زوجي وتناقضه

زوجي وتناقضه

السلام عليكم ورحمة الله وبركاتة
اخواني اخواتي اتمنى منكم النصيحة لان احس اني ضايعه ..
كلامي بيكون طويل لكن عشان تكون المشكله واضحه لكم ..
انا تزوجت برجل اصغر مني بسنه ، ماصارت شوفة شرعيه ، وهو مطلق قبلي
انا الحمدلله مو ناقصني جمال ولا اهتمام ، قبل زواجنا بمده صار يراسلني وخبرته اني خجوله جداً ، بعد الزواج كنت دايم اسأل نفسي سؤال من تصرفاته ، هل هو مغصوب ؟
لما يجلس معي مايسولف ولا يمزح ولا شي بس تبين شي ، ناقص شي
وانا ماكنت اضغط عليه نهائي ، اعطيه حقه كامل وقايمه بالبيت واكله يعني ماقصرت بهالشي معه
كان يجلس ع الجوال ويضحك بروحه واذا جيت قريب له يقلب جواله ولا يتكلم
افتح معه مواضيع ابي افهم وش يحب وش يكره ، لكن انسان جداً غامض معي
واحسه حزين حاولت اسعده باللي يبي ، شهر عسل مافي شهر عسل ، جيته ع اثاث الاولى ولا قلت له غير لي الاثاث ع ان ماديته زينه ، بس قلت مع الايام نغير حبه حبه ، اهله كويسين معي مره وحبيتهم كانهم اهلي ، اول صدمه لي وانا عروس كان يمارس العادة السريه بوجودي ، وصرت اتجرا معه ابي يترك هالشي من غير مااوجهه ، لكن للأسف ماتغير وبعدين قررت اواجهه وحلف ماتتكرر ، لكن تكررت وصرت اتجاهل الموضوع لكن تعبني نفسياً جدا ، كان كل همه اني احمل ، لكن ماكتب ربي ، استمر الوضع لما في يوم من الايام ، وانا انكب الغرفه تنظيف دقيق لقيت اوراق تحاليل لحرمتين مع تحاليله ، وحده اصغز منه بسنه تحليل حمل ، والثانيه اكبر منه تحليل بول ، صارت الافكار توديني يمين ويسار ، لكن قلت شي ماضي لانه قبل تاريخ زواجي، وقلت ماراح اخرب حياتي عليه ، وكانت حياتنا روتين ممل ، يصحى للدوام يرجع غداءه جاهز يتغدى ينام ، يصحى اسوي قهوته يتقهوى ويطلع للاستراحه مايرجع الا قبل النوم ، انا اهلي مو بنفس المنطقه وكان على اختبارات وحجز لي ، وانا ارتب كل شي عشان سفرتي دخلت الغرفه وهو نايم ومفتوح جواله ، ياليتني ماشفت شي ، صور لعورته ، صور حاريم ، تعارف ، سوالف وغزل بحياته ماقالها لي ع اني بالحلال وزوجته ، سكرت الدنيا بوجهي رحت اصلي ركعتين وادعي ربي واحس هديت ، لما صحى ماتكلمت معه وهو حس فيني شي ومسكني الا اقول وش فيني انا هنا انفجرت صياح وقلت شفت بجوالك كل شي ، قال انا اسف وقام يعتذر ويبين ع شكله الندم ، جلس يبكي معي ماحبيت اتكلم واجرحه بكلامي سكت وقمت ارتب اغراضي ، ورحت للمطار ، دخلت ع اهلي حسوا فيني شي عيوني منتفخه وحالتي حاله قلت تعب من الاختبارات ماقلت شي لهم ، بعد الاختبارات قلت له عشان مايكبر الموضوع انا ماعاد ابي ارجع لذيك الحياة ، حاول معي وجاء ابوه اول مره ، قال نبي نتفق انك تاكلين مانع واكتشفت انك تاكلين مانع ورفضت ، قال ارجعي ليله نسوي مشكله ورفضت لان يقولي انا مطلق ف يجي السبب اقوى عليه هو ، قال حطي السبب اني اتحلم بالاولى وانك تسمعين اكلم الاولى ورفضت ، قلت طلق من غير مشاكل ، وابوه الا يعرف السبب وانا مو قادره اقوله ماابي اخرب صورته عند ابوه واهله ، وجاء مره ثانيه ابوه قلت مااقدر ارجع والسبب بيني وبينه مشاكل هو قال لا هي ماتثق فيني وعشان صور بجوالي قلت لا مو هذا السبب بس ، وصار لنا 8 شهور تصير بين فترات مراسله يحاول معي ، ويقول انا ابيك ، وانا احسه يبيني ارجع عشان الناس وكلامها ، وانا مو قادره اتحمل حياتي اللي قبل ، ابي شخص واضح معي وصريح ، اسعده ويسعدني يشاركني فرحتي وحرني وانا كذلك معه ، لكن ماشفت هذا كله ، صح مو مقصر بالبيت بس حياتنا حياة ممله مااسولف معه ، اسولف مع اهله اكثر مايكون معه ، وغير كذا ياكل حبوب ضعف جنس ، واجهته اول مره قلت له بكون معك بالمره قبل الحلوه بس علمني اذا فيه شي وعصب ونكر وش شايفتني تنقصين من رجولتي ومادري ايش ، وهذا لصديقي طلبني هالحبوب ، وانا لقيتهم بزبالة غرفتنا كنت ارتبها وفيه منديلين ماحبيت اغير الكيسه كلها ف اخذت اللي فيها والا القى هالحبوب ، ومع الايام لقيت ياخذ منهم مرات ، ولا ناقشته بعد ، الا لما صارت المشكله الكبيره بيننا ..
تدرون حياتي عمري (الكلام المعسل ) هذا ماقد سمعته منه ، مااشوف علاقتنا طبيعيه كأي زوجين
يقول كيف تبيني اقولك حياتي واحبك وانا مااعرفك اصلا
سؤالي : لو انتي بمكاني تقررين ع الطلاق ؟
علماً الى يومكم هذا ماواجهته بالاوراق اللي شفتها لان قلت مستحيل ارجع الا اعرف ايش موضوعها اخاف يكون راعي حاريم واظلم نفسي برجعتي ، لان قلت خلاص بتطلق من غير ماافتح له هالمواضيع بما اني مقرره
لكن لما صار يرسل ويقول انتي غيرتيني وانا ابيك وانا بعوضك .. الخ بديت احتار

محيرني بموضوعي بالبداية كان يبي يحطط سبب فيني او اني شفت صور الاولى بجواله بس هالفترة تغير يقول انتي غيرتيني وانا ابيك وانا انسانه اخاف من الخطاء وقلبي طيب ، احس يبي يستعطف ويكسر خاطري عشان اعطيه فرصه ، لان ماابي ارجع له ويتغير فتره واحمل واجيب اولاد ويرجع لطبعه ، لان لما يكون بيننا اولاد الموضوع يكون اصعب .. واسفه ع الاطاله

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

.,[d ,jkhrqi

المصدر...