سلفاتي يكرهوني ويهددوني بالشرطة

سلفاتي يكرهوني ويهددوني بالشرطة

السلام عليكم ورحمة الله وبركاته
انا امراه عمري 25سنه* متزوجه من 8 سنوات وعندي 4 اطفال الله يخليهم لي
مشكلتي عشت مع اهل زوجي 7 سنوات وتعرفون كيف مشاكل بيت العايله خصوصا لما يكون ساكن فيه اكثر من ولد
انا اصغر وحده بزوجات الاخوان وزوجي اصغر واحد بين ا خوانه عنده اثنين* اكبر منه* متزوجين ومخلفين قبلنا
*الكبير فيهم كان عايش معانا هو وزوجته واولاه والثاني ساكن بشقه برا
المهم سبع سنوات عشت بتعب وضيقه بسبب حماي وزوجته
بداية زواجي* كانت تجي ووتكلم عن زوجي ع اساس عايشه معه 7سنوات وعارفته عدل فلان يحب ورق العنب* كنت اسويله عصير برتقال لما يجي من النادي يحب الرز الصيني اللي اسويه واذ نزلنا انا وزوجي نجلس مع عمتي تنزل وتجلس معنا الظاهر تسال اولادها مين في الصاله وتتكلم بصوت عالي ماتعطي مجال احد يتكلم اساسا* تكلم ولدها ماما بوس عمك وتقول لبنتها اجلسي قريب عمك وحركات ما لها داعي* واي كلمه يقولها زوجي تأأيده وشوي ع اساس بتفتح موضوع* معاي تعلمني بكريم الاساس انها راحت تشتري واللي تبيع قالت لها بشرتك ماتحتاج كريم اساس* ومره تقول زوجها زعل عليها يوم كانوا بالسوق ولدها فتح عباتها بالغلط واسبوع مايكلمهاز يقول الرجال تمتعوا* بالنظر فيك !! وهالكلام بحضور زوجي وخواته
عرفتوا كيف سوالفها وقيسوا ع هالنمط من السوالف الغثيثه وطبعا هذي السوالف قدام زوجي و بيني وبينها ماعمرها سولفت معاي ولا حتى تسلم* انا اللي ابدا واسلم* لو شفتها ع الدرج مثلا ا واذا ماسلمت عليها ماتسلم* تمر وكانها ماشافتني هي بعمر زوجي عمرها* 37 تقريبا والثانيه اصغر منها بسنه 1
*لما كنت ادرس بالثنويه وايام الجامعه وقت طلعتي للدوام كانت تدخل شقتي بدون اذن وتستخدم اغراض المطبخ وصارت اغراضي تنقص واستغرب لما ارجع ماالقى مكوى الملابس او الشوايه الكهربائيه او مثلا توصيلة الكهرب والشاحن تبع الجوال والخلاط واستشواري والاكل اللي بالثلاجه وغيره كثير
*كل مره اكتشف شي ناقص ولما اتصل لزوجي واهو في الدوام واسأله (كنت اوصل البيت قبل زوجي) يقولي اي عطيتها اهلي البارحه وانتي مانتبهتي ويتعذر بأنه هو اللي عطاهم وانا استغرب اقول كيف وانا مستخدمه هالغرض او شايفته قبل مااطلع صار يشككني بنفسي لين ماالله كشفهم لي وصارت* لي مشاكل* مع زوجي بسببهم لان انا من جهه اقول له عيب يدخلون شقتي بدون اذن ويروح يكلمهم وتطلع الاغراض بشقة اخوه
*واخوه يقول اضطرينا واحتجنا ولا تصير مافيك خير في اخوانك عشان مرأه والمره غيرها مره!
وانا مو ضد مبدأ المساعده انا ضد عدم الاستئذان واحترام الخصوصيه* وغير كذا تخيلوا زوجةحماي هذي** تسوي عزايم وماتقولي ولما اهل زوجي يسألون عني تقول دقيت عليها* وعزمتها وطبعا هالشي ماصار ولا مرة عزمتني والله شاهد* مره مسويه عزيمه بشقتها و ماخلت جار ولا قريب ولا بعيد الااعزمتهم حتى زوجة حماي الثاني معزومه وجات ام زوجي بعد العزيمه تعاتب تقول* اللي مايوجب الناس ماحد يوجبه كم مره تعزمك زوجة فلان وانتي ولا مره قلتي اروح واوجبها وهاجمه علي بالكلام وانا والله ماحد عزمني اقولها ماحد عزمني وعيب اجي بدون عزيمه ترضينها لي قالت لي زوجه فلان تقول اعزمتك وخلت ولدها الكبير يجي ويأكد عليك تجيين!!
ونفس الحكايه بيوم ميلاد بنتها تقول رحت لها بنفسي وطقيت الباب ولا افتحت لي !
وحملي باولادي ولدت اول مره ورحت فتره الاربعين عند اهلي وجارتي اللي هي زوجة حماي ما كلفت على نفسها وزارتني ولا حتى اتصلت بالجوال تتحمد لي بالسلامه والثانيه نفس الشي* وارجع** بعد الاربعين الاقي زوجة حماي مجلسه عيالها بشقتي ناس بالصاله يتفرجون ع التلفزيون وبنتها نايمه بغرفة نومي
