حصرياً مع ريمكس : الشرح الكامل لقراءة الإشارة الصحيحة للراوتر (تم التطبيق على راوتر قو)

بسم الله الرحمن الرحيم

السلام عليكم ورحمة الله وبركاته

كثير من الناس يشترك بالإنترنت سواء 4 جي .. او دي اس ال

ويتفاجئ بـ نت سئ ... إتصال ضعيف .. تقطيع ... إلخ

طبعاً هذا تابع لسببين :

1- ضعف الخدمة المقدمة للعميل .
2- مشاكل في نفس المنطقة الي يسكن فيها الشخص ( بعد البرج - التشويش - قوة الإتصال - الكبينة إلخ ) .

طبعاً تم التطبيق على راوتر قو هذا الي موجود عندي حالياً :

طبعاً سيرفرات قو متواجدة في الشرقية + الرياض فقط .

للأسف هذا الي موجود عندك وتقدر تسوي تست راح تلاقي الرياض والشرقية تحديداً الدمام كأكثر منطقتين يتم القياس بهم عن طريق قو

أتمنى أن يتوفر بـ جدة ! .. لأني لم اكون بجدة للأسف يشبك على سيرفرات الرياض أو الشرقية

عموماً أنا حالياً بالشرقية تحديداً الخبر والسرعة جداً ممتازة بالنسبة لـ قو
(إشتراكي بلاتينيوم لمدة سنة غير محدود التحميل ولم يتم تطبيق الإستخدام العادل لكن أواجه مشكلة ضعف السرعة في التحميل بالسوني فقط ! أحياناً
+ إستخدامي الشهري من 80 قيقا لـ 300 قيقا :

طبعاً نوع الإتصال : 4G FDD 1800 .. مفتوح التردد



عارف الأكثرية بيتفاجئ من سرعة الأبلود .. لأن المعروف عند قو إن السرعة مقتصرة على 6 ميقا - 8 ميقا كحد أقصى .. لكن ماشاء الله البرج عندي جداً قوي لدرجة لم أسوي تست الأبلود يصير 20 لكن في النهاية يتضاعف إلى 15 ميقا ...

عموماً التحميل ثابت 6 ميقا إلى 7 ميقا .. والأبلود ثابت من 6 ميقا .. لكن 15 ميقا صراحة ماجربت أثبتها فعلياً وإذا جربت راح أعطيكم خبر



نجي الأن للقراءة الصحيحة :

اولاً لازم تحمل برنامج :

Huawei E5186 Toolbox v0.8a

تقدر تبحث عنه بقوقل أو تحمله من هنا :

من رفعي :

E5186 Toolbox_latest | طھط*ظ…ظٹظ„



نشغل البرنامج هذي صورته : وندخل رقم الأيبي الخاص بالمودم وكلمة المرور
ونضغط على connect



طيب بعد مانسوي كونكت نجي للشي الأهم
شوف المربع الي تحت على اليمين الي محدده بالأصفر
هنا قراءة الإشارة

نبدأ بالترتيب :


RSRP :

هو قوة الإشارة

Cur :
قوة إشارتي الحالية -84
Min :
-95 أقل قوة إشارة (يعني أضعف شي ممكن توصله إشارتك إذا أتصالك ضعيف)
Max :
-83 أعلى قوة إشارة (أقوى شي ممكن تقدر توصله)

النتيجة : قوة إشارتي -84 ... الماكس -83 ... يعتبر شي قوي جداً .. قوة إشارتي كاملة طبعاً

راح تنقص الإشارة تدريجياً إذا وصل الـ Cur عندك إلى (-86)

الخلاصة : كل مانقص الرقم كل ماكان أفضل ... وأعلى شي تقدر توصله هو -83 ... وأنا وصلت إلى -84






RSSI :

هو مؤشر شدة الإشارة المستقبلة
يعني قوة الإشارة بين الإرسال والإستقبال

Cur :
قوة إشارتي الحالية -61
Min :
-93 أقل شدة للإشارة (يعني أضعف شي ممكن توصله إشارتك إذا أتصالك ضعيف)
Max :
-57 أعلى شدة للإشارة (أقوى شي ممكن تقدر توصله)

مؤشر شدة الإشارة عندك عشان يكون ممتاز يكون بين -50 إلى -85 ..

طبعاً كل ماقل الرقم كل ماكان أحسن أنا -61 وأعلى شي أقدر أوصله -57 (الي هو أفضل قيمة MAX)




RSRQ :

هو جودة الإشارة الي توصل لك

Cur :
قوة إشارتي الحالية -8
Min :
-12 أقل جودة للإشارة (يعني أضعف شي ممكن توصله إشارتك إذا أتصالك ضعيف)
Max :
-4 أعلى جودة للإشارة (أقوى شي ممكن تقدر توصله)

هذي مهمة جداً ولها علاقة بتذبذب الداونلود والأبلود وإنقطاع الإتصال .. بشرحها لكم بالأرقام :

إذا كانت إشارة الـ cur عندك :

بين -2 و -3 : راح تكون جودة الاتصال قوية جداً .. وسرعة إتصالك ثابتة

بين -4 و -5 : نزول وإرتفاع بالداونلود والأبلود .. لكن إتصالك بيكون ثابت

بين -6 و -8 : نفس الشي نزول وإرتفاع بالداونلود والأبلود بس هنا بيكون أكثر شوي .. بس اتصالك ثابت

بين -9 و -11 : راح تلاحظ احياناً ينقطع الإتصال سواء بالسوني أكثر شي تنطرد من البارتي شات .. وسرعة الداونلود والأبلود تنزل وتطلع بقوة ( غير ثابتة تماماً)

بين -12 و -15 : الجودة راح تكون جداً ضعيفة .. الداونلود والأبلود جداً ضعيف

بين -16 و -20 : جودة إتصالك الله يرحمها



SINR او CINR :

هو نسبة التشويش .. وهنا طريقة حسبتها غير .. بالموجب مو بالسالب

كل ماكبر الرقم كل ماكان أفضل
وكل ماقل كل ماكان ضعيف

Cur :
قوة إشارتي الحالية 8
Min :
-3 أقل نسبة تشويش (يعني أضعف شي ممكن توصله إذا أتصالك ضعيف)
Max :
15 أعلى نسبة تشويش (أقوى شي ممكن تقدر توصله)


وطبعاً حساب التشويش يختلف من مودم أرضي ثابت DSL إلى راوتر 4G مثلي

تذكر : كل ماكان أعلى خصوصاً فوق 10 كان أفضل وماعندك تقطيع بالإتصال




ختاماً ... أتمنى أن كل شخص مايطلع من هذا الموضوع إلا وهو فاهم كيف يقرأ الإشارة بالراوتر حقه ..

تم التطبيق على راوتر قو ( لاهي دعاية ولا شي ) لكن هذا الي متوفر عندي حالياً

الي مايعرف يقيس القراءات الي عنده او يواجه صعوبة في فهم الشرح ... يكتب لنا بالرد ويرفق لنا القراءات وإن شاء الله أساعده أو الأعضاء موجودين .

كان معكم أخوكم خالد أو REMiX-_-SA

في أمان الله .

الموضوع الأصلي : <font color="#000000" size="2" face="tahoma">حصرياً مع ريمكس : الشرح الكامل لقراءة الإشارة الصحيحة للراوتر (تم التطبيق على راوتر قو)<font color="#000000" size="2"> المصدر : مجتمع الفرسان الكاتب : <font color="#000000" size="2" face="tahoma">remix-_-sa

المصدر...