متوظف حكومي من 6 سنين وماحد يدري

متوظف حكومي من 6 سنين وماحد يدري

السلام عليكم ورحمة الله وبركاته

متوظف رسمي حكومي من 6 سنين ولا علمت احد حتى اهلي طبعي ماحب اتكلم نهائيا عن اموري سواء زينة او شينة نهائيا بس اضحك مع الناس لكن
ماحد يدري وش مسوي بها الدنيا كل من يسئل اعطيه جواب مختصر (ماسويت شي والحمدلله على كل حال) واستاذن.. اهلي يعرفون اني اشتغل بالشركات
والقطاعات الخاصة بس من شركة لشركة فقط حراسات امنية او استقبال بالفنادق هذا اللي يعرفونه وفي بالهم اني مازلت فيها / ومن 5 سنوات دخلت بالتجارة وشغلت رواتبي كلها وفوقها قرض الحمدلله وصرت اطلع دبل راتبي مرتين وسددت القرض خلال سنة ونص وقدرت اشتري شقة ملك اللهم لك الحمد ومرة جا واحد اعرفه للدوام عنده معاملة صدفة دخل المكتب سلمنا وانا كنت واقف المهم قلت وين الموظف اللي هنا على اساس انو عندي معاملة المهم مشت الامور ومرة الايام وجا وانا بالمكتب واسمي مكتوب بالمكتب وراح يحقق ويسئل واصرفه بالكلام وهو طالع تحت سئل واحد عني وقاله كل شي ماتوقعته فضولي ومع الوقت وصل الخبر لاهلي وتحقيق وزعلوا علي ليه ماقلت لنا خايف نطلبك ولا نكلف عليك ومن هالكلام اللي والله ماهوب بنيتي ولا كان من اهدافي لكن عندي قاعدة الطايح مايشيل طايح وقلت اني اوقف بنفسي واشد الهمة وانا طبعي هادي بالحيل حتى بالمشاكل احب احلها بهدوء بدون رفع صوت وخاطب بنت جاري ومملك عليها وانتشر خبر الوظيفة مثل النار بالشعيب وزعل جاري بعد وخطيبتي
كل هالمجة موظف حكومي ولا تزوجت ليشش وسين جيم ولا احد يدري اني كونت نفسي وقويت حالي بفضل الله بستشير اهل العقل والعاقلين والناس الهادية اعلمهم
باللي عندي وتجارتي وغيرها وانو السبب اني كنت اشتغل عشاني وعشانهم بحجة حديث الرسول عليه السلام اقضوا حوائجكم بالسر والكتمان ولا استمر على وضعي لين ماتهدى الامور وارتب امور الزواج وغيره حتى الشقة بقول اني مستاجرها.لاحد يجي ويقول اهلك ربوك وماقصروا وليش وماليش والله ان ديون ابوي اسددها بدون مايدري
اتابع ديونه ومخالفات سيارته وغيرها واعطيه من نفس الراتب اللي كنت اخذه من الشركات وامور كثيرة .فلا تجرحون بالكلام.

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lj,/t p;,ld lk 6 skdk ,lhp] d]vd

المصدر...