رابع مره انزله ولاتنزلونه

رابع مره انزله ولاتنزلونه

السلام عليكم ورحمة الله وبركاته:


بكتب مشكلتي على طول واتمنى القى ردود تساعدني باللي انا فيه

انا شاب مبتعث على اساس الدراسه وتعرفت على بنت مبتعثه هناك حبيتها لاني شفت فيها اشياء ماشفتها في اي بنت، محافظه جداً ومن عايله محافظه ومعروفه ومقتدره مادياً
البنت عقلانيه وتحب الشغل وتفكيرها غير جداً عن باقي البنات بنت ذكيه وحتى شكلياً عاجبتني جداً
انا وبدون اي مقدمات كنت مدمن حشيش 24 ساعه احشش ولا يبين علي لاني متعود عليه من عمري 20 وانا مبتعث ست سنوات بدوله ولا نجحت ولا تخرجت ورجعت السعوديه وبعدها رحت دوله ثانيه ع اساس بكمل وبجتهد ولكن ماقدرت ممكن بسبب الادمان وعدم رغبتي اساسا بالدراسه انا انسان احب الشغل واكره الدراسه ولكن اهلي رافضين هالشي ومتحكمين بحياتي كلها لازم دراسه لازم وظيفه على مزاجهم وووو

المهم بعد مارحت للدوله الثانيه عرفت هذي البنت مجتهده وطموحه وتحب الدراسه والشغل عرفنا بعض سنه ونص حبيتها وهي حبتني وغيرتني كثير خلتني انسان ثاني بعد ماعرفتها شجعتني اكمل الدراسه وقفت معي وقفه محد وقفها معاي تواصلت مع الجامعه بدالي ودبرتني باشياء مايسعني اشرحها هنا
وبفتره اثرت فيني وصرت اصلي فروضي بوقتها واقرا قران واصوم
واثرت فيني وقطعت الحشيش بفضل الله ثم هي كانت تشجعني وتذكرني بالله وتنصحني بترك اصحاب السوء لاني كنت مصاحب ناس الله يستر عليهم وعلينا ضايعين وانا كنت ضايع معهم، كل اللي ذكرت لكم ماصار بيوم وليله هالبنت تعبت معي كثير وتركت اشياء هي كانت مهتمه فيها عشاني كانت دايم معي اول باول حتى بالشغل انا كان عندي ديون ولا اعرف اتصرف كانت ترتب لي كيف اسددها وايش نسوي تتعامل مع مشاكلي كانها مشاكلها وتقريباً من ثلاث شهور فتحنا شغلنا انا وهي طبعا هذا الشغل كان طموحي انا ، وهي اقتنعت فيه وحبت الفكره عشان يتغير وضعي المادي واقدر اوقف على رجليني وساعدتني وتسلفت من ابوها مبلغ كبير عشان نفتح هالمشروع تعبنا عليه كثير وصبرنا ووقفنا على رجليننا ساعات وكان ناجح وماشي وكنا مخططين اني اتقدم لها وفعلا كلمت اهلي بالموضوع ابوي موافق ولكن امي سوت اللي مايتسوى صارت تكلمني وتقول انا بموت وانا بالمستشفى وووو وتقنعني اتزوج بنت خالتي !!! امي من النوع اللي يمرض بسبب عصبيته وانفعاله تنفعل بصراخ وحالة هيستيريه من الغضب محد يقدر يوقفها مع انها مصليه وتعرف الله ولكن بالمواقف اللي تصير تعصب عصبيه تمرضها كم مره تدخل المستشفى بهالسبب والان تهددني اذا تقدمت بخطوه زياده تقولي انا بموت و بدخل المستشفى وتقول بدعي عليك ماتتوفق وتلعني وتسبني وانا ماودي اعصي امي ورحت اتواصل مع بنت خالتي عشان ترتاح امي وتحس اني شلت هالبنت اللي احبها من راسي واسولف مع بنت خالتي واخطط معها ع المستقبل محادثات وانا والله مابنيتي الا اني ابيها توصل لامي اللي اقولها عشان امي ترتاح هالفتره وتطلع من المستشفى ولكن صار الشي اللي ماابيه وشافت البنت محادثاتي مع بنت خالتي وانصدمت مني وفهمتها السالفه وقلتلها امي وشرحت لها كل شي وقلتلها انا مابي اتركك ولكن امي ماتبيك ولا اقدر اعصيها و انهارت ولا قدرت تتنفس من الصدمه هديتها وجلسنا نتكلم قالتلي انا حبيتك لانك غير اللي بهالزمن ماتهمك الماديات وشفت فيك صفات الاوليين ماحسيتك تخون كيف كل هذا راح
ماكان ودي اجرحها و عارف كلامي قوي وجرحها بس هذا الواقع ولا ودي كل هذا يصير والبنت ابيها واحبها ولا راح القى مثلها صبرت علي وحبتني حب عظيم ولا ودي اكون ناكر للمعروف وجاحد للحب

اتمنى تفيدوني بالتصرف الصحيح

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

vhfu lvi hk.gi ,ghjk.g,ki

المصدر...