لا توجد اي مشاعر اتجاه زوجي

لا توجد اي مشاعر اتجاه زوجي

السلام عليكم
انا متزوجة لي 8 سنوات و ليومكم هذا ما احي بأي شعور ناحية زوجي بالمره
ما اشتاق له اذا غاب و اذا جلس معاي ما احس بمشاعر سواء خجل او شي داخلي ما احس بأي شعور يتحرك اتجاهه حتى اذا لمسني ما احس بشي ابداا ابدااا

حتى وقت الجماع و المداعبة ما اشعر بشي اتجاهه هو بالذات
مرات اتخيل امور بس علشان امتع نفسي

استغرب من بعض الحريم انها تشتاق لزوجها و تحبه اتسائل في نفسي شلون تحبه؟ معقوله في زوجة تحب زوجها؟! ليش انا ما عندي مشاعر لزوجي؟ المشاعر معدومه بروووود اتجاهه

لما اسأل نفسي أحيانا القى اجابات لكن مو متاكده اذا هي السبب او لا

مثلا من تزوجنا ما يسولف معاي فقط بينا علاقة جماع ، متى ما اشتهى جاني يجامع
و الحوار بيني و بينه معدوم تماما، مانسولف ابدا لا بمواضيع البيت ولا بمواضيع عامه او اخبار او امور متنوعه، هو عودني من اول الزواج ان اكلمه بس اذا ابي شي مثلا حفاظات او شي بالبيت ناقص،،
في بداية زواجنا كنت احاول اكلمه او ارسله رسايل غزل كان يقولي لا تكلميني الا بامور مهمه امور الغزل هذي فقط وقت الجماع

و شغله ثانيه اني دايم قاعده بالبيت و مانعني من الطلعات و اني اتفسح بالزغم اني مقتدره و عندي راتب الحمد لله و اقدر اوفر سايق اجره يوديني و يردني لكن هو مانعني بحكم ان طلعة المراه من بيتها حرام و مايجوز الا لحاجة ضروريه جدا، هذي فتوى من عنده ماني متاكده من صحتها،، و كذلك منعني من عروس بنات جماعتي و منعني من جمعة صديقاتي


صرت بس اروح للعمل و ارجع للبيت اجلس طول اليوم على الجوال،، بالرغم اني امراه طموحه و احب اكتشف اشياء جديده و اماكن جديده


مرات اعزمه على حسابي يرفض بحجة انه مشغول او يقولي خشي فلوسج يمكن تحتاجينها بعدين او يعتذر انه ماعنده فلوس

و دايم اذا طلبت منه طلب يقولي ان ماعنده فلوس هذي الكلمه دايما يقولها بالرغم ان راتبه قوي و كل شي يبيه يشتريه
لكني كرهته من كثر مايردد الجمله و صرت اكره اطلبه شي

احيانا اندم اني تزوجه و اقول ليتني تزوج واحد يكون لي صديق نطلع مع بعض و نكتش اماكن جديده نسافر نسولف يكون صديق لي قبل يكون زوج

انا بديت انقهر اذا شفت الحريم اللي في عمري و طلعاتهم مع ازواجهم او طلعاتهم مع انفسهم
الحياة حلوه بس هو خلاني اعيش بحياة بارده روتين ممل العام نفس هالسنه ماسويت شي جديد
وقتي يمر و انا بس ماسكه الجوال و هو يطلع و يتجمع مع ربعه و يغير جو
و لما اكلمه يمنعني و يقولي مايجوز و المراه مالها الا بيتها


حاولت كثير اناقشه و يهددني اني ما اعيد الموضوع

نفسيتي تعبت و صرت اعصب على اتفه الامور و صرت اهمل بكل شي لاني بردت بس روتين ممل

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

gh j,[] hd lahuv hj[hi .,[d

المصدر...