بطاقته الصراف بيد امه ايش الحل؟!

بطاقته الصراف بيد امه ايش الحل؟!

السلام عليكم ورحمة الله
كتبت مشكلتي بتفاصيلها وتحملوني واقرأوها
انا مرأه متزوجه من شخص اكبر مني ب10 سنوات ومده زواجنا 10 سنوات كمان عندنا 4 اطفال الله يحفظهم
من بدايه زواجي لاحظت بخل زوجي واهله
وتدخل اهله بكل صغيره وكبيره بحياتنا* رضيت بأقل شي من سكن ومهر تقديرا لظروفه الماديه اللي قالتها امه لاهلي ماعنده احد يساعده وعايش على راتبه و ابوه متوفي وكذا* وفي النهايه ماقدرني زوجي اصغر واحد باخوانه الشباب عنده اثنين اكبر منه متزوجين واخوات اكبر واصغر منه متزوجات
طبعا رضيت فيه وبظروفه مو لنقص فيني بالعكس يمكن ماأدركت وقتها ان البشر معادن ناس تستاهل* الوقفه وناس لا*
تزوجته وانا بنت 16 والأن عمري 26 سنه
*تفكيري تغير والعالم تغيرت واهو واهله على ماهم عليه بخل وتدخل ونميمه*
* بطاقته الصراف مع امه* (عشان تحافظ على فلوسه لليوم الاسود)
* وجيبه* يضل فااضي وياما تعطلنا واحتجنا فلوس وامه ماترد ع الجوال او تلفون البيت
*لما يدق عليها عشان ياخذ منها فلوس
مره ولدي طاح وانشقت جبهته ورحنا اقرب مستشفى كان مستشفى خاص قالي كلمي موظفة الاستقبال تفتح لك ملف بدون فلوس !!!
قولي لها حاله طارئه وبنجيب لك المبلغ
حطني* بمواقف احراج واهانه
وطلع من المستشفى راح بيت امه ومالقاها بالبيت وماترد ع الجوال ( رايحه زواج)
والمستشفى كل شوي يعطوني فاتوره يبوني ادفعها في الريسبشن* وانا مامعاي ولا ريال طبعا مايعطيني مصروف فما عندي ولا هلله
ومره ختان لولدي عطاني 9 ريال قيمة فتح ملف وقالي الختان يغطيه التأمين
قلت له* و المراهم والادوية حق الصيدليه* قالي لا تصرفي الوصفه
ونزلني وراح دوامه بيبصم وبيستأذن وبيرجع لي
والغبنه طلع التأمين مايشمل ودفعت الختان من المبلغ اللي جمعته في ولادتي من ضمن الهدايا* اللي جاتني من اهلي وصديقاتي
ويوم وصل وقلت له جيب 500 ريال قيمة الختان
اتصل لامه وقالي حطيه سبيكر لانه شايل ولدي* وقالها جهزي 500
قالت له ليش قال بعطيها زوجتي* طلع الختان بفلوس ودفعتهم
تخيلوا الرد والبجاحه( ماحد قالها تروح مستشفى بفلوس الحكومه يطهروا ببلاش* )
*وجلس* يردد لي كلام امه لو دريت بفلوس وديته حكومي ليش ماستشرتيني قبل ماتدفعين.
تخيلتوا وضعي معاهم
ومواقف كثير غيرها مرت علي في منها يبكي والله
جلست معاه جلسة* من زمان وكلمته بهدوء وقلت له ياولد الناس انا و عيالك مسؤولين منك وواجبك تجاهنا المصرف باللي تقدر عليه
مو تعيشنا عيشه الفقراء وانت الله ناعم عليك قالي مالك دخل بالراتب وانا ماعندي فلوس (راتبه زين والله ويقدر يعيشنا ومايقصرنا شي)
*اقوله اجل كيف تطلع يوميا وتداوم اذا مايعطونك راتب قالي مالك دخل
*وصوته صار يعلى ويصرخ مثل المجنون* انتي ماكله شاربه نايمه وماتدرين عن شي
قلت له هذي سنه الحياه الرجال يوفر الاكل والشرب والسكن والمرأه تقوم بدور التربيه وتنظيم الاسره ووو
قالي لا** مو واجبي اسكنك بمكان واسع انتي طلبتي تتوسعين بسكن خاص وطلعتك (طلعت بفلوسي عطيته* قيمة ايجار 6 اشهر من مبلغ بقى لي من مكافأه الجامعه لما كنت طالبه)
(كنت عايشه 7 سنوات* ونص بضيق بغرفه وحمام ومخزن عند اهله و راتبه يخبيه )
ومو ملزوم اوسع عليك وانتي مايملي عينك الا التراب وانتي ماديه وانتي خبيثه وتدورين المصلحه والفلوس وفلوس ماعندي
وسكت لاني تعبت من الكلام اللي بدون نتيجه انا عارفه ان تصرفاته غلط وامه حسبي الله ونعم الوكيل فيها ماترضى بهالشي على بناتها لكن ترضاه على بنات الناس
اخته نفس الحكايه من تشوفنا تقول لنا ترى انا ماآخذ فلوس من زوجي كافي عليه الاكل والشرب الحين كل شي غالي الجبن صار بكذا والرز صار بكذا ووو
وبنتها (بنت اخت زوجي) دايم مسافره مع زوجها* من بلد لبلد وتقول بنتي* زوجها مايصرف عليها فقط اكل وشرب* بنتها بعمري* وماتشتغل ودايما تقول بنتي* ابوها يعطيها مصروف شهري لها ولعيالها ( تبي ابوي* رجال كبير في السن يتكفل فيني وفي عيالي حسبي الله )كلامها المقصد منه اسمعي ياجاره
وزوجي يتعلم من قصصها الكذبيه ويطبق علي
قبل اسبوعين صار زواج اختي ونفس الشي يستثقل يطلب فلوسه من امه وكل ماقلت له زواج اختي قرب وماعندي شي البسه وبنتك ماعندها فستان* قالي بعدين لين قبل زواج اختي بيوم راح بيت امه ونزل من السياره واهو يسب ويلعن بالساعه واليوم اللي تزوجني فيها ويقول* اختك تتزوج وانا انفقر وش دخلني بزواج اختك
وراح وتأخر نزلت وراه شفت امه تحسب معاه تقوله هالاسبوع اخذت 500* وتبي فلوس بعد وين وديتها وهو يقولها الله يلعنهم* اليهود المسرفين !
طيروها !يلعني انا واولاده* وال500* ماعلم امه ان شرينا فيها اكل ثلاجتنا فاضيه* والله كنت بقولها وبحرجها بس سكت خفت* من ردة فعله يسبني ولايجرحني بكلام ويفشلني
والحين صار يصرف علينا من حساب المواطن يدفع الفواتير واللي يبقى 300 او اكثر شوي يشتري فيها اكل للبيت وخلاص
* علموني وشلون اتصرف
هل اللي يصير شي عادي وانا مكبره الموضوع!!!
واذا لا شلون اتصرف تصرف بدون لا ادخل اهلي لان دخلتهم بموضوع السكن وماحترم ابوي فما ابي* اسوي حزازيات* بينه وبين اهلي من جديد..

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

f'hrji hgwvht fd] hli hda hgpg?!

المصدر...