امي

امي

السلام عليكم

رجاءا اللي بيرد بذيك الكلمات أمك و أمك و هي اللي تعبت عليك و اذكري يوم كانت تسهر عليك و و و لا يكمل لان ابدا ما راح يفيدني و بيضيع وقته.
و لازم ما ننسى ان الامهات ماهن بملائكة .. وان مديرتك السيئة، و الطبيبة الي نفخت ع زوجتك، و المعلمة الي نهرت بنتك، ممكن تكون امي او ام اي احد.

والله والله لو الحين تحتاج عيوني كنت عطيتها، بس ما اقدر اتغاضى ان في مشكلة.

مشكلتي يا جماعة امي، و ما اقساها علي من جملة اني اقول امي هي مشكلتي.

باختصار امي عندها مهارة ترفع ضغطي رففففععععع.
امي انسانة ما تقدر تخلي اي شي بالحياة بمساره الطبيعي، ان تروشت الليل ليش ما تروشتي بالنهار و انت تروشت بالنهار ليش ما تروشتي بالليل.صعبة صعبة كل صغيرة و كبيرة و كل شاردة و واردة لازم تحوسها، ودي يمر يوم بدون ما تعيب بشي و الا تقول ليش ما فعلتوا كذا او صنعتوا كذا، البر بها صار حلم بعييييد.
تخيلوا ان ممكن ما يكون فيه مشكله، بس كذا تقرر امي تكذب بسالفة ع ابوي (مثلا رحت مع ولدك السوق و هي رايحة مع السواق، ابوي ما عنده مشكلة انها تروح مع السواق، بس هي كذا تحب تحوس الامور) و بالتالي تجيب لنا مشكلة هالكبر من ورا الكذبة ( لا مو بتثير غيرة ابوي، هي كذا بكل الامثلة).

مثال ثاني يكون باقي ع الصلاة نص ساعة و نكون نبي السوبر ماركت و احنا عارفين اننا ما نقدر نلحق نشتري قبل الصلاة، نقولها خلي ع الاقل نصلي و نمشي، تقول لا ، و نضطر نجلس ساعات قدام السوبرماركت ننتظر و احنا ورانا مليون

ان سويت الزين ما شافته و ان سويت الشين تظل سنين تتكلم فيه.

و والله ما اقول كذا عشان اطلع نفسي زينة و هي شينة،
انا بعد فيني من العيوب ما الله به عليم، بس انا ذا الموضوع مزعلني بزيادة لانها امي. و لان احس انها كانت متوسمة فيني خير و احسني خذلتها بس انا ما عاد اقدر .

يمكن تشوفونها اشياء عادية بس خلاصصص انا طقيييت شغلة ع شغلة لين صرت خلاص ما استحمل حتى المزحة منها. اي والله صدق يوم تمزح معي كانت بس انا مزحتها بكتني ما قدرت استحمل المزحة بلحظة حسيت ان امي ثقيلة علي.

انا جالسه فالبيت الى مايشاء الله، انة اعتقد وجودي بوجهها طول النهار زاد الطين بله ، لو كنت مستقلة ماديا و الله ما جلست.

بالمناسبة الموضوع بدا تدريجيا، يعني يمكن قبل حول ٣ سنوات كنت أبر وحدة اخواني و اخواتي بامي ، وهي قالته بلسانها، بس يبدو اني تحملت و تحملت لين ما عاد اقدر.
شلون اتجاوز كل ذا؟ و الله يا جماعة انا انسانة مو سيىة بس مدري ليه صارت الامور كذا مع امي.

في شي ثاني، ممكن نفس المشكلة تصير بيني و بين امي
،، و بين اختي و امي بعد كم يوم ثاني.
تلاحظ انها تزعل مني اكثر من زعلها من اختي.

اههه ما عاد ادري. قولولي انتم.

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hld

المصدر...