خيانه وعين طويله وعاده سريه ، واحنا في اول سنه زواج

خيانه وعين طويله وعاده سريه ، واحنا في اول سنه زواج

انا متزوجه لي سنه وحامل في الشهر الاخير
من 4 شهور اكتشفت خيانه زوجي مع وحده كان بينهم علاقه سابقه قبل الزواج وكان يقول لها ان بيننا مشاكل واني عند اهلي عشان يتواصل معاها
واحنا الى يومها الحمدلله ماصارت بيننا اي مشكله
واجهته بالموضوع وطلبت الطلاق وجلس يعتذر ويبكي ويقول ماقدر اعيش بدونك وحياتي بتنتهي لو طلعتي منها
دعست على قلبي وسامحته وقفلت عالموضوع ولا فتحته مره ثانيه
ومن كم يوم صاير يطول بالحمام ويطلع متروش وهو كان نظيف قبل يدخل شكيت بالموضوع لين لقت اليوم في صفحه الاكسبلور عالانستقرام صور اباحيه استغربت وجودها في صفحتي علما ان هالصفحه مايطلع فيها الا الصور اللي يسوون عليها المضافين عندي لايك دخلت على اللايكات اشوف مين اللي مسوي لقيته زوجي انصعقت وكرهت نفسي وحملي اللي تغير جسمي بسببه وكارهه حياتي معاه احس اني مو الانسانه اللي كان يتمناها رغم انه ماينقصني شي بشهادته ودايم يحمد ربه علي واغلب الصور اللي مسوي لها لايك مقززه ومقرفه لا من بشره ولا من وجه
بس تصرفاته كل مالها تهز ثقتي بنفسي اكثر
ارضيته من كل النواحي اول ايام زواجنا كان يبكي من فرحته يقول ماتوقعت الاقي ربعك وصلت لمرحله اني اتجنب اجلس معاه لانه 24 ساعه الجوال بيده من برنامج لبرنامج ودايم يقول انا قبل اتزوج كنت احب الروقان واحب اجلس لحالي عاللابتوب والجوال ف حسيت اني من جد لاصقه له رغم اني هاديه ولا اقاطع اندماجه مع جواله الا بشي يحبه قهوه نشربها سوا او شي خفيف ناكله ويرجع لجواله صرت اقوم من جنبه واشغل نفسي بأي شي لين صرت افقده وافقد السوالف معاه تعبت من المرحله اللي وصلنا لها رغم اني بايام الملكه كنت اقول هذا مو بس زوج هذا نعمه من ربي مافي زيه واحد ثاني من السعاده اللي كنت عايشتها

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

odhki ,udk ',dgi ,uh]i svdi K ,hpkh td h,g ski .,h[

المصدر...