وصارت مشكله بيني وبين زوجي بذاك اليوم وخربت علينا ليلتنا بسبب هالحركه لانه يدافع عن تصرفهم وانا منقهره ومصره انه غلط ومع هذا كله ماعمري كلمتها شخصيا بهذا الموضوع كل كلامي مع زوجي واطلب منه يكلم اخوه يعني 8سنين ماصار بيني وبين زوجات حمياني اي مشكله وبعدها انتقلوا لاغراض بنتي زوجي يحط العربه حقت بنتي في المخزن وياخذون العربه ويطلعون واجي انا بطلع افتح المخزن ماالقاها و مسويه غرفه كلها العاب مجهزتها قبل ولادتي وتكسرت الالعاب واختربت* قبل لاتكبر* بنتي وتلعب فيهم وطبعا من اولادهم يوميا يجون ويدخلون الغرفه ويفتحون الالعاب وياخذون منها ويهربون لامهم** وهكذا وفي الولاده الثانيه نفس الشي رحت لاهلي ومافي وحده منهم كلفت على نفسها وجات او اتصلت وحتى لما ارجع شقتي مايجوني ولا يكلموني بالولاده الثانيه هديتي اللي شاريها لي زوجي*
سير المشي بقراطيسها والله اخذتها جارتي تتمرن عليها* وحماي هو اللي داخل شقتي وساحب الأله وموديها شقته
ع اساس قبل ماارجع بيرجعونها وانا جيت قبل الاربعين !
فما امداهم يرجعونها تخيلوا قلة الادب
كل مااذكر هالموقف تجيني الغبنه
ومع هذا ماتهاوشت ولا كلمتهم بس قلت لزوجي كلمهم ان اللي سووه غلط وانا مااقبل بهالتصرفات وقلت له غير قفل الباب ولا* تعطي امك سبير له لان المفتاح ياخذونه من ام زوجي* وطبعا غير القفل وامه لازم تاخذ نسخه وهالشي مااكتشفه الا من بعد ماتصير اشياء مفقوده
وولادة مرت حماي الثاني بعدي بكم شهر وقلت اصير افضل منها وازورها وزرتها ووديت هديه لها وجبت ولدي الثالث وزارتني زوجة حماي اللي زرتها كأنها راده الزياره بس وجارتي مازارتني ويوم اولدت ببنتها* قبل سنتين رحت وزرتها مدري وش يجيني واروح لهم مع انهم مايستاهلون* رحت وعطيتها مبلغ لان حسيت مالا داعي اعني نفسي* وادور هديه واتكلف بزياده
وولدت رابع مره ولاوحده* زارتني طبعا اخر ولاده قبل شهرين بعد مانقلت من بيتهم وساكنه الحين بشقه برا وزوجة حماي اللي كانت برا طلعت من شقتها* بسبب ظروف ماديه و عايشه* بشقتنا الحين عند اهله
وصارت تتمشكل مع زوجة حماي الثاني وكل يوم هواش ومشاكل* مع بعضهم** ومن فتره ام زوجي مقترحه على زوجي يبني طابق ثالث ويرجع قلت له مستحيل ارجع واعيش معاهم وذكرته بكل اللي قلت لكم عنه وراح زوجي وصل الكلام لامه وامه قالت لاخوانه واخوانه قالوا لزوجاتهم** شفتوا الخريطه* ويجي زوجي* يخبرني ان اخوه** قايله ان زوجته تقول ليش اتكلم عليها و انا مااستاهل تزورني ولا استاهل احد يتحمد لي ع سلامتي ع* اساس زارتني قبل ههههه ووصلني هذا الكلام وانا لي اسبوع ولدانه
والثانيه تقول اناسويت سحر عشان اطلع من بيت العايله* واهي تترك بيتها و تصير مكاني
* اللي قاهرني اكثر ان اخوان زوجي يجون كل اسبوع عندي بالشقه ويجيبون اولادهم معهم وطبعا الرجال بالمجلس واولادهم عندي يوسخون ويكسرون ويخربون مع العلم ان اغلبهم اولاد و كبار بعمر 12 و11* وانا اكبر ولد عندي عمره6 وبنتي 7* يعني مو في عمرهم* واعاملهم احسن معامله ادخلهم غرفة الالعاب يلعبون واعطيهم شبسات وعصير ومن يطلعون انهلك من التنظيف لان مايخلون شي بمكانه و من كم يوم زوجة حماي شايفه عضه بولدها اللي عمره11 واللي عاضه يقولون ولدي اللي عمره 3 سنوات* وانا ماشفت يوم انعض ولدها ولاادري اساسا استغربت يوم سمعت الكلام* وصارت تهدد والكلام يوصل على لسان زوجها ان لو تلقى واحد من اولادها فيه شي بتشتكي علي بالشرطه
وش الحل قلت لزوجي الافضل انهم يمسكون اعيالهم وماني مسؤوله عنهم ولا راح استقبلهم اذا جو واخوانك انت تنجاز معاهم* ضيفهم ووجبهم لكن ماعجبه كلامي وقالي تبيني اطرد اولادهم ومو انا اللي ادخل بسوالف حريم
اناناويه اي وحده تولد منهم ماازورها لاني سمعت ان الكبيره ببدايه حملها والثانيه بالشهر السابع
*وش الحل بنظركم بهالمشكله

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

sgthjd d;vi,kd ,di]],kd fhgav'm

المصدر...