امي وطمعها بالفلوس

امي وطمعها بالفلوس

انا امي وابوي تطلقو وانا توني رضعيه وابوي الله يرحمه ويغفر له حرمني من امي هو جابني عندها يوم كنت رضعيه بس هي اختارت تتزوج وحرمني منها وربتني جدتي ام ابوي و ابوي متوفي الله يرحمه توفي من كم سنه وحاليا عمري 28 وفيني إعاقات متوسطه منذ ولاده لكن امشي الحمدالله ومن صغري امي متزوجه ثاني وعندها عيال ماتدري عني و بالقطارة تسال واذا جاتني قالت سامحيني وإسامحها وأتواصل معاها واسأل نفس شي ماتسال لمن شافتني فتحت لي مشروع كل شوي تطلب مني فلوس و اعطيها ولمن اعطيها فلوس اصير بنتها الغاليه الله اكبر لمن شافتني مطفره دورت لها سبب وزعلت وتركتني كل همها فلوس حتى ابوها اللي هو جدي خذت منه فلوس ولعبت فيهم و يوم كان بالمشفى ماتدري عنه ولا جاته الله يرحمه وأخوها اللي خالي بعد بينها وبينه مشاكل وسبه انه خذت فلوس و مقاطعه اخوانها وخواتها وسبه فلوس تعبتني وش اسوي لها حتى خوالي وخالاتي يدرون هي غلطانه بحقي قالو خليها ماردها تسمع عندك فلوس و تجيك مرا ثانيه تعبتني حيل تفرط فيني ماتحن ابدا وانا اصلا مااجيها هي مفروض تعودني عليها من صغري على الاقل لو جاتني وانا بالمدرسه انا كبرت احبها بس صعب أتقبلها ماني متعوده عليها هي تكرهني بسبب ابوي الله يرحمه و اخر مرا جيتها تقولي تذكرني في ابوك يعني معانتها انا اتضايق لا تجيني وفوق هذا تعيب على إعاقتي تقولي انتي صج فيك كذ وتضحك بالله ذي ام اخذها من ناس ولا امي انا مستحيل أتقبلها قمت على دنيا جدتي هي اللي تعبت وربتني ومسكينه من مشفى لين مشفى تعالجني الله يجزاها الجنه امي انانيه اذا كلمتني تقولي انا امك ثم امك امك ابي بس أتواصل معاها جًوال وهي تستغلني وش اسوي معاها اذا قلت ماعندي قامت ترسل احاديث عن الام مدري وش تحس فيه

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hld ,'luih fhgtg,s

المصدر...