلبك شيء عشان ماتصير بينا مشكله كبيره اذا ما نفذته بتصير مشكله ممكن تقود للطلاق:
1-ما ابي اتناقشني بمشكلتنا الازليه( لانه اذا شافني متضايقه يجيني يترجاني ويزعجني حيل يبي ابتسم واصير سعيده انسان غريب يقول انسي السالفه اقوله لازم فعل عشان انسى ما يعطيني اجابه يعني واثق تماما انه ماكان تغير)..فقلت له انا مو زعلانه بس لا تفتحها معي لان ما من حل واحاديثك تزعجني زود ماتخفف عني

2-برجع لوضيفتي في منطقة اهلي بتجينا تسكن معنا مرحبابك ماتبي تبي تقعد في ديرتك براحتك..ازورك فالاجازات واتزورني فاجازاتك ماعندي مشكله

ايش رايكم؟؟؟ هل صحيح اللي انا سويته؟
واذا فيه نصايح لا تبخلون علي فيها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig rvhvd sgdl hg`d hjo`ji q] .,[d

المصدر...