والله تعبت وخايف ع نفسي

والله تعبت وخايف ع نفسي


السلام عليكم ورحمة الله وبركاته
تكفون يا ادارة المنتدى نزلوا موضوعي باسرع وقت ممكن
بالبداية انا شاب عمري 22 متوظف من سنتين وماسك مسؤلية اهلي بحكم دراسة ابوي وغيابه عننا اغلب اليوم فكنت اللهم لك الحمد قد المسؤلية المهم ان لي رغبة بالزواج من مبطي وتخرجت وتظفت الحمدلله ومنتسب بالجامعة وابي اتزوج الحمدلله السكن موجود سكن خاص لي شقة والراتب الحمدلله وافي فكلمت اهلي ومتقبلين الفكرة تماما وخطبت بنت خالتي اللي كنت احبها فوق 10 سنوات ووافقت تقريبا 4 شهور وثم جاني الرفض بحجة انها بديرة تبعد عني بالرياض ساعتين ونص وطبعا كانت الموافقة من ابوها وامها واهي وبدون نظرة شرعية ولا غيرة طلبت من امي اشوفها تقول صعبه اقول لخالتك كذا قلت طيب ورحت قزيتها مع الدريشة هي لحالها بدون اي احد معها مجرد عرفت وجهها خلاص وخرت الزبدة بعد الرفض صراحة اندمرت نفسيتي كثيييييير وبعدها خطبت بنت عمتي ورفضت بحجة انها تكمل دراستها بالجامعة رغم ان ماعندي مشكلة ابد بدراستها بالعكس وحتى اخوها لمح لي الحمل وكذا قلت منيب عجل عليه ولكن جاني الرفض وخطبت وحدة ثانية وصارت مخطوبة وخلاص معد خطبت اهلي يقولون ماش مالقينا لك احد ياصغيرة يا بيقولون ولدكم صغير !! المهم والله تعبت ابي اعرررس وانا مب تفكيري بالزواج مجرد شهوة !! لا والله ابعيش حياتي زيي زي اي احد تزوج ولكن للاسف مالقيت احد قولوا لي تكفون فيني مشكلة كذا ؟ والله الحمدلله الكل يقدرني ويعزني واللهم لك الحمد سمعتي جدا ممتازة والكل يشهد لي بطيب الاخلاق وغيرة والواحد مو كامل عاد لكن الحمدلله عمري ماكلمت بنات او طلعت معهم او فكرت بهالشي اساسا وحاليا مع معاناتي هذي والله افكر انحرف اقول ليه اعرس ؟ خل راتبي كامل لي لا بيت ولا غيرة وسربت وسافر وتعال زي بعض الشباب ,,, والله معليش كلامي غير مرتب وحالتي حاله والله الموضوع هذا يعني لي الكثير راسي موجعني من التفكير فالدوام بالبيت حتى مع العيال تكفون قولوا لي اي شي يرفع معنوياتي
وشكرااااا لكم من اعماق قلبي


المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

,hggi jufj ,ohdt u ktsd

المصدر...