من حقي أكرهم ؟

من حقي أكرهم ؟

السلام عليكم،

محدثكم شابة ، 22 سنة، طالبة جامعة.

مشكلتي بدت من صغري ، بالأحرى من ملامحي ، انا مش قبيحة بشناعة، ببساطة انا مش مملوحة من وعيت على الدنيا و انا اسمع تعليقات ع شكلي لين وصلت على هيئة سب من اخواني، ما ابالغ اذا قلت لكم كل يوم و باليوم كذا مرة اتعرض للطقطقة. و هذا الشي كان يدمي قلبي من طفولتي لكن كنت انشغل بدراستي و بدون مبالغة كنت أبرع في اي شي أسويه ، و يمكن هذا الشي اللي كان مخليني اعوض ع النقص اللي كنت أحسه.

طفولتي كانت سيئة ، يعني ولدت لأبوين اميين - ولا لوم- لكن طبعاً ما كانو يوعون ايش يعني انك تزرع الثقة بطفلك و و و .. و امي بنفسها كانت تعلق علي من باب الوصف مش من باب الاستهزاء ، لكن هذا بعد كان يحرق قلبي. وصل ان حرمة تكلمت على شكلي بمجلس مليان و انا عمري 9 سنين وامي على نياتها ما فهمتها و الله للحين اذكر الحزن اللي حسيته لحظتها و كم كرهت امي انها ما ردت.

مريت بطفولة سيئة تعرضت فيها لأنواع كثيرة من التنقيص، أضف الى ذلك تربيتي الجنسية اللي كانت تربية شوارع و و لولا رحمة الله كاني مغتصبة الحين، لكن الحمدلله.

هذي طفولتي، ولو جينا لمراهقتي فهي أسوأ ، كبرت و صوت اشوف البنات و شلون يتصلحون و لكن انا على العكس منهم ، كنت ما أحط مرطب شفاه لاني محتقرة نفسي ما يحق لي اسوي اي شي جمالي. وانا بهذا القبح.
الحين كبرت اكثر و لساتي بنفس دمار الثقة ، فرص كثيرة لي في الحياة قاعدة تضيع مني لقلة ثقتي في نفس ، حساسة جداً ، اي شي سيّء بالحياة صرت امثله على نفسي،
احيان لما امي تقول شي عن شكل يصير ودي انفجر فيها و اقول اسمعي غلطتي علي بطفولتي يومك لكن الحين ستوب لا عاد تدمريني اكثر.

الجزء الأسوأ اني بديت اكره اخواني و اقدر اقول الامر بيوصل اني أحقد عليهم اذا شفتهم مبسوطين ، أتعوذ من ابليس و اقول كانو صغار مثلك ما يوعون اللي كانو يسوونه لكن ارجع لواقعي و أصير اكرهم اكثر لان للحين يقطون تعليقات بالجماعات العائلية او لما نشوف صورنا وأحنا صغار.

صار عمري 22 و على وجه تخرج! ماني مصدقة ان هالسنين و اللي المفروض تكون احلى سنين حياتي انقضت بجلد لذاتي مالي أيد فيه!!
انا حزينة لاني وصلت بدون ما ادري لانسانة الكره عندها شي عادي ، لدرجة اذا عصبني بزر و بكى بعد شوي ، افرح.

اليوم كنت أفكر و توصلت انه شي طبيعي أكره ناس سببوا لي هالأذى النفسي و ان كانو اهلي.
لكن انا مابي أكره ، ابي أعيش بسلام!
ماعاد يهمني اني ارجع ثقتي بقدر ما يهمني انا ما اكره او احقد.
اعتذر اذا طولت لكن هذي اول مره اكتب عن هالشي و أخذني الالم.

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

lk prd H;vil ?

المصدر...