مقاليد النهاية المؤسفة

مقاليد النهاية المؤسفة


السلام عليكم ورحمة الله

لم اكن اعلم حين احببتها اني لن استطيع نسيانها حتى بعد مرور السنين

مشكلتي اني حبيت فتاة وانا عمري 21 وكلمت امي بعد تردد وخوف انها لاتوافق لاني عرفتها قبل الزواج ولكن بعد التوكل على الله اخبرتها . رديت علي امي انت صغير وماعندك وظيفة اصبر والبنات كثير لاتستعجل على زواجك

سائت حالتي النفسيه بعدها انها ماتكون من نصيبي وانعكس هذا على علاقتنا وكثرت المشاكل بيننا وفارقتني من غير رجعه ؟ يمكن الغلط كان مني ويمكن منها ؟ ادري ان الي كنا نسويه غلط ومايجوز بس والله الصدفه الي جمعتنا وماكان ابدا لي نيه اعرف بنت قبل الزواج ولا بعده

حاولت انساها بكل الطرق مسحت من حياتي كل شي يذكرني بالماضي وحاولت اشغل نفسي درست وتوظفت والحمدلله الان موظف وراتبي مايقل عن 10000

عانيت كثير بس الحمدلله.. انا من النوع الي اكره شعور الشفقه صعب اتكلم عن حالتي لاحد حتى لو اخوي ولا صاحبي ..
يوم من الايام كنت ماشي في الطريق بعد المغرب وعديت عند قاعة افراح وشفت ابوها واقف عند السيارة .. تجمد الدم وقتها في عروقي انا اعرف ابوها واعرف شكله

رجعت عديت قريب من باب ادارة القاعة للحجر ودخل ابوها وجيت نظرة من بعيد وشفتها جالسة مع اختها :waaaaaa:
تمنيت اني اموت قبل اشوف هذا المنظر .. انا ليش جيت هنا ؟ ايش جابني ؟ ليش جابتني رجولي من غير موعد
؟؟ عرفت بعد مدة انها تزوجت وكل مرة اشغل نفسي ولا افكر ابدا

مرت السنين والان عمري يقارب الثلاثين الآ شوي .. اهلي يبوني اتزوج وكل مرة اخاف اظلم الانسانه الي برتبط فيها يمكن ماقدر احبها واقصر معها ! شخصيتي اصبحت بارده فيني مياه راكده .. ,

فكرت كثير اروح لابوها واسوي الي يبي ويطلقها واتزوجها بس اقول حرام وقلة مروءة ومستحيل هو يوافق . ولا هو يطلقها ويكرهها من نفسه ولا هي تكرهه. بس ماراح يصير لان كله خيال

ماراح اكذب واقول اني افكر في هذا الموضوع كثير مع الايام قدرت اتناسى وتخليت عن كثير من قناعاتي , وثقتي بالله كبيرة
..

هل اذا تزوجت بيأثر فيني من ناحية حياتنا ولا الزواج بينسيني كل شي واحب الانسانه الي بتكون معي واربي اطفالي معها
متردد جدا في موضوع الزواج والايام تمشي وانا في العزوبية وكل مامرت سنة تلاشت هذه الفكرة من راسي وتعود على حياتي اعزب .؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lrhgd] hgkihdm hglcstm

المصدر...