|
|
|
|
|
9th November 2017
|
#1 | |
|
مدير ومالك المنتديان
|
الحنين لطليقي كسر اضلعي
السلام عليكم
بختصر الموضوع قدر الامكان مطلقة وطليقي مطلق وعنده ولد وبنت يعني انا تطلقت مرتين وهو طلق مرتين تزوجت طليقي الحالي قبل سنتين طرت من الفرحة فيه مدللني ويحبني واحبه بعد الزواج رجع هو لمسؤولياته وانا ماعندي اطفال فمقصره من هالناحية ماعرف اتعامل مع الاطفال وقبلت اني اعيش معهم امهم سببت شوي مشاكل وكانت تسوي حركات تضايق تعطرهم بعطرها تبوسهم بالروج علشان تلفت نظر طليقي وانا اقوله اتضايق واقوله ماحب كذا كلمها توقف او كلم ابوها يقولي كبري عقلك يوم من الايام شفت باللابتوب ملف مكتوب عليه خاص ومخفي فتحته صور لطليقته وللعيال من القهر افهموني كسرت اللابتوب ورميته بالمغسله وشغلت عليه الماء انجن وزعل ومافكر يواسيني وحلف ان يخليني اندم على هالحركة قال اوراقي وشغلي وشاريعي مانسختها بالجهاز ويتحسب وشهر منعزل عني سرقت رقم طليقته وقلت لها حركاتك مكشوفه وعيب عليك ....... قالت لي مابيه اصلا عايفته قلعتك انتي وياه ماتركت عيالي وانحشت الا شفت منه نجوم الظهر خفت انا وسألتها وش شفتي منه عطتني مشاكلهم كلها وانه خانها يكلم وحدة وو و و صارت عيوبه الصغيرة جبال لو يطنشني انفجر انه من عيوبه اللي طفشت الاولى تهاوشنا وذكرت له محاسن طليقي وبطولاته وامور استحي اقولها هو حفظها براسه خلاص وتهاوشنا اخر مرة لاني فتحت جواله ولقيت مقاطع رقص بنات من قروب اخوياه قالي مافتشت جوالك ابد من تزوجتك وانتي تفتشين وانا طفشت منك ومن غيرتك قالي برد طليقتي هذا اللي تبينه غلطت عليه تخسي تحط على راسي مرة ضربني كف وسحبني للغرفة اجمعي اغراضك لابوك لابو اللي جابك قلت لاتغلط على ابوي وطلقني مابيك طلقني والحمدلله على كل حال مرت ٥ اشهر تقدم لي واحد متزوج عمره ٤٦ وعنده ٤ عيال طبعا رفضت وتقدموا غيره من معارف اخواني بس من اجلس نظرة شرعية ابكي انتوا ويييين وطليقي وين فرق كبير احن له حاول يرجعني ايام العدة بس عنيدة وابي انتصر لكرامتي بعد ماضربني افكر اكلم خالتي لانها تحبني وترسل لي وارسلها ايام الجمعة بس خايفه لانه قال لي ارجعي اذا انتهت عدتك بتطلعين من حياتي للابد طليقي مو كامل بس لما اسمع فلانه تطلقت وفلانه زعلانه اعرف ان طلاقي سخيف واسبابه جدا ضعيفه خان طليقته وكلم وحدة انا وش دخلني ليه لزقت الاحداث بمخي انه خاين وكذاب ومنافق له مواقف كثير مااقدر انساها حلوة هدايا وحركات ماذكرتها الا هالوقت وقبل كل عيوبه قدامي ولا فيه شي يشجع للرجعه هل هذا الشي طبيعي عمري ٢٨ سنة واكثر مايخوفني اني مطلقة مرتين فاهمين علي يعني احس ماراح يتقدم لي الا المتردية والنطيحه وافكر فيه بعد مطلق حرمتين وبيخطب اكيد ماراح توافق عليه وحدة صاحية ثم اقول بيرجعني اكيد خلال سنة واحيانا اقول رجال يقدر يدور ويدق نص بيوت الرياض ويلقى من توافق وحلوة ومثل مايتمنى ودي اكلمه او اكلم خالتي اسأل وش براسه وش ناوي عليه اللي قاهرني اكثر بروده لايكتب حالة بالواتس ولا شي ابد انا اكتب اشعار اول وصور قلب مجروح وهو ولا شي بس صورة عياله وربي هب لي من لدنك رحمة غامض ومتعب بس سبب كتابتي للموضوع احس بدأ تفكيري فيه يستحوذ على عقلي ليل نهار افكر فيه مااحب اكل ولا اشرب ولا اجلس مع اهلي وامي تقولي واضح عليك التعب نصحتني هذا ابو فلان حبيب مافيه منه تعوذي من ابليس بكرة من وين نجيب مثله والرجال الطيبين عملة نادره وانا بس المس خدي واتذكر الكف واتألم والحين المس خدي ودي لو يضربني ثانيه حنيت له جاني دوخه وتعبت وخمول واحس اني بداية اكتئآب وماني قادره اكلم احد ودي افضفض واطلع كل اللي بقلبي :sad: المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين hgpkdk g'gdrd ;sv hqgud المصدر... اثبت وجودك
..
|
|
 من مواضيعي في الملتقى
|
||
|
|
 |
 |
 |
 |
 |
|
 |
 |
 |
|
|
|
|
|
|
|
|
||||
|
|
|
|
|
|
|
تقرأ وترحل شارك معنا برد أو بموضوع
العرض المتطور
