هل اقدم على الانفصال ام اكمل مشواري !!

هل اقدم على الانفصال ام اكمل مشواري !!

بسم الله الرحمن الرحيم

السلام عليكم ورحمة الله وبركاته

انا متزوجه من 6 سنوات عندي ولد وبنت .. بالبداية انا شخصيتي كتومة وهادية ومااحب جو المشاكل والتوترر ابددد يعني مهما يصير احاول الطف الجو وافرفش ولا كأنه صايرلي شي وهذا اللي متعبني اني افوت اشياء كثير يمكن المفروض اني اوقف عندها شوي واقول ستوب .. زوجي عكسي ابد مايجي على نفسه ولا يكتم بقلبه اي شي ضايقه ينفجرر ويرمي كلام وبدون اي اعتذار بعدها .. المهم من اول ماتزوجته لاحظت بخله الشديد علي وحتى على عيالي فيما بعد بس لان كان عندي دخل بسيط فكنت اطنشه لما مايرضى يعطيني .. بس الحين انقطع هالدخل وتعبببت تعبت منه ومن حرصه المبالغ فيه .. مع الوقت حرمني من كل ملذات الحياه من طلعات وخرجات وغيرره مانطلع ابد ابد ابد ولا حتى لفه بسياررة تمرر علينا شهووور مانطلع غير عند اهلنا او صديقاتي فين وفين السوق مااروحله الا للضرروررة القصوى حتى الاعياد احيان اخواتي يجيبولي .. اللي كان مصبرني اقول بنفسي هذي كماليات ومابي اسوي مشكله معاه واتنكد بسبب طلعه بس خصوصا اننا عايشين بمحافظة صغيرررة تبعد عن الرياض ساعه .. جاني اكتئاب فظيييع من الرروتين المملل اللي عايشته قررت اغيرر من نفسي ومن تعاملي معاه ومن كل شي لاني مااحب اوقف واستسلم وفعلا رربي قدررني واتغيررت للافضل من اكثرر النواحي وصررت اشوف الشي اللي اكون مقصرة فيه واحاول اعدله والحمدلله صرت راضيه عن نفسي ولاحظت تغيره هو بعد صارر هادي ويدخل البيت مبتهج ومبسووط لكن استحاااله نطلع ولا نسافرر ومووته كله لو طلبته شي يقلب 180 دررجة تاكدت انه كل شي ممكن يتغيرر الا بخله ومسكته يخاف نطلع لا تخلص فلوسه يخاف نرروح سوق لايفلس لانزور احد ولااحد صارر يزوررنا واصعب شي ان الناس تكون عاررفه انه بخيل وسيء المعشرر صارر الكل يقولي كيف متحملته كيف صابررة كيف طايقه نفسك وانتي محبوسة .. تعبت من نظررة الناس واهلي وتعبت من بخله بعواطفه وبفلوسه وبوقته بعد .. قبل فتره اكتشفت انه يخونني بالصدفه سمعته يكلم بالجوال بالمجلس وواضح انه يكلم بنت ولما حس اني جايه قفل وطلع من البيت على طول ومع الوقت اكتشفت انه بينه وبين وحده علاقه من قبل لايتزوجني عررفت من رسايلهم انها متزوجه وعندها اطفال .. انهرررت وبكيت وتعبت وحسيت اني كارهته بشكل مو طبيعي وهو ولاهمه تعبي ماسألني حتى شفيك وانا ما واجهته لاني ماعندي دليل وراح ينكرر طبعا .. اللي وجع قلبي اني صابررة عليه وغير كذا اعدل من حياتي للافضل واحاول قد مااقدرر اوفررله بيئه مريحه وتعبت على نفسي كثييييير عشان نفسي مو عشانه عشان اعرف كيف اخلي الحياه تمشي بإيجابيه .. اهلي منتظرين مني بس اشاررة وحده عشان يتفاهمون معه بس انا اللي ماررضيت ادخل احد بحياتي .. هالفترةحالتي النفسيه من سيء لأسوء .. انا الحمدلله داخله تحفيظ قران وشاغله وقتي وقلبي ويارب لك الحمدلله لكن الحياه مؤلمه مع شخص تفكيره فارغ تفكيرره انااني وسطحي لابعد درجه حتى النقاش معاه ضايع .. احيان لما اخرج مع اهلي نظراتهم وتساؤلاتهم توجعني بقلبي الكل مايحب يجيب سيرته لابخير ولابشر حتى اهله مافيه خير لهم .. ابوه متوفي واخواته الصغارر ماعندهم اللي يوديهم ويطلعهم وهو مامنه امل ولا منه ررجا كنت دايم احاول فيه عالاقل يطلعهم يقضون اغراضهم الاساسيه .. يقولي مو شغلك هم ماشكولك .. وهم كتوماات وخجولات مايطلبوون ابد يروحون بانفسهم ويخلصون نفسهم .. حتى مناسبتنا اهلي اللي يشتررولي ولعيالي لان عارفين انه مارراح يوديني ولا يجيبني .. كان كل تفكيررري بعيالي مابيهم يضيعون ويتشتتون .. لكن الحين حتى هم نفسيتهم انعدمت من كثر ماانهم محبوسين ولا يشوفون الدنيا الا بعيونه وعلى حسب مزاجه .. كل فتررة ربي يكشفلي فيه جانب سيء وخصوصا خيانته اللي دمرتني .. هو الحمدلله مقتدر وعنده امكانيه ومرفه نفسه وعايش حياته لكن مستكثر فينا نعيش .. احيان اتذكرر ايجابياته واقول الحمدلله يعني الشي اللي مايقصرر فيه اغرراض البيت من اكل وشرب وطبعا الاساسياات .. يحب اولاده كثيير .. علاقتنا الحميميه كويسه جدا .. لكن صررت محتاجه رجل اسند عليه لما اكون بمشكله انا العكس لما يصير شي طارئ اشيل همممم لاني عارفه انه مو حولي ورراح يعصب على اتفه سبب .. مخبي علي كثير اشياء شاكه فيها لكن مابي انبش واعررف شي لان كافي اللي عرفته .. هوعاش في بيئة صعبه شوي وهذي نتيجته لكن تعبت اتحمله واتعذرله .. انا ابي زوج وررجل واعي لامور الحياه ومتطلباتها مو زوج بخيل واناني ومحد يرضى يطريه على لسانه صرت دايم اجيه بلين واتذكر قول الرسول عليه الصلاة والسلام عن الرفق وعن اللين لما يعصب احاااول قد ما اقدرر اسكت ولو هدى اخذ الموضوع بضحك ومزح واغير الجو حتى هو احيان يقولي انتي تعرفين تحتوين .. وبعد شوي يندم على كلمته ويرجع يعصب ويتدلع علينا عشان انا اتخذ دور الام واتغاضى .. صررت والله اكررره الاجازات والمناسبات لانها بتصير هوشة ونكد علي والكل بيجلس يتفضل علي بلبس او غيره .. انا شخصيتي مو كذا ما احب اخذ من احد ولا احب احتاج احد لكن الضرورة تجبرني اقبل منهم .. صرت اقول لمتى اصير عايشه كذا فكر بإيجابيه تجي سلبيته وتحطمني .. كل ما احاول ابني نفسي يجي ويهدم كل شي العمر واحد ليش اضيعه مع واحد مثله افكرر اروح لاهلي لاني خلاص قربت انفجرر من الضيقه وخصوصا اني على قد مايصيرر ماعمري طلعت من بيتي .. شورو علي بحكمتكم واعذروني لو كلامي ملخبط

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ig hr]l ugn hghktwhg hl h;lg la,hvd !!

المصدر...