اخوي صار عدوي ويبي يفضحنا

اخوي صار عدوي ويبي يفضحنا

متزوجه صار لي 7 سنوات وعندي طفله
عشنا حياه مفككه لانه امي وابوي منفصلين
من احنا صغار حيل وربانا اخوي مع امي كان لنا نعم الاب واحنا عددنا كثير
وحاليا تزوجنا كلنا بس باقي 1 من اخواني وعمره 29
2-علاقتي مع زوجي حيييل سيئه ومشاكل
من بداية الزواج ويعتبرني غريبه ومايقولي ولاشي عن حياته الخاصه ويضرب ويسب
بالعربي حياه فاشله وكذا مره اروح بيت اهلي ويحاولون يهدوني ويصلحون وارجع واطلب الطلاق
بس هو مايرضى يطلق الا بمقابل مادي وانا ما اصر ع الطلاق
عشان وضع اهلي وولدي وبالعافيه مشيه حياتي معاه بدون ادنى موده ورحمه ولاحب
3- مشكلتي الحاليه اخوي اصغر واحد هو سيء طول حياته من عمره 18يتنقل من بنت لبنت الله لايبلانا
ومره انسجن بسبب هالقضيه صايدينه اهل البنت فبيتهم وانسجن لمدة ستة اشهر مع الجلد
واخواني حاولو يلمون السالفه ومايقولون حق احد حتى احنا بس انا واختي درينا ولاعلمنا احد ابدا وهالمشكله صارت قبل 5سنوات تقريبا
طلع من السجن وعقل فتره وبعدها رجع لخرابيطه وكان يجيب بنات بيتنا فالمجلس ويقول انه صديقه بيناموانا اشك بس امشي السالفه
مافي احد فالبيت الا انا وامي وهو وانا ادري عن كل سوالفه ويوصلني كلام كثير من بنات عنه وانهم يشوفونه مع بنات
بعدها تزوج وحده من هالبنات الي يطلع معاهم من غير ماندري ودايم كان يقول لاخواني انا خلصت وتزوجت بمزح
واخواني ع اساس انو مزح وهو جد انا كشفته شفت اسمها ببطاقته وقام يجيبها البيت بالخفيه ويدخلها الغرفه
وما احد يدري الا انا المهم انا كلمت اختي وقالت لازم نقول لاخوي الكبير الي هو بمقام ابوي والي ربانا
وقلنا له انصدم حييل وراح سأل عن البيت الي هو ماخذ منه وطلع حيل سيئين والكل يحذره منهم سال كثير والكل يحذره
وبعدها مسكه وتهاوش معه وقاله شلون تزوج بدون علمنا وتاخذ من هالناس وصارت هوشه كبيره وطول لسانه ع اخوي وشوي ويضربه
وعطاه اخوي مهله يحل الموضوع وفي هالفتره اتصل واحد ع اخوي الكبير وهو من العايله ويقوله تدري اخوك متزوج وحده وصخه
وعندي ادله عليها وووو المهم بعد احداث طويله طلقها بعد مادفع له اخوي المؤخر الكبير الي هم حاطينه عليه الغبي
ومن طلقها وهو منعفس ومعادي الكل وخصوصا انا لانه درى انه انا الي شفت البطاقه وعلمت اختي واخوي
وقال لامي والله لاعفس حياتكم وادمر حياة بنتك الي هي انا واخلي زوجها يطلقها اقول حق زوجها كلام عنها واخليه يطلقها
وصاير مايحترم احد ويمكن دلعنا له وتوفيرنا لكل طلباته اهو الي خربه ووصله لقلة الادب الي هو فيه
4-انا الحين خايفه يقول لزوجي شي وزوجي يصدقه خصوصا انه علاقتي مع زوجي سيئه ويبي علي الشاره
وزوجي يدري عن سوالف اخوي كلها لانه اكثر من مره يشوفه فالسياره مع بنات
(في شي بقوله انه قبل 10 سنوات انا كنت اكلم واحد قبل لا اتزوج كنت فترة مراهقه بس جوال وهالشخص قام يهددني
انه اذا مارسلت له صورتي بيفضحني خصوصا انه كان يعرف عني كل شي ويعرف اخواني وارقامهم
فقمت انا قل لاخوي هذا السالفه وكلكه وخذ الجوال وانتهى كل شي ومن يومها وانا عمري ماكلمت احد
وهو الحين اخوي شكله بيهددني بهذي السالفه عند زوجي) حاليا احنا مانكلم بعض
شورو علي كيف اتصرف؟؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

ho,d whv u],d ,dfd dtqpkh

المصدر...