شخـصية زوجـي وعـقله المتحـجر

شخـصية زوجـي وعـقله المتحـجر

السلام عليكم اسئلكم بالله في هذا الشهر الفضيل
ان تجاوبوا لعل يكون في اجوبتكم حل لمشكلتي
مشكلتي في شخصية زوجي وعقله المتحجر يمنعني من اشياء كثيره كنت متعودة عليها مثل طريقة لبسي و يلزمني اني اغطي عيوني وهذي مشكله فعلا مأزمتني لاني مااستشعر من جواتي ان ستر العين واجب دايم الطرحه على عيوني حتى لو نقابي اسلامي لازم اغطي بالطرحه بحثت وبحثت في الاحكام ومالقيت شي يمس قناعتي احس انه يحرمني اشوف متع الدنيا بعيوني ارجوكم لاتحكمو علي لان فعلك لشي يعاكس قناعاتك شي مؤلم ثانيا يمنعني اسافر لاهلي بحكم انهم في بلد ثاني وانا بعيده عن اهلي وصار ذهابي لهم مقترن باجازاته وباستطاعته الماليه وهو يرفض لانه سفر المرأه من غير محرم حرام طيب وش ذنبي انا اذا ابي اشوفهم والله تمر شهور محرومه منهم والله شاهد على كلامي اني بوسط السواليف اقوم اانخش بمكان وابكي في اليوم تجيني نوبات بكاء ثلاث مرات (عالاقل) والله ان فقدي لاهلي عائق لحياتي احيان ابكي لان ودي اطلع مع اي احد غيره وهو رافض فكرة السواقين نهائيا اذا بغيت اطلع فقط معاه واذا طلعت معاه يلزمني اغطي عيوني ولااشوف شي اغلب طلعاتي انقهر ودي البس ساعه ودي البس فلات وهو مانعني من هالاشياء يقول تفتن لو تكلمت مع اي احد برا البيت يقول انا مو رجال قدامك ويسوي مشاكل مالها اول لا لها تالي ؟ ومره كان بيطلقني لاني اتصلت ع 900 ومحلل لنفسه يتكلم مع الحريم برا البيت ولما يتصل ع مكان وترد حرمه يقول عادي ضروره تعبت منه ومن تخلفه تفكير نفس تفكير اخوانه واعمامه بيئة منغلقه المرأه فيها شي يخجلون منه مايطلع صوتها ماتطلع برا تسلط وتملك زايد اتمنى يكون دافعه الحب لكن للاسف هذا طبع دافعه تقاليد بيئه فاشله شاف ابوه يعامل امه بنفس الطريقه حاولت بالنقاش كثير افهمه حاولت افتح عقليته بطرق مباشره وغير مباشره حاولت ازرع في لاوعيه انه يتفتح شوي بس فشلت والله ي بنات الضيقه الي انا فيها مازمتني كل يوم بكا مستمر ولما احد يسالني ايش اخبارك اقول الحمدلله وانا ابكي من جوا ودي افاتح اهلي بالموضوع بس مادري ايش اقول لهم لانهم بصفه ماشافو منه شي سلبي بس الحقيقه معاشرته خنقه وماتنطاق وانا متزوجه من سنين مو سنه ولاسنتين اكثر حاولت اعوّد نفسي من باب اني اكون زوجه مطيعه لكن فشلت لانه يشوف ان الخضوع التام لحضرته طاعه وحجته ان الطاعه واجبه والله الخنقه محد يقواها اعطوني حل بديت احس اني احتاج عياده نفسيه .

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

aoJwdm .,[Jd ,uJrgi hgljpJ[v

المصدر...