كيف تصبح بائع ماهر .

السلام عليكم ورحمة الله وبركاته .

الموضوع مجرد كتابة بعد يوم متعب وحبيت اشاركم المعلومات قد تفيد الغير .

بسم الله الرحمن الرحيم
بنبدأ من الصفر كأي بائع جديد على السوق .

1- حاول تكسب السمعة الطيبة من خلال عدة أمور :
(أ) : حاول بالبداية تبيع اشياء يستطيع الجميع شراءها ومرغوبة .. مثلا ( يوزرات ارقام انستقرام ) ( حسابات كيك شبه ثنائية او شبه ثلاثية مكررة ) .. يعني شيء رخيص ومرغوب ومن هنا انا كسبت زبايني ولله الحمد اول تعاملاتي مع اغلب زبائني حسابات ارقام ب 10 سوا وصار بيننا تواصل يصل الى الالاف ولله الحمد .
(ب) : حاول تقنعه يبدلك بدون وسيط ... اي نعم .. لانه بمجرد ما تقنعه يعطيك الثقة وتتم الامور بينكم على خير .. بتصير بالنسبه له أنت أفضل بائع وأأمنهم ... و و و و لانه كان ب لحظة فكر 99 مرة وش ممكن يصير وخايف ويوم تتم الامور على خير هو يرتاح وتكبر ب عينه ... يعني تخيل ان صار لك موقف وعواقبه صعبة وخسائر والخ.. وفجأة انقلب الوضع وصار مكسب ... اكيد بتحب المكان او اللي صار لك .. وصدقني بيفيدك يا اخوياه يشترون من عندك بسبب كلامه فيك او هو بيرجع مرة ثانية .

2- اشتري الزبون .. لا تطلع احد زعلان من المحادثة حتى لو بخسارة .. لكن تكون متأكد ان هذا الزبون لو اشترى من عندي هالمرة .. بيرجع لي مرة ثانية .

3- اذا صار تأخير ب عملية الشراء او اخطاء .. بسببك انت .. عوضه شيء حلو فوق البيعة .. صدقني بيجي ثاني مرة يشتري من عندك .

4- حاول تبعد عن المشاكل عموما .. مثلا قروبات وصار سب .. مشاكل بين ناس تعرفهم .. لا توقف مع قروب على قروب الخ.. لانك تخلق لنفسك عداوات وهذا يضرك ب الاعلان والزبائن والسمعة ويضر الزبون اللي بيشتري منك احتمال يطير يوزره تيربو ب سببك .

5- لا تشتري من اللي بينه وبين ناس مشاكل .. لانك ممكن ب لحظة تشتري وتنقل اليوزر ويطير .. بسبب عداوات بين المالك السابق وبعض الاشخاص .. وتعال عاد حلها وخذ حقك .

6- خلك سمح ب البيع ولا تطمع .. ودامك عطيت الرجال كلمة خلاص تم .. انت كذا عطيته نية البيع ومالك اي حق تعرضه للبيع مرة اخرى لين تتكنسل البيعة اذا ربك ما كتب نصيب .
^ببداياتي بالمجال كان عندي حساب 29ك وعرضته للبيع جاني 200 ريال تحويل بنكي فيه اتفقنا وكل شيء .. وسبحان الله كنت رايح مشوار والا قالي الرجال بشوف التفاعل ( فك البرايفت حق الحساب ) ... فكيته له والا بعد كم ساعة الحساب وصل 38ك .. ويزيد

اكتشفت انه ب الخاص كان فيه اكثر من 10 الاف فولو غير مقبول .. تعذرت منه وسويت له فلم ان الحساب انباع ل شخص ثاني والخ.. ( كذبت عليه .. الرجال زعل ) وما قال شيء وقال الله يوفقك والخ.. لكن انا حسيت انه زعل .
المهم .. سبحان الله الحساب وصل 43 الف متابع وعرضته ما جاب لي اكثر من 150 ريال .. وجلست اعرضه لين طفشت منه واهديته ل شخص .
وصار درس لي .. اذا اعطيت كلمة البيع لا يجوز شرعا + اخلاقا تتراجع عنها الا ب خلاف العقد او الشروط .

على العموم هذي مجرد نصائح والله يوفق الجميع حبيت اكتبها لعل تفيد اي شخص .
انا كتبتها ب مجال الانستقرام لان انا شخصيا ما اتاجر الا فيه ونادرا اتاجر ب الكيك .

موفقين جميعا

الموضوع الأصلي : <font color="#000000" size="2" face="tahoma">كيف تصبح بائع ماهر .<font color="#000000" size="2"> المصدر : مجتمع الفرسان الكاتب : <font color="#000000" size="2" face="tahoma">MrMer

المصدر...