وصلت لمرحلة مستعصية بسبب الزواج!!

وصلت لمرحلة مستعصية بسبب الزواج!!

السلام عليكم ورحمة الله وبركاته

اتمنى تكونوا بتمام الصحة والعافية
انا ماجيت اكتب هنا الا بعد ماضاقت فيني الدنيا والحمدلله على كل حال

انا شاب عمري 26 سنة وع مشارف ال27
اللي حصل لي اني عقدت على فتاة قبل 3 سنوات وماكنت مقتنع تماما بالبنت
وصلت لمرحلة حيرة ، لان الاقتناع بالفتاة حسيتها نقطه مهمه
بالاخير طلقت ، طبعا الموضوع ماكان بالسهوله هذه ،
الانسانه راح اعيش معاها عمري كامل اذا الله احيانا ومتعنا بالصحة والعافية
بعد الاستخارة والمشورات وصلت للحل هذا ،
اللي حصل بعد كذا ، ابتعثت للخارج وكلي امل ان اهلي يحصلون لي الفتاه المناسبة
وهذه هي ال3 وانا على حالي ، كل اللي بسني ماشاءالله تزوجوا وخلفوا ،
الحمدلله انا انسان مقتدر واموري كلها جاهزه ، بس ماحصلت نصيبي للان
مع اني ماحس اني انسان متشرط ، اهلي واقاربي كلهم يدورون لي وللاسف ماصار شئ

انا حاليا وصلت لفكره ارجع للانسانه اللي طلقتها ،
اقول لعقلي ممكن الاقتناع يجي مع الوقت ، خصوصا انهم ناس جدا طيبين وفيهم الخير
والبنت ماشفت منها الا كل خير مع اني فترة الملكه كانت بسيطه جدا
لكن صدقا البنت ماعندها مقومات الانوثه من ناحيه الجسم ، هل هذه مشكله؟
ومايخفى عليكم الغربه صعبه وموب هينه , انا الحمدلله مو ناقصني حاليا الا انسانه تسترني وانسانه تكون شريكه حياتي ,
علما باني موظف مبتعث ، يعني يارب لك الحمد كل شئ متسهل

هل فكره اني ارجع لها فكره حسنه؟ لان صعب اعتمد على اهلي ، السنين تمشي وانا باقي انتظر النصيب

ممكن اخذت راحتي بالكلام ، لان متأكد بالاخير شخصيتي بتصير مجهوله هنا ،

والف شكرا مقدما لكل من يساعدني بوضعي الحالي ، انا ودي اعيش حياه سعيدة ، وانا اقدس العلاقات الزوجيه ،مبنيه على تفاهم ، اهتمام ، اخلاق ، تقدير ، معاشرة ، ما اخذت الموضوع بتفكير سطحي ابدا

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

,wgj glvpgm lsjuwdm fsff hg.,h[!!

المصدر...