ابي كل شيء ينتهي

ابي كل شيء ينتهي

السلام عليكم،
ايه ابي كل شي ينتهي، تعبت و انا انتظر النهاية.
بقولكم شوي عن حياتي حتى تكونوا بالصورة، عمري 24 متخرجة من الجامعة من نص سنة، عشت طفوله فيها حرمان مادي و حرمان معنوي، ما كان حرمان من الحنان كثر ما كان حرمان من التقدير فأنا كنت بنت البطة السوداء صاحبة الملامح البشعة في نظر أهلها إلى أن أصبحت كذلك في نظري انا، يعني شربت كوكتيل من كل أنواع السخرية في صغري و حتى بعد ما كبرت أحياناً، غالباً اخواني اللي يسوون هالكوكتيل، بيني وبينكم بديت ما احبهم.
أحفظ كل كلمات هذه السخرية عن ظهر قلب و بأصوات أصحابها أحياناً، من الطبيعي جداً نتجت شخصيتي المهزوزة جداً جداً، و الحساسة لدرجة ان ممكن كلمة "لا" بطريقة نقد تكون سبب لعدم نومي ليلة كاملة و طبعاً ممكن تكون هذي ال "لا" سبب كافي لاعتزالي العالم 3 ايام بلياليها.
اصلاً انا من الأصل انطوائية.
الحسنة الوحيدة في حياتي كلها هي تميزي الأكاديمي من طفولتي - الأولى على دفعتي- اوش خلوني اغتر بذي على الأقل.
طبعاً تميزي هذا ع الورق بس يعني تخرجت و في بعض استاذاتي ما يدرون بوجودي ف القاعة.
و ما أنسى اذكر ان صفة الهلع و الخوف كانت تغلف علاقتي بوالدي الشديد جداً، و اللي اظنها سبب ذعري الدائم و مع ان والدي مريض الان و ما عمري حنّيت على احد ف حياتي كثر ما حنّيت عليه ، الا ان نظرة منه مع انه غير مدرك ممكن تشلني عن التفكير و الحركة. اوكي كل آباءنا كانو شديدين لكن آباءكم كانو -يأكلوكم -يعضوكم اذا عصبوا؟ على فكرة حتى انا صرت اذا عصبت على اصك أسناني و كأني اشوف ابوي.
بعد ما خلصت الجامعة بدأت افكر في كل الحياة اللي راحت، ليه كنت مجبورة اعيشها و انا مابيها؟ و انا وش قاعدة انتظر زود؟ اوكي حتى لو حققت ذاتي؟ وش بيصير يعني؟ بوقف الحرب بسوريا؟
ماني فاهمة شي و اللي خلاني اكتبلكم الان، هو اني لاحظت تدرج تفكيري باتجاه خطر خلال الفترة اللي راحت و اخاف من الجاي.. كلمة "ليه" اللي لازمتني من صغري صارت متبوعة ب"عايشة".
اخاف من عدم رغبتي في اي شي، حتى مادياً ما عاد أبي شيء مع اني عمري ما اكتفيت مادياً، اخر مره امس كنت بالسوق و معي مبلغ و قدره لكن رجعت زي ما انا و أعطيت المبلغ لامي، لاني أحس ان مافي شي له داعي،
حتى المناسبات ما احضرها عشان لا اضحك ع نفسي، لأني بروح و انا أرعد من جوه بس عشان لا يُقال عني انطوائية. باختصار وش ابي أكمل بشخصية مهزوزة، عصبية بيني وبين نفسي، كلمتين ع بعض ما اعرف أقولهم، عندي رهاب اجتماعي حتى من اخواني و اخواتي هههه!
اوه قلت بقولكم شوي و قلت كثير!
هل من كلمة؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hfd ;g adx dkjid

المصدر...