هل اتغطى عنه

هل اتغطى عنه

السلام عليكم
الحمدلله اولا احنا محافظين ماعندنا الحمو يقابل زوجة اخوه طيب مشكلتي توي متزوجة و زوجي عنده اخ كبير باول الاربعين ساكن قريب منا بس دايم يجي لعند اهله و انا استحي منه لا شفته واتغطى عنه لكن هو لاشافني مايفز يروح مثلا انا كنت بالصالة او المطبخ عند اهل زوجي وكنت لحالي يعني خواته مو معي بنفس اللحظة جا دخل الصالة وشافني فيها يناظرني عادي ويسلم واناا وربي استحي وماعندنا هالاشياء اصلب مكاني ما ارد عليه هو عادي يمشي من عندي يكمل طريقة يروح للمطبخ ياخذ شي ويرد انا حسيته مايستحي مني او يروح عني لا عادي يمشي من عندي ويسلم علي كم مرة تصيرلي والغريب جداااااا انه غيور ع مرته مايرضى احد يدخل عليها او يشوفها وانا عادي حلال وربي كرهته قلت لزوجي طبعا زوجي غيور لكن والله استغرب من فعلة اخوه خاصة يوم درى اني كنت لحالي وخفت يصير مزاعلة بينهم فبطلت اقوله وهو منعني من النزلة لحالي ماصرت انزل الا معه انتهت السالفة هذي جينا للمكالمات زوجي اذا نسي الجوال بمكان وكان اخوه هذا موجود مثلا يترك جواله بالمجلس او سيارته او الاستراحة وانا اجي ادق عليه ويرد علي عادي وانا اول ما يرد زوجي اقول حبيبي وحياتي ومن هالكلام طبعا تكلمت ثم بعد تكلم وعرفت انه هو من صوته وانا وربي استنكرت فعلته وسكتت وهو جالس يتكلم معي تبين فلان اخوي راح .....واقفل بوجهه مع انه عارف انه انا وانتهينا كمان نبهت زوجي لاينسى جواله ابدا انحلت هالاشياء جا بدله ولده الي عمره 16 هو دايم يجي لعند جدانه وعادي يجلس بينا احنا الحريم او عادي يجي لعندي بشقتي فوق يطلبني شي احنا نشوفه صغير بس عليه حركات خوفتني وربي لما اكون معهم يطالعني من فوق لتحت ويتعمد يسولف ويمزح مع اني حسبة عمته مدري هالشي عادي انا اسولف معه بس احيان استنكر حركاته لما يشوفني يجلس يستهبل ويلفت الانظار له لدرجة وربي يلمس يدي بطريقة غريبة جدا ودايم يجي يوريني اشياء بجواله عشان يتلزق فيني واهل زوجي عادي يشوفون الوضع وانا صرت اطنشه واتجنب الجلسة معهم واذا جلس اقوم واذا سولف قعدت ع جوالي هو عمره صغير بس جسمه كبير عشان كذا خفت وصرت حابسه نفسي فالبيت لابغوني اهله يجو لعندي ومع ذلك يتعمد يجي لعندي عشان شي يبيه وصرت احط شيلة ع راسي اذا فتحت له وما ابتسم له ولا اسولف معه و زوجي مايلاحظ حركاته هل هذا الشي طبيعي انا عمري 20 ومع ذلك محتشمة خاصة لانزلت لاهله وماعندي حركات الكشخة وايد ومالبس بناطيل وقصير الا ف بيتي وبس هل وضعي طبيعي ولا مريب مع ان كمان في اخ بعد اكبر من زوجي بس وربي محترم لاشافني يغض بصره ويروح ع طول انصحووني انا محتاارة

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig hjy'n uki

المصدر...