تزوجت بنت لا اعرفها وهي حامل مني وانا ما بدي اياها

تزوجت بنت لا اعرفها وهي حامل مني وانا ما بدي اياها

تزوجنا وانا ما اعرفها الا ايام الخطبة ، ترفو اهلي على اهلها عن طريق اختها المزوجة لاحد اقاربنا ، ليلة الدخلة كانت ترجف بشكل غير طبيعي وابعدتني عنها في محاولتين ،لكن في المحاولة الثانية قذفت في بداية العضو الانثوي ، في الايام التالية كانت تطلب مني ان لا اقترب من تلك المنطقة لانها تتالم .وبعد اسبوع سالتها ازا فيها مشكلة او اذا اهلها غاصبينها علي فقالت انها كانت تحب شاب اخر لكن اهلها ما وافقو يجوزوها الو واجبروها علي .، قلت لها طيب انا الان تعرفتي علي وشفتي وضعي واهلي مناح ورح اعطيكي مجال تفكري وكاني الان خطبتك وفكري وما رح اخذك الا بارادتك وازا ما بدك ياني .ارجعك على اهلك بالحجة الي تحبي اقولها .وافقت ، وكل يوم اقرب منها وابين الها اني اقدر اخذها بس ناطرها ، قالتلي بس نرجع من زيارة اهلي يصير الي بدي ياه ، لما رحنا على اهلها زيارة وهم بمدينة بعيدة راحت معي عالدكتورة .نادتني الدكتورة وسالتني عن وضعنا قلتلها الصراحة قام قالتلي انو مرتك حامل تفاجأت بس اكدتلي الدكتورة انو هيك ممكن يصير الحمل قلت تمام . طلعنا من الدكتورة ونحنا راجعين على مدينتنا قالتلي مرتي بدي انزل الولد . وانا مابدي ياك ولا الولد ، هنا انصدمت انا ، وخبرت اهلها بتفاصيل الي صار وانو انا ما اخذتها متل العالم ولساتها بنت وحامل وهي مغصوبة علي اصلا المهم قالو فيها مرض شيوخ يعني سحر 🔮 وما شابه اخدوها وبعد اسبوع قالو طابت ورحت جبتا عالبيت ولما صرنا لوحدنا قالت انا ما اجيت مشانك ومن هالحكي وبلشت ترفضني وانا ماضل عندي رغبة جنسية تجاها ورحت عا دكتور كم يوم ورجعت بدي اخذها وهي ترفض وتعاملني باحتقار وتقلي اصلا انت مو زلمة لو زلمة ما صبرت علي. كل هالفترة طبعا انا صبرت عليها شهر ، وقمت اسجل الها مكالمات كانت تحكي مع اختها وتتذكر حبيبها السابق وتقول الها لو انا ماخدة الي ببالي كان عيشتو بالجنة . خبرت اهلا وقلتلن خذو بنتكن لانها مو ناوية تنستر وانا ما اخذتا وهي تسجيلاتا . وهن صفو مع بنتهم وقالو انت لو زلمة اخذتها بالقوة ، قلتلهم انا مو مجبور اغصبها على شي وانت تعرفوها مجبورة ليش تجبروها علي وانتو ما تعرفوني اصلا . المهم هي الان بشهرها ال5 واهلها قالو ما تطلق بهالفترة يجي ابنك تاخذو والي يطلعلك عنا من مهر اوشي شو تشرع العالم بيناتنا تاخذو واهلا وسهلا ، بس مشكلتي انو لما خبرتها انو في تسجيلات ورح اخبر اهلك صارت تترجاني وتقلي انا غلطت معك وبحقك واعطيني فرصة بس انا ما اعطيتها وكنت حقدت عليها لان كانت تحكي مع اهلها وتقلهم انو انا ماني زلمة ومن هالحكي ، فا ايش تنصحوني هي الان عند اهلها وما اعرف بشو عم تفكر بس اهلها معندين وعم يحكو علي وعلى اهلي بين الناش شي صار وشي ماصار وما اعرف كيف اريح بالي انصحوني بشو اريح بالي ، انا ما عاد بدي هالبنت بس هالولد الي اكيد رح افحصو ازا ابني ولا لا ازاطلع ابني والبنت انفحصت وطلعت بنت يعني ما عابت انا ايش اساوي . هاجس ابني بدون امو رح يربى مو منومني الليل . ارجوكم بس الي يحس انو الو خبرة بالحياة يجاوب ما بدي تشوشوني اكثر ما انا مشوش .وشكرا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

j.,[j fkj gh huvtih ,id phlg lkd ,hkh lh f]d hdhih

المصدر...